| Library / Tipiṭaka / တိပိဋက • Tipiṭaka / ပဉ္စပကရဏ-အနုဋီကာ • Pañcapakaraṇa-anuṭīkā |
၅. ပရိဘောဂမယပုညကထာဝဏ္ဏနာ
5. Paribhogamayapuññakathāvaṇṇanā
၄၈၅. တသ္သာ လဒ္ဓိယာတိ ပဉ္စန္နံ ဝိညာဏာနံ သမောဓာနံ ဟောတီတိ လဒ္ဓိယာ။ ဧတေသန္တိ ဝတ္တမာနစိတ္တပရိဘောဂမယပုညာနံ။
485. Tassā laddhiyāti pañcannaṃ viññāṇānaṃ samodhānaṃ hotīti laddhiyā. Etesanti vattamānacittaparibhogamayapuññānaṃ.
၄၈၆. အယံ ဝာဒော ဟီယတိ ပရိဘောဂသ္သေဝ အဘာဝတော။ စာဂစေတနာယ ဧဝ ပုညဘာဝော, န စိတ္တဝိပ္ပယုတ္တသ္သ။ ဧဝန္တိ ဣမိနာ ပကာရေန, အပရိဘုတ္တေ ဒေယ္ယဓမ္မေ ပုညဘာဝေနာတိ အတ္ထော။ အပရိဘုတ္တေ ဒေယ္ယဓမ္မေ ပုညဘာဝတော ဧဝ ဟိ ပုထုဇ္ဇနကာလေ ဒိန္နံ အရဟာ ဟုတ္ဝာ ပရိဘုဉ္ဇန္တေ တမ္ပိ ပုထုဇ္ဇနေ ဒာနမေဝာတိ နိစ္ဆိတံ။ ပရဝာဒီပဋိက္ခေပမုခေန သကဝာဒံ ပတိဋ္ဌာပေတိ ပဌမော အတ္ထဝိကပ္ပော, ဒုတိယော ပန ဥဇုကမေဝ သကဝာဒံ ပတိဋ္ဌာပေတီတိ အယမေတေသံ ဝိသေသော။
486. Ayaṃ vādo hīyati paribhogasseva abhāvato. Cāgacetanāya eva puññabhāvo, na cittavippayuttassa. Evanti iminā pakārena, aparibhutte deyyadhamme puññabhāvenāti attho. Aparibhutte deyyadhamme puññabhāvato eva hi puthujjanakāle dinnaṃ arahā hutvā paribhuñjante tampi puthujjane dānamevāti nicchitaṃ. Paravādīpaṭikkhepamukhena sakavādaṃ patiṭṭhāpeti paṭhamo atthavikappo, dutiyo pana ujukameva sakavādaṃ patiṭṭhāpetīti ayametesaṃ viseso.
ပရိဘောဂမယပုညကထာဝဏ္ဏနာ နိဋ္ဌိတာ။
Paribhogamayapuññakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၆၇) ၅. ပရိဘောဂမယပုညကထာ • (67) 5. Paribhogamayapuññakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၅. ပရိဘောဂမယပုညကထာဝဏ္ဏနာ • 5. Paribhogamayapuññakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၅. ပရိဘောဂမယပုညကထာဝဏ္ဏနာ • 5. Paribhogamayapuññakathāvaṇṇanā
