| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. པརིཉྙེཡྻསུཏྟཾ
4. Pariññeyyasuttaṃ
༡༠༦. སཱཝཏྠིནིདཱནཾ། ‘‘པརིཉྙེཡྻེ ཙ, བྷིཀྑཝེ, དྷམྨེ དེསེསྶཱམི པརིཉྙཉྩ པརིཉྙཱཏཱཝིཉྩ པུགྒལཾ། ཏཾ སུཎཱཐ། ཀཏམེ ཙ, བྷིཀྑཝེ, པརིཉྙེཡྻཱ དྷམྨཱ? རཱུཔཾ, བྷིཀྑཝེ, པརིཉྙེཡྻོ དྷམྨོ། ཝེདནཱ…པེ॰… སཉྙཱ… སངྑཱརཱ… ཝིཉྙཱཎཾ པརིཉྙེཡྻོ དྷམྨོ། ཨིམེ ཝུཙྩནྟི, བྷིཀྑཝེ, པརིཉྙེཡྻཱ དྷམྨཱ། ཀཏམཱ ཙ, བྷིཀྑཝེ, པརིཉྙཱ? རཱགཀྑཡོ, དོསཀྑཡོ, མོཧཀྑཡོ – ཨཡཾ ཝུཙྩཏི, བྷིཀྑཝེ, པརིཉྙཱ། ཀཏམོ ཙ, བྷིཀྑཝེ, པརིཉྙཱཏཱཝཱི པུགྒལོ? ཨརཧཱཏིསྶ ཝཙནཱིཡཾ། ཡྭཱཡཾ ཨཱཡསྨཱ ཨེཝཾནཱམོ ཨེཝཾགོཏྟོ – ཨཡཾ ཝུཙྩཏི, བྷིཀྑཝེ, པརིཉྙཱཏཱཝཱི པུགྒལོ’’ཏི། ཙཏུཏྠཾ།
106. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca pariññātāviñca puggalaṃ. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo. Vedanā…pe… saññā… saṅkhārā… viññāṇaṃ pariññeyyo dhammo. Ime vuccanti, bhikkhave, pariññeyyā dhammā. Katamā ca, bhikkhave, pariññā? Rāgakkhayo, dosakkhayo, mohakkhayo – ayaṃ vuccati, bhikkhave, pariññā. Katamo ca, bhikkhave, pariññātāvī puggalo? Arahātissa vacanīyaṃ. Yvāyaṃ āyasmā evaṃnāmo evaṃgotto – ayaṃ vuccati, bhikkhave, pariññātāvī puggalo’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༤. པརིཉྙེཡྻསུཏྟཝཎྞནཱ • 4. Pariññeyyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༤. པརིཉྙེཡྻསུཏྟཝཎྞནཱ • 4. Pariññeyyasuttavaṇṇanā
