| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
५. परिभोगमयपुञ्ञकथावण्णना
5. Paribhogamayapuññakathāvaṇṇanā
४८३. परिभोगमयं नाम चित्तविप्पयुत्तं पुञ्ञं अत्थीति लद्धि। तञ्हि ते सन्धाय परिभोगमयं पुञ्ञं पवड्ढतीति वदन्तीति अधिप्पायो।
483. Paribhogamayaṃ nāma cittavippayuttaṃ puññaṃ atthīti laddhi. Tañhi te sandhāya paribhogamayaṃ puññaṃ pavaḍḍhatīti vadantīti adhippāyo.
४८५. तस्सापि वसेनाति तस्सापि लद्धिया वसेन। पञ्चविञ्ञाणानं विय एतेसम्पि समोधानं सियाति पटिजानातीति वदन्ति। पञ्चविञ्ञाणफस्सादीनमेव पन समोधानं सन्धाय पटिजानातीति अधिप्पायो।
485. Tassāpi vasenāti tassāpi laddhiyā vasena. Pañcaviññāṇānaṃ viya etesampi samodhānaṃ siyāti paṭijānātīti vadanti. Pañcaviññāṇaphassādīnameva pana samodhānaṃ sandhāya paṭijānātīti adhippāyo.
४८६. अपरिभुत्तेपीति इमिना ‘‘पटिग्गाहको पटिग्गहेत्वा न परिभुञ्जति छड्डेती’’तिआदिकं दस्सेति। अपरिभुत्ते देय्यधम्मे पुञ्ञभावतो परिभोगमयं पुञ्ञं पवड्ढतीति अयं वादो हीयति। तस्मिञ्च हीने सकवादीवादो बलवा। चागचेतनाय एव हि पुञ्ञभावो एवं सिद्धो होतीति अधिप्पायो। अपरिभुत्तेपि देय्यधम्मे पुञ्ञभावे चागचेतनाय एव पुञ्ञभावोति आह ‘‘सकवादीवादोव बलवा’’ति।
486. Aparibhuttepīti iminā ‘‘paṭiggāhako paṭiggahetvā na paribhuñjati chaḍḍetī’’tiādikaṃ dasseti. Aparibhutte deyyadhamme puññabhāvato paribhogamayaṃ puññaṃ pavaḍḍhatīti ayaṃ vādo hīyati. Tasmiñca hīne sakavādīvādo balavā. Cāgacetanāya eva hi puññabhāvo evaṃ siddho hotīti adhippāyo. Aparibhuttepi deyyadhamme puññabhāve cāgacetanāya eva puññabhāvoti āha ‘‘sakavādīvādova balavā’’ti.
परिभोगमयपुञ्ञकथावण्णना निट्ठिता।
Paribhogamayapuññakathāvaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (६७) ५. परिभोगमयपुञ्ञकथा • (67) 5. Paribhogamayapuññakathā
अट्ठकथा • Aṭṭhakathā / अभिधम्मपिटक (अट्ठकथा) • Abhidhammapiṭaka (aṭṭhakathā) / पञ्चपकरण-अट्ठकथा • Pañcapakaraṇa-aṭṭhakathā / ५. परिभोगमयपुञ्ञकथावण्णना • 5. Paribhogamayapuññakathāvaṇṇanā
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ५. परिभोगमयपुञ्ञकथावण्णना • 5. Paribhogamayapuññakathāvaṇṇanā
