| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૫. પરિભોગમયપુઞ્ઞકથાવણ્ણના
5. Paribhogamayapuññakathāvaṇṇanā
૪૮૩. પરિભોગમયં નામ ચિત્તવિપ્પયુત્તં પુઞ્ઞં અત્થીતિ લદ્ધિ. તઞ્હિ તે સન્ધાય પરિભોગમયં પુઞ્ઞં પવડ્ઢતીતિ વદન્તીતિ અધિપ્પાયો.
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
૪૮૫. તસ્સાપિ વસેનાતિ તસ્સાપિ લદ્ધિયા વસેન. પઞ્ચવિઞ્ઞાણાનં વિય એતેસમ્પિ સમોધાનં સિયાતિ પટિજાનાતીતિ વદન્તિ. પઞ્ચવિઞ્ઞાણફસ્સાદીનમેવ પન સમોધાનં સન્ધાય પટિજાનાતીતિ અધિપ્પાયો.
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
૪૮૬. અપરિભુત્તેપીતિ ઇમિના ‘‘પટિગ્ગાહકો પટિગ્ગહેત્વા ન પરિભુઞ્જતિ છડ્ડેતી’’તિઆદિકં દસ્સેતિ. અપરિભુત્તે દેય્યધમ્મે પુઞ્ઞભાવતો પરિભોગમયં પુઞ્ઞં પવડ્ઢતીતિ અયં વાદો હીયતિ. તસ્મિઞ્ચ હીને સકવાદીવાદો બલવા. ચાગચેતનાય એવ હિ પુઞ્ઞભાવો એવં સિદ્ધો હોતીતિ અધિપ્પાયો. અપરિભુત્તેપિ દેય્યધમ્મે પુઞ્ઞભાવે ચાગચેતનાય એવ પુઞ્ઞભાવોતિ આહ ‘‘સકવાદીવાદોવ બલવા’’તિ.
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
પરિભોગમયપુઞ્ઞકથાવણ્ણના નિટ્ઠિતા.
Paribhogamayapuññakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૬૭) ૫. પરિભોગમયપુઞ્ઞકથા • (67) 5. Paribhogamayapuññakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૫. પરિભોગમયપુઞ્ઞકથાવણ્ણના • 5. Paribhogamayapuññakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૫. પરિભોગમયપુઞ્ઞકથાવણ્ણના • 5. Paribhogamayapuññakathāvaṇṇanā
