| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
9. барибаажид̇асигкаабад̣̇аван̣н̣анаа
9. Paripācitasikkhāpadavaṇṇanā
барибаажид̇анд̇и барибаагамаабаад̣̇ид̇ам̣, яат̇аа лабхад̇и, д̇ат̇аа гад̇ваа табид̇анд̇и вуд̇д̇ам̣ ход̇и. д̇знааха ‘‘нзва д̇ассаа’’д̇иаад̣̇и д̇ассаад̇и яо барибхун̃ж̇зяяа, д̇асса бхигкуно. бхигкусса г̇ун̣ам̣ багаасзд̇ваад̇и ‘‘аяяо бхаан̣аго, аяяо б̣ахуссуд̇о’’д̇иаад̣̇инаа (баажи. 195) г̇ун̣ам̣ багаасзд̇ваа . бин̣д̣абаад̇анд̇и бан̃жаннам̣ бхож̇анаанам̣ ан̃н̃ад̇арам̣. гаммасаад̇ханояам̣ самаарамбхасад̣̇д̣̇од̇и ааха ‘‘самаарад̣̇д̇ха’’нд̇и. бадияаад̣̇ид̇ассаад̇и самбаад̣̇ид̇асса. яасмаа н̃аад̇агаббаваарид̇зхи бхигкусса ад̇т̇ааяа асамаарад̣̇д̇хоби бин̣д̣абаад̇о ад̇т̇ад̇о самаарад̣̇д̇хова ход̇и яат̇аасукам̣ хараабзд̇аб̣б̣ад̇о, д̇асмаа ‘‘н̃аад̇агаббаваарид̇аанам̣ ваа санд̇ага’’нд̇и вуд̇д̇ам̣.
Paripācitanti paripākamāpāditaṃ, yathā labhati, tathā katvā ṭhapitanti vuttaṃ hoti. Tenāha ‘‘neva tassā’’tiādi tassāti yo paribhuñjeyya, tassa bhikkhuno. Bhikkhussa guṇaṃ pakāsetvāti ‘‘ayyo bhāṇako, ayyo bahussuto’’tiādinā (pāci. 195) guṇaṃ pakāsetvā . Piṇḍapātanti pañcannaṃ bhojanānaṃ aññataraṃ. Kammasādhanoyaṃ samārambhasaddoti āha ‘‘samāraddha’’nti. Paṭiyāditassāti sampāditassa. Yasmā ñātakappavāritehi bhikkhussa atthāya asamāraddhopi piṇḍapāto atthato samāraddhova hoti yathāsukhaṃ harāpetabbato, tasmā ‘‘ñātakappavāritānaṃ vā santaka’’nti vuttaṃ.
убхаяад̇т̇аад̇и барибаажид̇аабарибаажид̇зсу. авасзсзд̇и бхигкунибарибаажид̇зби яааг̇укаж̇ж̇агапалаапалаад̣̇игз саб̣б̣ад̇т̇а. нимид̇д̇обхаасабаригат̇аавин̃н̃ад̇д̇ивасзна бана авасзсзби д̣̇уггадад̇о на мужжад̇и.
Ubhayatthāti paripācitāparipācitesu. Avaseseti bhikkhuniparipācitepi yāgukhajjakaphalāphalādike sabbattha. Nimittobhāsaparikathāviññattivasena pana avasesepi dukkaṭato na muccati.
барибаажид̇асигкаабад̣̇аван̣н̣анаа нидтид̇аа.
Paripācitasikkhāpadavaṇṇanā niṭṭhitā.
