| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. পরিঞ্ঞেয্যসুত্তৰণ্ণনা
4. Pariññeyyasuttavaṇṇanā
১০৬. পরিঞ্ঞেয্যেতি এত্থ তিস্সো পরিঞ্ঞা ঞাতপরিঞ্ঞা, তীরণপরিঞ্ঞা, পহানপরিঞ্ঞাতি। তাসু ঞাতপরিঞ্ঞা যাৰদেৰ তীরণপরিঞ্ঞত্থা। তীরণপরিঞ্ঞা চ যাৰদেৰ পহানপরিঞ্ঞত্থাতি । তত্থ উক্কট্ঠায পরিঞ্ঞায কিচ্চদস্সনৰসেন অত্থং দস্সেন্তো ‘‘পরিঞ্ঞেয্যেতি পরিজানিতব্বে সমতিক্কমিতব্বে’’তি, পহাতব্বেতি অত্থো। তেনাহ ভগৰা – ‘‘কতমা চ, ভিক্খৰে, পরিঞ্ঞা? রাগক্খযো, দোসক্খযো, মোহক্খযো’’তি, তস্মা সমতিক্কমন্তি, সমতিক্কন্তং পহানস্স উপাযং। সমতিক্কমিত্ৰা ঠিতন্তি পজহিত্ৰা ঠিতন্তি অযমেত্থ অত্থো।
106.Pariññeyyeti ettha tisso pariññā ñātapariññā, tīraṇapariññā, pahānapariññāti. Tāsu ñātapariññā yāvadeva tīraṇapariññatthā. Tīraṇapariññā ca yāvadeva pahānapariññatthāti . Tattha ukkaṭṭhāya pariññāya kiccadassanavasena atthaṃ dassento ‘‘pariññeyyeti parijānitabbe samatikkamitabbe’’ti, pahātabbeti attho. Tenāha bhagavā – ‘‘katamā ca, bhikkhave, pariññā? Rāgakkhayo, dosakkhayo, mohakkhayo’’ti, tasmā samatikkamanti, samatikkantaṃ pahānassa upāyaṃ. Samatikkamitvā ṭhitanti pajahitvā ṭhitanti ayamettha attho.
পরিঞ্ঞেয্যসুত্তৰণ্ণনা নিট্ঠিতা।
Pariññeyyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. পরিঞ্ঞেয্যসুত্তং • 4. Pariññeyyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. পরিঞ্ঞেয্যসুত্তৰণ্ণনা • 4. Pariññeyyasuttavaṇṇanā
