| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၉. ပရိဟာနသုတ္တံ
9. Parihānasuttaṃ
၇၉. ‘‘အဋ္ဌိမေ, ဘိက္ခဝေ, ဓမ္မာ သေခသ္သ ဘိက္ခုနော ပရိဟာနာယ သံဝတ္တန္တိ။ ကတမေ အဋ္ဌ? ကမ္မာရာမတာ, ဘသ္သာရာမတာ, နိဒ္ဒာရာမတာ, သင္ဂဏိကာရာမတာ, ဣန္ဒ္ရိယေသု အဂုတ္တဒ္ဝာရတာ, ဘောဇနေ အမတ္တညုတာ, သံသဂ္ဂာရာမတာ, ပပဉ္စာရာမတာ – ဣမေ ခော, ဘိက္ခဝေ, အဋ္ဌ ဓမ္မာ သေခသ္သ ဘိက္ခုနော ပရိဟာနာယ သံဝတ္တန္တိ။
79. ‘‘Aṭṭhime, bhikkhave, dhammā sekhassa bhikkhuno parihānāya saṃvattanti. Katame aṭṭha? Kammārāmatā, bhassārāmatā, niddārāmatā, saṅgaṇikārāmatā, indriyesu aguttadvāratā, bhojane amattaññutā, saṃsaggārāmatā, papañcārāmatā – ime kho, bhikkhave, aṭṭha dhammā sekhassa bhikkhuno parihānāya saṃvattanti.
‘‘အဋ္ဌိမေ, ဘိက္ခဝေ, ဓမ္မာ သေခသ္သ ဘိက္ခုနော အပရိဟာနာယ သံဝတ္တန္တိ။ ကတမေ အဋ္ဌ? န ကမ္မာရာမတာ, န ဘသ္သာရာမတာ, န နိဒ္ဒာရာမတာ, န သင္ဂဏိကာရာမတာ, ဣန္ဒ္ရိယေသု ဂုတ္တဒ္ဝာရတာ, ဘောဇနေ မတ္တညုတာ, အသံသဂ္ဂာရာမတာ, နိပ္ပပဉ္စာရာမတာ – ဣမေ ခော, ဘိက္ခဝေ, အဋ္ဌ ဓမ္မာ သေခသ္သ ဘိက္ခုနော အပရိဟာနာယ သံဝတ္တန္တီ’’တိ။ နဝမံ။
‘‘Aṭṭhime, bhikkhave, dhammā sekhassa bhikkhuno aparihānāya saṃvattanti. Katame aṭṭha? Na kammārāmatā, na bhassārāmatā, na niddārāmatā, na saṅgaṇikārāmatā, indriyesu guttadvāratā, bhojane mattaññutā, asaṃsaggārāmatā, nippapañcārāmatā – ime kho, bhikkhave, aṭṭha dhammā sekhassa bhikkhuno aparihānāya saṃvattantī’’ti. Navamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃-၉. မရဏသ္သတိသုတ္တဒ္ဝယာဒိဝဏ္ဏနာ • 3-9. Maraṇassatisuttadvayādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၀. သဒ္ဓာသုတ္တာဒိဝဏ္ဏနာ • 1-10. Saddhāsuttādivaṇṇanā
