| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. পরিহানসুত্তৰণ্ণনা
3. Parihānasuttavaṇṇanā
৯৬. পরিহানসভাৰন্তি অনৰজ্জধম্মেহি পরিহাযনসভাৰং। অভিভৰিতানীতি অভিভূতানি নিব্বিসেৰনভাৰাকারেন। সরসঙ্কপ্পাতি তস্মিং তস্মিং ৰিসযে অনৰট্ঠিতভাৰেন সঙ্কপ্পা। সংযোজনিযাতি সংযোজেতব্বা। সংযোজনানঞ্হি পুনপ্পুনং উপ্পত্তিযা ওকাসং দেন্তো কিলেসজাতং অধিৰাসেতি নাম। কিলেসো এৰ কিলেসজাতং। আরম্মণং পন চিত্তে করোন্তো অধিৰাসেতি নাম। ছন্দরাগপ্পহানেন ন পজহতি আরম্মণং, কিলেসং পন অনুপ্পত্তিধম্মতাপাদনেন এৰ। অভিভৰিতং আযতনন্তি কথিতং অধিৰাসনাদিনা। ‘‘কথঞ্চ, ভিক্খৰে, পরিহানধম্মো হোতী’’তি ধম্মং পুচ্ছিত্ৰা তং ৰিভজন্তেন ভগৰতা ‘‘তঞ্চে ভিক্খু অধিৰাসেতী’’তিআদিনা পুগ্গলেন পুগ্গলাধিট্ঠানেন ধম্মো দস্সিতো।
96.Parihānasabhāvanti anavajjadhammehi parihāyanasabhāvaṃ. Abhibhavitānīti abhibhūtāni nibbisevanabhāvākārena. Sarasaṅkappāti tasmiṃ tasmiṃ visaye anavaṭṭhitabhāvena saṅkappā. Saṃyojaniyāti saṃyojetabbā. Saṃyojanānañhi punappunaṃ uppattiyā okāsaṃ dento kilesajātaṃ adhivāseti nāma. Kileso eva kilesajātaṃ. Ārammaṇaṃ pana citte karonto adhivāseti nāma. Chandarāgappahānena na pajahati ārammaṇaṃ, kilesaṃ pana anuppattidhammatāpādanena eva. Abhibhavitaṃ āyatananti kathitaṃ adhivāsanādinā. ‘‘Kathañca, bhikkhave, parihānadhammo hotī’’ti dhammaṃ pucchitvā taṃ vibhajantena bhagavatā ‘‘tañce bhikkhu adhivāsetī’’tiādinā puggalena puggalādhiṭṭhānena dhammo dassito.
পরিহানসুত্তৰণ্ণনা নিট্ঠিতা।
Parihānasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. পরিহানধম্মসুত্তং • 3. Parihānadhammasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. পরিহানধম্মসুত্তৰণ্ণনা • 3. Parihānadhammasuttavaṇṇanā
