| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. ပရိညေယ္ယသုတ္တဝဏ္ဏနာ
4. Pariññeyyasuttavaṇṇanā
၁၀၆. ပရိညေယ္ယေတိ ဧတ္ထ တိသ္သော ပရိညာ ဉာတပရိညာ, တီရဏပရိညာ, ပဟာနပရိညာတိ။ တာသု ဉာတပရိညာ ယာဝဒေဝ တီရဏပရိညတ္ထာ။ တီရဏပရိညာ စ ယာဝဒေဝ ပဟာနပရိညတ္ထာတိ ။ တတ္ထ ဥက္ကဋ္ဌာယ ပရိညာယ ကိစ္စဒသ္သနဝသေန အတ္ထံ ဒသ္သေန္တော ‘‘ပရိညေယ္ယေတိ ပရိဇာနိတဗ္ဗေ သမတိက္ကမိတဗ္ဗေ’’တိ, ပဟာတဗ္ဗေတိ အတ္ထော။ တေနာဟ ဘဂဝာ – ‘‘ကတမာ စ, ဘိက္ခဝေ, ပရိညာ? ရာဂက္ခယော, ဒောသက္ခယော, မောဟက္ခယော’’တိ, တသ္မာ သမတိက္ကမန္တိ, သမတိက္ကန္တံ ပဟာနသ္သ ဥပာယံ။ သမတိက္ကမိတ္ဝာ ဌိတန္တိ ပဇဟိတ္ဝာ ဌိတန္တိ အယမေတ္ထ အတ္ထော။
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
ပရိညေယ္ယသုတ္တဝဏ္ဏနာ နိဋ္ဌိတာ။
Pariññeyyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. ပရိညေယ္ယသုတ္တံ • 4. Pariññeyyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. ပရိညေယ္ယသုတ္တဝဏ္ဏနာ • 4. Pariññeyyasuttavaṇṇanā
