| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. པརིཉྙསུཏྟཾ
2. Pariññasuttaṃ
༢༣. སཱཝཏྠིནིདཱནཾ། ‘‘པརིཉྙེཡྻེ ཙ, བྷིཀྑཝེ, དྷམྨེ དེསེསྶཱམི པརིཉྙཉྩ། ཏཾ སུཎཱཐ། ཀཏམེ ཙ, བྷིཀྑཝེ, པརིཉྙེཡྻཱ དྷམྨཱ? རཱུཔཾ, བྷིཀྑཝེ, པརིཉྙེཡྻོ དྷམྨོ, ཝེདནཱ པརིཉྙེཡྻོ དྷམྨོ, སཉྙཱ པརིཉྙེཡྻོ དྷམྨོ, སངྑཱརཱ པརིཉྙེཡྻོ དྷམྨོ, ཝིཉྙཱཎཾ པརིཉྙེཡྻོ དྷམྨོ ། ཨིམེ ཝུཙྩནྟི, བྷིཀྑཝེ, པརིཉྙེཡྻཱ དྷམྨཱ། ཀཏམཱ ཙ, བྷིཀྑཝེ, པརིཉྙཱ? ཡོ, བྷིཀྑཝེ, རཱགཀྑཡོ དོསཀྑཡོ མོཧཀྑཡོ། ཨཡཾ ཝུཙྩཏི, བྷིཀྑཝེ, པརིཉྙཱ’’ཏི། དུཏིཡཾ།
23. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo, vedanā pariññeyyo dhammo, saññā pariññeyyo dhammo, saṅkhārā pariññeyyo dhammo, viññāṇaṃ pariññeyyo dhammo . Ime vuccanti, bhikkhave, pariññeyyā dhammā. Katamā ca, bhikkhave, pariññā? Yo, bhikkhave, rāgakkhayo dosakkhayo mohakkhayo. Ayaṃ vuccati, bhikkhave, pariññā’’ti. Dutiyaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. པརིཉྙསུཏྟཝཎྞནཱ • 2. Pariññasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. པརིཉྙསུཏྟཝཎྞནཱ • 2. Pariññasuttavaṇṇanā
