| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-6. баарижчад̇д̇агасуд̇д̇аад̣̇иван̣н̣анаа
5-6. Pāricchattakasuttādivaṇṇanā
69-70. бан̃жамз бад̇ид̇абалаасод̇и бад̇ид̇абад̇д̇о. зд̇т̇а батамам̣ бан̣д̣убалаасад̇ам̣, д̣̇уд̇ияам̣ баннабалаасад̇ан̃жа вад̇ваа д̇ад̇ияам̣ ж̇аалагаж̇аад̇ад̇аа, жад̇уд̇т̇ам̣ каарагаж̇аад̇ад̇аа жа баал̣ияам̣ вуд̇д̇аа. д̣̇ийгханигааяадтагат̇ааяам̣ бана махааг̇овинд̣̇асуд̇д̇аван̣н̣анааяам̣ (д̣̇ий. ни. адта. 2.294) имамзва баал̣им̣ аахарид̇ваа д̣̇ассзнд̇зна батамам̣ бан̣д̣убалаасад̇ам̣, д̣̇уд̇ияам̣ баннабалаасад̇ан̃жа вад̇ваа д̇ад̇ияам̣ каарагаж̇аад̇ад̇аа, жад̇уд̇т̇ам̣ ж̇аалагаж̇аад̇ад̇аа жа д̣̇ассид̇аа. зван̃хи д̇ад̇т̇а вуд̇д̇ам̣ – ‘‘баарижчад̇д̇агз бубпамаанз згам̣ вассам̣ убадтаанам̣ г̇ажчанд̇и, д̇з д̇асса бан̣д̣убалаасабхаавад̇о бадтааяа ад̇д̇аманаа хонд̇и. яат̇ааха –
69-70. Pañcame patitapalāsoti patitapatto. Ettha paṭhamaṃ paṇḍupalāsataṃ, dutiyaṃ pannapalāsatañca vatvā tatiyaṃ jālakajātatā, catutthaṃ khārakajātatā ca pāḷiyaṃ vuttā. Dīghanikāyaṭṭhakathāyaṃ pana mahāgovindasuttavaṇṇanāyaṃ (dī. ni. aṭṭha. 2.294) imameva pāḷiṃ āharitvā dassentena paṭhamaṃ paṇḍupalāsataṃ, dutiyaṃ pannapalāsatañca vatvā tatiyaṃ khārakajātatā, catutthaṃ jālakajātatā ca dassitā. Evañhi tattha vuttaṃ – ‘‘pāricchattake pupphamāne ekaṃ vassaṃ upaṭṭhānaṃ gacchanti, te tassa paṇḍupalāsabhāvato paṭṭhāya attamanā honti. Yathāha –
яасмим̣, бхигкавз, самаяз д̣̇зваанам̣ д̇аавад̇им̣саанам̣ баарижчад̇д̇аго говил̣ааро, бан̣д̣убалаасо ход̇и, ад̇д̇аманаа, бхигкавз, д̣̇зваа д̇аавад̇им̣саа д̇асмим̣ самаяз хонд̇и ‘бан̣д̣убалаасо д̣̇аани баарижчад̇д̇аго, говил̣ааро, на жирассзва баннабалаасо бхависсад̇ий’д̇и. яасмим̣ самаяз д̣̇зваанам̣ д̇аавад̇им̣саанам̣ баарижчад̇д̇аго, говил̣ааро, баннабалаасо ход̇и, ж̇аалагаж̇аад̇о ход̇и, каарагаж̇аад̇о ход̇и, гудумалагаж̇аад̇о ход̇и, горагаж̇аад̇о ход̇и, ад̇д̇аманаа, бхигкавз , д̣̇зваа д̇аавад̇им̣саа д̇асмим̣ самаяз хонд̇и ‘горагаж̇аад̇о д̣̇аани баарижчад̇д̇аго говил̣ааро, на жирассзва саб̣б̣абаалипулло бхависсад̇ий’д̇и.
