| Library / Tipiṭaka / තිපිටක • Tipiṭaka / කථාවත්ථුපාළි • Kathāvatthupāḷi |
22. බාවීසතිමවග්ගො
22. Bāvīsatimavaggo
(208) 1. පරිනිබ්බානකථා
(208) 1. Parinibbānakathā
892. අත්ථි කිඤ්චි සංයොජනං අප්පහාය පරිනිබ්බානන්ති? ආමන්තා. අත්ථි කිඤ්චි සක්කායදිට්ඨිං අප්පහාය…පෙ.… අනොත්තප්පං අප්පහාය පරිනිබ්බානන්ති? න හෙවං වත්තබ්බෙ…පෙ.….
892. Atthi kiñci saṃyojanaṃ appahāya parinibbānanti? Āmantā. Atthi kiñci sakkāyadiṭṭhiṃ appahāya…pe… anottappaṃ appahāya parinibbānanti? Na hevaṃ vattabbe…pe….
අත්ථි කිඤ්චි සංයොජනං අප්පහාය පරිනිබ්බානන්ති? ආමන්තා. අරහා සරාගො…පෙ.… සකිලෙසොති? න හෙවං වත්තබ්බෙ…පෙ.… නනු අරහා නිරාගො…පෙ.… නික්කිලෙසොති? ආමන්තා. හඤ්චි අරහා නිරාගො…පෙ.… නික්කිලෙසො, නො ච වත රෙ වත්තබ්බෙ – ‘‘අත්ථි කිඤ්චි සංයොජනං අප්පහාය පරිනිබ්බාන’’න්ති.
Atthi kiñci saṃyojanaṃ appahāya parinibbānanti? Āmantā. Arahā sarāgo…pe… sakilesoti? Na hevaṃ vattabbe…pe… nanu arahā nirāgo…pe… nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya parinibbāna’’nti.
893. න වත්තබ්බං – ‘‘අත්ථි කිඤ්චි සංයොජනං අප්පහාය පරිනිබ්බාන’’න්ති? ආමන්තා . අරහා සබ්බං බුද්ධවිසයං ජානාතීති? න හෙවං වත්තබ්බෙ. තෙන හි අත්ථි කිඤ්චි සංයොජනං අප්පහාය පරිනිබ්බානන්ති.
893. Na vattabbaṃ – ‘‘atthi kiñci saṃyojanaṃ appahāya parinibbāna’’nti? Āmantā . Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya parinibbānanti.
පරිනිබ්බානකථා නිට්ඨිතා.
Parinibbānakathā niṭṭhitā.
Related texts:
අට්ඨකථා • Aṭṭhakathā / අභිධම්මපිටක (අට්ඨකථා) • Abhidhammapiṭaka (aṭṭhakathā) / පඤ්චපකරණ-අට්ඨකථා • Pañcapakaraṇa-aṭṭhakathā / 1. පරිනිබ්බානකථාවණ්ණනා • 1. Parinibbānakathāvaṇṇanā
