| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. បរិញ្ញេយ្យសុត្តវណ្ណនា
4. Pariññeyyasuttavaṇṇanā
១០៦. បរិញ្ញេយ្យេតិ ឯត្ថ តិស្សោ បរិញ្ញា ញាតបរិញ្ញា, តីរណបរិញ្ញា, បហានបរិញ្ញាតិ។ តាសុ ញាតបរិញ្ញា យាវទេវ តីរណបរិញ្ញត្ថា។ តីរណបរិញ្ញា ច យាវទេវ បហានបរិញ្ញត្ថាតិ ។ តត្ថ ឧក្កដ្ឋាយ បរិញ្ញាយ កិច្ចទស្សនវសេន អត្ថំ ទស្សេន្តោ ‘‘បរិញ្ញេយ្យេតិ បរិជានិតព្ពេ សមតិក្កមិតព្ពេ’’តិ, បហាតព្ពេតិ អត្ថោ។ តេនាហ ភគវា – ‘‘កតមា ច, ភិក្ខវេ, បរិញ្ញា? រាគក្ខយោ, ទោសក្ខយោ, មោហក្ខយោ’’តិ, តស្មា សមតិក្កមន្តិ, សមតិក្កន្តំ បហានស្ស ឧបាយំ។ សមតិក្កមិត្វា ឋិតន្តិ បជហិត្វា ឋិតន្តិ អយមេត្ថ អត្ថោ។
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
បរិញ្ញេយ្យសុត្តវណ្ណនា និដ្ឋិតា។
Pariññeyyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. បរិញ្ញេយ្យសុត្តំ • 4. Pariññeyyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. បរិញ្ញេយ្យសុត្តវណ្ណនា • 4. Pariññeyyasuttavaṇṇanā
