| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. барихаанад̇хаммасуд̇д̇аван̣н̣анаа
3. Parihānadhammasuttavaṇṇanā
96. д̇ад̇ияз барихаанад̇хамманд̇и барихаанасабхаавам̣. абхибхааяад̇анаанийд̇и абхибхавид̇аани ааяад̇анаани. сарасан̇габбаад̇и зд̇т̇а саранд̇ийд̇и сараа, д̇хааванд̇ийд̇и ад̇т̇о. сараа жа д̇з сан̇габбаа жа сарасан̇габбаа. сам̣яож̇анияаад̇и б̣анд̇ханияаа б̣анд̇ханасса бажжаяабхууд̇аа. д̇ан̃жз бхигкууд̇и д̇ам̣ звам̣ уббаннам̣ гилзсаж̇аад̇ам̣, д̇ам̣ ваа аарамман̣ам̣. ад̇хиваасзд̇ийд̇и жид̇д̇з ааробзд̇ваа ваасзд̇и. наббаж̇ахад̇ийд̇и чанд̣̇арааг̇аббахаанзна на баж̇ахад̇и. звам̣ саб̣б̣абад̣̇зхи яож̇зд̇аб̣б̣ам̣. абхибхааяад̇анан̃хзд̇ам̣ вуд̇д̇ам̣ бхаг̇авад̇аад̇и зд̇ам̣ б̣уд̣̇д̇хзна бхаг̇авад̇аа абхибхавид̇ам̣ ааяад̇ананд̇и гат̇ид̇ам̣. ид̇ха д̇хаммам̣ бужчид̇ваа вибхаж̇анд̇зна буг̇г̇алзна д̇хаммо д̣̇ассид̇о.
96. Tatiye parihānadhammanti parihānasabhāvaṃ. Abhibhāyatanānīti abhibhavitāni āyatanāni. Sarasaṅkappāti ettha sarantīti sarā, dhāvantīti attho. Sarā ca te saṅkappā ca sarasaṅkappā. Saṃyojaniyāti bandhaniyā bandhanassa paccayabhūtā. Tañce bhikkhūti taṃ evaṃ uppannaṃ kilesajātaṃ, taṃ vā ārammaṇaṃ. Adhivāsetīti citte āropetvā vāseti. Nappajahatīti chandarāgappahānena na pajahati. Evaṃ sabbapadehi yojetabbaṃ. Abhibhāyatanañhetaṃ vuttaṃ bhagavatāti etaṃ buddhena bhagavatā abhibhavitaṃ āyatananti kathitaṃ. Idha dhammaṃ pucchitvā vibhajantena puggalena dhammo dassito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. барихаанад̇хаммасуд̇д̇ам̣ • 3. Parihānadhammasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. барихаанасуд̇д̇аван̣н̣анаа • 3. Parihānasuttavaṇṇanā
