| Library / Tipiṭaka / തിപിടക • Tipiṭaka / കഥാവത്ഥുപാളി • Kathāvatthupāḷi |
൨൨. ബാവീസതിമവഗ്ഗോ
22. Bāvīsatimavaggo
(൨൦൮) ൧. പരിനിബ്ബാനകഥാ
(208) 1. Parinibbānakathā
൮൯൨. അത്ഥി കിഞ്ചി സംയോജനം അപ്പഹായ പരിനിബ്ബാനന്തി? ആമന്താ. അത്ഥി കിഞ്ചി സക്കായദിട്ഠിം അപ്പഹായ…പേ॰… അനോത്തപ്പം അപ്പഹായ പരിനിബ്ബാനന്തി? ന ഹേവം വത്തബ്ബേ…പേ॰….
892. Atthi kiñci saṃyojanaṃ appahāya parinibbānanti? Āmantā. Atthi kiñci sakkāyadiṭṭhiṃ appahāya…pe… anottappaṃ appahāya parinibbānanti? Na hevaṃ vattabbe…pe….
അത്ഥി കിഞ്ചി സംയോജനം അപ്പഹായ പരിനിബ്ബാനന്തി? ആമന്താ. അരഹാ സരാഗോ…പേ॰… സകിലേസോതി? ന ഹേവം വത്തബ്ബേ…പേ॰… നനു അരഹാ നിരാഗോ…പേ॰… നിക്കിലേസോതി? ആമന്താ. ഹഞ്ചി അരഹാ നിരാഗോ…പേ॰… നിക്കിലേസോ, നോ ച വത രേ വത്തബ്ബേ – ‘‘അത്ഥി കിഞ്ചി സംയോജനം അപ്പഹായ പരിനിബ്ബാന’’ന്തി.
Atthi kiñci saṃyojanaṃ appahāya parinibbānanti? Āmantā. Arahā sarāgo…pe… sakilesoti? Na hevaṃ vattabbe…pe… nanu arahā nirāgo…pe… nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya parinibbāna’’nti.
൮൯൩. ന വത്തബ്ബം – ‘‘അത്ഥി കിഞ്ചി സംയോജനം അപ്പഹായ പരിനിബ്ബാന’’ന്തി? ആമന്താ . അരഹാ സബ്ബം ബുദ്ധവിസയം ജാനാതീതി? ന ഹേവം വത്തബ്ബേ. തേന ഹി അത്ഥി കിഞ്ചി സംയോജനം അപ്പഹായ പരിനിബ്ബാനന്തി.
893. Na vattabbaṃ – ‘‘atthi kiñci saṃyojanaṃ appahāya parinibbāna’’nti? Āmantā . Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya parinibbānanti.
പരിനിബ്ബാനകഥാ നിട്ഠിതാ.
Parinibbānakathā niṭṭhitā.
Related texts:
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧. പരിനിബ്ബാനകഥാവണ്ണനാ • 1. Parinibbānakathāvaṇṇanā
