| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. પરિઞ્ઞેય્યસુત્તવણ્ણના
4. Pariññeyyasuttavaṇṇanā
૧૦૬. પરિઞ્ઞેય્યેતિ એત્થ તિસ્સો પરિઞ્ઞા ઞાતપરિઞ્ઞા, તીરણપરિઞ્ઞા, પહાનપરિઞ્ઞાતિ. તાસુ ઞાતપરિઞ્ઞા યાવદેવ તીરણપરિઞ્ઞત્થા. તીરણપરિઞ્ઞા ચ યાવદેવ પહાનપરિઞ્ઞત્થાતિ . તત્થ ઉક્કટ્ઠાય પરિઞ્ઞાય કિચ્ચદસ્સનવસેન અત્થં દસ્સેન્તો ‘‘પરિઞ્ઞેય્યેતિ પરિજાનિતબ્બે સમતિક્કમિતબ્બે’’તિ, પહાતબ્બેતિ અત્થો. તેનાહ ભગવા – ‘‘કતમા ચ, ભિક્ખવે, પરિઞ્ઞા? રાગક્ખયો, દોસક્ખયો, મોહક્ખયો’’તિ, તસ્મા સમતિક્કમન્તિ, સમતિક્કન્તં પહાનસ્સ ઉપાયં. સમતિક્કમિત્વા ઠિતન્તિ પજહિત્વા ઠિતન્તિ અયમેત્થ અત્થો.
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
પરિઞ્ઞેય્યસુત્તવણ્ણના નિટ્ઠિતા.
Pariññeyyasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. પરિઞ્ઞેય્યસુત્તં • 4. Pariññeyyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. પરિઞ્ઞેય્યસુત્તવણ્ણના • 4. Pariññeyyasuttavaṇṇanā
