| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. परिञ्ञेय्यसुत्तवण्णना
4. Pariññeyyasuttavaṇṇanā
१०६. परिञ्ञेय्येति एत्थ तिस्सो परिञ्ञा ञातपरिञ्ञा, तीरणपरिञ्ञा, पहानपरिञ्ञाति। तासु ञातपरिञ्ञा यावदेव तीरणपरिञ्ञत्था। तीरणपरिञ्ञा च यावदेव पहानपरिञ्ञत्थाति । तत्थ उक्कट्ठाय परिञ्ञाय किच्चदस्सनवसेन अत्थं दस्सेन्तो ‘‘परिञ्ञेय्येति परिजानितब्बे समतिक्कमितब्बे’’ति, पहातब्बेति अत्थो। तेनाह भगवा – ‘‘कतमा च, भिक्खवे, परिञ्ञा? रागक्खयो, दोसक्खयो, मोहक्खयो’’ति, तस्मा समतिक्कमन्ति, समतिक्कन्तं पहानस्स उपायं। समतिक्कमित्वा ठितन्ति पजहित्वा ठितन्ति अयमेत्थ अत्थो।
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
परिञ्ञेय्यसुत्तवण्णना निट्ठिता।
Pariññeyyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. परिञ्ञेय्यसुत्तं • 4. Pariññeyyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. परिञ्ञेय्यसुत्तवण्णना • 4. Pariññeyyasuttavaṇṇanā
