| Library / Tipiṭaka / တိပိဋက • Tipiṭaka / ကင္ခာဝိတရဏီ-ပုရာဏ-ဋီကာ • Kaṅkhāvitaraṇī-purāṇa-ṭīkā |
၁၂. ပရိဏာမနသိက္ခာပဒဝဏ္ဏနာ
12. Pariṇāmanasikkhāpadavaṇṇanā
ဧကော ဘိက္ခု ဥက္ခိတ္တကသ္သ ဒာတုကာမော ဟောတိ, တသ္သ ဒာနံ နိဝာရေတ္ဝာ အညသ္သ ဒာပေတိ, အနာပတ္တိ။ တထာ သဒ္ဓာဒေယ္ယဝိနိပာတနံ ကရောန္တသ္သ ဒာပေတိ, အတ္တနော နိသ္သိတကာ ဣတ္ထန္နာမသ္သ ပတ္တံ ဒာတုကာမာ အာပုစ္ဆန္တိ, ‘‘ဝိသဘာဂော ဧသော, သဘာဂသ္သ ဒေဟီ’’တိ ဝဒတိ။ အနာပတ္တိ အတ္တနော ဘာရဘူတတ္တာ။ တသ္သ ပန ဒာတုကာမံ အညသ္သ ဒာပေတိ , အာပတ္တိ ဧဝ။ သဗ္ဗတ္ထ အာပုစ္ဆိတ္ဝာ ဒာတုကာမံ ယထာသုခံ ဝိစာရေတုံ လဘတိ။
Eko bhikkhu ukkhittakassa dātukāmo hoti, tassa dānaṃ nivāretvā aññassa dāpeti, anāpatti. Tathā saddhādeyyavinipātanaṃ karontassa dāpeti, attano nissitakā itthannāmassa pattaṃ dātukāmā āpucchanti, ‘‘visabhāgo eso, sabhāgassa dehī’’ti vadati. Anāpatti attano bhārabhūtattā. Tassa pana dātukāmaṃ aññassa dāpeti , āpatti eva. Sabbattha āpucchitvā dātukāmaṃ yathāsukhaṃ vicāretuṃ labhati.
ပရိဏာမနသိက္ခာပဒဝဏ္ဏနာ နိဋ္ဌိတာ။
Pariṇāmanasikkhāpadavaṇṇanā niṭṭhitā.
သဟဓမ္မိကဝဂ္ဂော အဋ္ဌမော။
Sahadhammikavaggo aṭṭhamo.
