| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൪. പരിഞ്ഞേയ്യസുത്തവണ്ണനാ
4. Pariññeyyasuttavaṇṇanā
൧൦൬. പരിഞ്ഞേയ്യേതി ഏത്ഥ തിസ്സോ പരിഞ്ഞാ ഞാതപരിഞ്ഞാ, തീരണപരിഞ്ഞാ, പഹാനപരിഞ്ഞാതി. താസു ഞാതപരിഞ്ഞാ യാവദേവ തീരണപരിഞ്ഞത്ഥാ. തീരണപരിഞ്ഞാ ച യാവദേവ പഹാനപരിഞ്ഞത്ഥാതി . തത്ഥ ഉക്കട്ഠായ പരിഞ്ഞായ കിച്ചദസ്സനവസേന അത്ഥം ദസ്സേന്തോ ‘‘പരിഞ്ഞേയ്യേതി പരിജാനിതബ്ബേ സമതിക്കമിതബ്ബേ’’തി, പഹാതബ്ബേതി അത്ഥോ. തേനാഹ ഭഗവാ – ‘‘കതമാ ച, ഭിക്ഖവേ, പരിഞ്ഞാ? രാഗക്ഖയോ, ദോസക്ഖയോ, മോഹക്ഖയോ’’തി, തസ്മാ സമതിക്കമന്തി, സമതിക്കന്തം പഹാനസ്സ ഉപായം. സമതിക്കമിത്വാ ഠിതന്തി പജഹിത്വാ ഠിതന്തി അയമേത്ഥ അത്ഥോ.
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
പരിഞ്ഞേയ്യസുത്തവണ്ണനാ നിട്ഠിതാ.
Pariññeyyasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. പരിഞ്ഞേയ്യസുത്തം • 4. Pariññeyyasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. പരിഞ്ഞേയ്യസുത്തവണ്ണനാ • 4. Pariññeyyasuttavaṇṇanā
