| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
২. পরিঞ্ঞসুত্তং
2. Pariññasuttaṃ
২৩. সাৰত্থিনিদানং। ‘‘পরিঞ্ঞেয্যে চ, ভিক্খৰে, ধম্মে দেসেস্সামি পরিঞ্ঞঞ্চ। তং সুণাথ। কতমে চ, ভিক্খৰে, পরিঞ্ঞেয্যা ধম্মা? রূপং, ভিক্খৰে, পরিঞ্ঞেয্যো ধম্মো, ৰেদনা পরিঞ্ঞেয্যো ধম্মো, সঞ্ঞা পরিঞ্ঞেয্যো ধম্মো, সঙ্খারা পরিঞ্ঞেয্যো ধম্মো, ৰিঞ্ঞাণং পরিঞ্ঞেয্যো ধম্মো । ইমে ৰুচ্চন্তি, ভিক্খৰে, পরিঞ্ঞেয্যা ধম্মা। কতমা চ, ভিক্খৰে, পরিঞ্ঞা? যো, ভিক্খৰে, রাগক্খযো দোসক্খযো মোহক্খযো। অযং ৰুচ্চতি, ভিক্খৰে, পরিঞ্ঞা’’তি। দুতিযং।
23. Sāvatthinidānaṃ. ‘‘Pariññeyye ca, bhikkhave, dhamme desessāmi pariññañca. Taṃ suṇātha. Katame ca, bhikkhave, pariññeyyā dhammā? Rūpaṃ, bhikkhave, pariññeyyo dhammo, vedanā pariññeyyo dhammo, saññā pariññeyyo dhammo, saṅkhārā pariññeyyo dhammo, viññāṇaṃ pariññeyyo dhammo . Ime vuccanti, bhikkhave, pariññeyyā dhammā. Katamā ca, bhikkhave, pariññā? Yo, bhikkhave, rāgakkhayo dosakkhayo mohakkhayo. Ayaṃ vuccati, bhikkhave, pariññā’’ti. Dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. পরিঞ্ঞসুত্তৰণ্ণনা • 2. Pariññasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ২. পরিঞ্ঞসুত্তৰণ্ণনা • 2. Pariññasuttavaṇṇanā