Yasmiṃ, bhikkhave, samaye devānaṃ tāvatiṃsānaṃ pāricchattako koviḷāro, paṇḍupalāso hoti, attamanā, bhikkhave, devā tāvatiṃsā tasmiṃ samaye honti ‘paṇḍupalāso dāni pāricchattako, koviḷāro, na cirasseva pannapalāso bhavissatī’ti. Yasmiṃ samaye devānaṃ tāvatiṃsānaṃ pāricchattako, koviḷāro, pannapalāso hoti, jālakajāto hoti, khārakajāto hoti, kuṭumalakajāto hoti, korakajāto hoti, attamanā, bhikkhave , devā tāvatiṃsā tasmiṃ samaye honti ‘korakajāto dāni pāricchattako koviḷāro, na cirasseva sabbapāliphullo bhavissatī’ti.
лийнад̇т̇аббагаасинияамби (д̣̇ий. ни. дий. 2.294) зд̇т̇а звамад̇т̇о д̣̇ассид̇о – баннабалаасод̇и бад̇ид̇абад̇д̇о. каарагаж̇аад̇од̇и ж̇аад̇акуд̣̇д̣̇агамагул̣о. яз хи нийлабад̇д̇агаа ад̇ивияа куд̣̇д̣̇агаа магул̣аа, д̇з ‘‘каарагаа’’д̇и вужжанд̇и. ж̇аалагаж̇аад̇од̇и д̇зхиязва куд̣̇д̣̇агамагул̣зхи ж̇аад̇аж̇аалаго саб̣б̣асо ж̇аало вияа ж̇аад̇о. гзжи бана ‘‘ж̇аалагаж̇аад̇од̇и згаж̇аало вияа ж̇аад̇о’’д̇и ад̇т̇ам̣ вад̣̇анд̇и. баарижчад̇д̇аго гира каарагаг̇г̇ахан̣агаалз саб̣б̣ад̇т̇агамзва баллавиго ход̇и, д̇з жасса баллаваа бабхассарабаваал̣аван̣н̣асамуж̇ж̇алаа хонд̇и. д̇зна со саб̣б̣асо самуж̇ж̇аланд̇о д̇идтад̇и. гудумалаж̇аад̇од̇и сан̃ж̇аад̇амахаамагул̣о. горагаж̇аад̇од̇и сан̃ж̇аад̇асуужибхзд̣̇о самбад̇ивигасамаанаавад̇т̇о. саб̣б̣абаалипуллод̇и саб̣б̣асо пуллид̇авигасид̇од̇и. аяан̃жа ануггамо д̣̇ийгхабхаан̣агаанам̣ вал̣ан̃ж̇анаануггамзна д̣̇ассид̇о, на зд̇т̇а аажарияасса вирод̇хо аасан̇гид̇аб̣б̣о.
Līnatthappakāsiniyampi (dī. ni. ṭī. 2.294) ettha evamattho dassito – pannapalāsoti patitapatto. Khārakajātoti jātakhuddakamakuḷo. Ye hi nīlapattakā ativiya khuddakā makuḷā, te ‘‘khārakā’’ti vuccanti. Jālakajātoti tehiyeva khuddakamakuḷehi jātajālako sabbaso jālo viya jāto. Keci pana ‘‘jālakajātoti ekajālo viya jāto’’ti atthaṃ vadanti. Pāricchattako kira khārakaggahaṇakāle sabbatthakameva pallaviko hoti, te cassa pallavā pabhassarapavāḷavaṇṇasamujjalā honti. Tena so sabbaso samujjalanto tiṭṭhati. Kuṭumalajātoti sañjātamahāmakuḷo. Korakajātoti sañjātasūcibhedo sampativikasamānāvattho. Sabbapāliphulloti sabbaso phullitavikasitoti. Ayañca anukkamo dīghabhāṇakānaṃ vaḷañjanānukkamena dassito, na ettha ācariyassa virodho āsaṅkitabbo.
