| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
૧૦. પરિણતસિક્ખાપદવણ્ણના
10. Pariṇatasikkhāpadavaṇṇanā
૬૬૦. દસમે રોપિતમાલવચ્છતોતિ કેનચિ નિયમેત્વા રોપિતં સન્ધાય વુત્તં. અનોચિતં મિલાયમાનં ઓચિનિત્વા યત્થ કત્થચિ પૂજેતું વટ્ટતિ. ઠિતં દિસ્વાતિ સેસકં ગહેત્વા ઠિતં દિસ્વા. યત્થ ઇચ્છથ, તત્થ દેથાતિ એત્થ નિયમેત્વા ‘‘અસુકસ્સ દેહી’’તિ વુત્તેપિ દોસો નત્થિ ‘‘તુમ્હાકં રુચિયા’’તિ વુત્તત્તા. સઙ્ઘે પરિણતભાવો, તં ઞત્વા અત્તનો પરિણામનં, પટિલાભોતિ ઇમાનેત્થ તીણિ અઙ્ગાનિ.
660. Dasame ropitamālavacchatoti kenaci niyametvā ropitaṃ sandhāya vuttaṃ. Anocitaṃ milāyamānaṃ ocinitvā yattha katthaci pūjetuṃ vaṭṭati. Ṭhitaṃ disvāti sesakaṃ gahetvā ṭhitaṃ disvā. Yattha icchatha, tattha dethāti ettha niyametvā ‘‘asukassa dehī’’ti vuttepi doso natthi ‘‘tumhākaṃ ruciyā’’ti vuttattā. Saṅghe pariṇatabhāvo, taṃ ñatvā attano pariṇāmanaṃ, paṭilābhoti imānettha tīṇi aṅgāni.
પરિણતસિક્ખાપદવણ્ણના નિટ્ઠિતા.
Pariṇatasikkhāpadavaṇṇanā niṭṭhitā.
નિટ્ઠિતો પત્તવગ્ગો તતિયો.
Niṭṭhito pattavaggo tatiyo.
ઇતિ સમન્તપાસાદિકાય વિનયટ્ઠકથાય વિમતિવિનોદનિયં
Iti samantapāsādikāya vinayaṭṭhakathāya vimativinodaniyaṃ
તિંસકવણ્ણનાનયો નિટ્ઠિતો.
Tiṃsakavaṇṇanānayo niṭṭhito.
પઠમો ભાગો નિટ્ઠિતો.
Paṭhamo bhāgo niṭṭhito.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૧૦. પરિણતસિક્ખાપદં • 10. Pariṇatasikkhāpadaṃ
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૧૦. પરિણતસિક્ખાપદવણ્ણના • 10. Pariṇatasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૧૦. પરિણતસિક્ખાપદવણ્ણના • 10. Pariṇatasikkhāpadavaṇṇanā
