| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২২. বাৰীসতিমৰগ্গো
22. Bāvīsatimavaggo
(২০৮) ১. পরিনিব্বানকথা
(208) 1. Parinibbānakathā
৮৯২. অত্থি কিঞ্চি সংযোজনং অপ্পহায পরিনিব্বানন্তি? আমন্তা। অত্থি কিঞ্চি সক্কাযদিট্ঠিং অপ্পহায…পে॰… অনোত্তপ্পং অপ্পহায পরিনিব্বানন্তি? ন হেৰং ৰত্তব্বে…পে॰…।
892. Atthi kiñci saṃyojanaṃ appahāya parinibbānanti? Āmantā. Atthi kiñci sakkāyadiṭṭhiṃ appahāya…pe… anottappaṃ appahāya parinibbānanti? Na hevaṃ vattabbe…pe….
অত্থি কিঞ্চি সংযোজনং অপ্পহায পরিনিব্বানন্তি? আমন্তা। অরহা সরাগো…পে॰… সকিলেসোতি? ন হেৰং ৰত্তব্বে…পে॰… ননু অরহা নিরাগো…পে॰… নিক্কিলেসোতি? আমন্তা। হঞ্চি অরহা নিরাগো…পে॰… নিক্কিলেসো, নো চ ৰত রে ৰত্তব্বে – ‘‘অত্থি কিঞ্চি সংযোজনং অপ্পহায পরিনিব্বান’’ন্তি।
Atthi kiñci saṃyojanaṃ appahāya parinibbānanti? Āmantā. Arahā sarāgo…pe… sakilesoti? Na hevaṃ vattabbe…pe… nanu arahā nirāgo…pe… nikkilesoti? Āmantā. Hañci arahā nirāgo…pe… nikkileso, no ca vata re vattabbe – ‘‘atthi kiñci saṃyojanaṃ appahāya parinibbāna’’nti.
৮৯৩. ন ৰত্তব্বং – ‘‘অত্থি কিঞ্চি সংযোজনং অপ্পহায পরিনিব্বান’’ন্তি? আমন্তা । অরহা সব্বং বুদ্ধৰিসযং জানাতীতি? ন হেৰং ৰত্তব্বে। তেন হি অত্থি কিঞ্চি সংযোজনং অপ্পহায পরিনিব্বানন্তি।
893. Na vattabbaṃ – ‘‘atthi kiñci saṃyojanaṃ appahāya parinibbāna’’nti? Āmantā . Arahā sabbaṃ buddhavisayaṃ jānātīti? Na hevaṃ vattabbe. Tena hi atthi kiñci saṃyojanaṃ appahāya parinibbānanti.
পরিনিব্বানকথা নিট্ঠিতা।
Parinibbānakathā niṭṭhitā.
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১. পরিনিব্বানকথাৰণ্ণনা • 1. Parinibbānakathāvaṇṇanā