ганд̇анагаваад̇од̇и д̣̇зваанам̣ бун̃н̃агаммабажжаяаа бубпаанам̣ чинд̣̇анагаваад̇о. ганд̇ад̇ийд̇и чинд̣̇ад̇и. самбадижчанагаваад̇од̇и чиннаанам̣ чиннаанам̣ бубпаанам̣ самбадиг̇г̇ан̣хагаваад̇о. жинанд̇од̇и наанаавид̇хабхад̇д̇исаннивзсавасзна нижинам̣ гаронд̇о. ан̃н̃ад̇арад̣̇звад̇аананд̇и наамаг̇од̇д̇авасзна абан̃н̃аад̇ад̣̇звад̇аанам̣. рзн̣уваддийд̇и рзн̣усан̇гхаад̇о. ган̣н̣игам̣ аахажжаад̇и суд̇хаммааяа гуудам̣ ааханд̇ваа.
Kantanakavātoti devānaṃ puññakammapaccayā pupphānaṃ chindanakavāto. Kantatīti chindati. Sampaṭicchanakavātoti chinnānaṃ chinnānaṃ pupphānaṃ sampaṭiggaṇhakavāto. Cinantoti nānāvidhabhattisannivesavasena nicinaṃ karonto. Aññataradevatānanti nāmagottavasena apaññātadevatānaṃ. Reṇuvaṭṭīti reṇusaṅghāto. Kaṇṇikaṃ āhaccāti sudhammāya kūṭaṃ āhantvā.
анупаран̣аанубхаавод̇и кийн̣аасавасса бхигкуно гид̇д̇исад̣̇д̣̇асса яаава б̣рахмалогаа анупаран̣асан̇каад̇о аанубхааво. баб̣б̣аж̇ж̇ааниссид̇ам̣ ход̇ийд̇и баб̣б̣аж̇ж̇ааяа жад̇убаарисуд̣̇д̇хисийламби д̣̇ассид̇амзваад̇и ад̇хиббааяо. батамаж̇жхаанасанниссид̇анд̇иаад̣̇ийсуби иминаава наязна ад̇т̇о взд̣̇ид̇аб̣б̣о. ид̇ха бана убхаяад̇о барижчзд̣̇о хздтаа сийлад̇о убари арахад̇д̇ад̇о жа барижчзд̣̇асса д̣̇ассид̇ад̇д̇аа. д̇знзд̇ам̣ вуд̇д̇анд̇и д̇зна гааран̣зна зд̇ам̣ ‘‘жад̇убаарисуд̣̇д̇хисийлам̣ баб̣б̣аж̇ж̇ааниссид̇ам̣ ход̇ий’’д̇иаад̣̇иважанам̣ вуд̇д̇ам̣. чадтам̣ уд̇д̇аанамзва.
Anupharaṇānubhāvoti khīṇāsavassa bhikkhuno kittisaddassa yāva brahmalokā anupharaṇasaṅkhāto ānubhāvo. Pabbajjānissitaṃ hotīti pabbajjāya catupārisuddhisīlampi dassitamevāti adhippāyo. Paṭhamajjhānasannissitantiādīsupi imināva nayena attho veditabbo. Idha pana ubhayato paricchedo heṭṭhā sīlato upari arahattato ca paricchedassa dassitattā. Tenetaṃ vuttanti tena kāraṇena etaṃ ‘‘catupārisuddhisīlaṃ pabbajjānissitaṃ hotī’’tiādivacanaṃ vuttaṃ. Chaṭṭhaṃ uttānameva.
баарижчад̇д̇агасуд̇д̇аад̣̇иван̣н̣анаа нидтид̇аа.
Pāricchattakasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. баарижчад̇д̇агасуд̇д̇ам̣ • 5. Pāricchattakasuttaṃ
6. саггажжасуд̇д̇ам̣ • 6. Sakkaccasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. баарижчад̇д̇агасуд̇д̇аван̣н̣анаа • 5. Pāricchattakasuttavaṇṇanā
6. саггажжасуд̇д̇аван̣н̣анаа • 6. Sakkaccasuttavaṇṇanā
