| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੩੩. ਪਰਾਯਨਸੁਤ੍ਤਂ
33. Parāyanasuttaṃ
੪੦੯. ‘‘ਪਰਾਯਨਞ੍ਚ 1 વੋ, ਭਿਕ੍ਖવੇ, ਦੇਸੇਸ੍ਸਾਮਿ ਪਰਾਯਨਗਾਮਿਞ੍ਚ ਮਗ੍ਗਂ। ਤਂ ਸੁਣਾਥ। ਕਤਮਞ੍ਚ, ਭਿਕ੍ਖવੇ, ਪਰਾਯਨਂ? ਯੋ, ਭਿਕ੍ਖવੇ, ਰਾਗਕ੍ਖਯੋ ਦੋਸਕ੍ਖਯੋ ਮੋਹਕ੍ਖਯੋ – ਇਦਂ વੁਚ੍ਚਤਿ, ਭਿਕ੍ਖવੇ, ਪਰਾਯਨਂ। ਕਤਮੋ ਚ, ਭਿਕ੍ਖવੇ, ਪਰਾਯਨਗਾਮੀ ਮਗ੍ਗੋ? ਕਾਯਗਤਾਸਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਪਰਾਯਨਗਾਮਿਮਗ੍ਗੋ। ਇਤਿ ਖੋ, ਭਿਕ੍ਖવੇ, ਦੇਸਿਤਂ વੋ ਮਯਾ ਪਰਾਯਨਂ, ਦੇਸਿਤੋ ਪਰਾਯਨਗਾਮਿਮਗ੍ਗੋ। ਯਂ, ਭਿਕ੍ਖવੇ, ਸਤ੍ਥਾਰਾ ਕਰਣੀਯਂ ਸਾવਕਾਨਂ ਹਿਤੇਸਿਨਾ ਅਨੁਕਮ੍ਪਕੇਨ ਅਨੁਕਮ੍ਪਂ ਉਪਾਦਾਯ, ਕਤਂ વੋ ਤਂ ਮਯਾ। ਏਤਾਨਿ, ਭਿਕ੍ਖવੇ, ਰੁਕ੍ਖਮੂਲਾਨਿ, ਏਤਾਨਿ ਸੁਞ੍ਞਾਗਾਰਾਨਿ। ਝਾਯਥ, ਭਿਕ੍ਖવੇ, ਮਾ ਪਮਾਦਤ੍ਥ; ਮਾ ਪਚ੍ਛਾ વਿਪ੍ਪਟਿਸਾਰਿਨੋ ਅਹੁવਤ੍ਥ। ਅਯਂ વੋ ਅਮ੍ਹਾਕਂ ਅਨੁਸਾਸਨੀ’’ਤਿ। (ਯਥਾ ਅਸਙ੍ਖਤਂ ਤਥਾ વਿਤ੍ਥਾਰੇਤਬ੍ਬਂ)। ਤੇਤ੍ਤਿਂਸਤਿਮਂ।
409. ‘‘Parāyanañca 2 vo, bhikkhave, desessāmi parāyanagāmiñca maggaṃ. Taṃ suṇātha. Katamañca, bhikkhave, parāyanaṃ? Yo, bhikkhave, rāgakkhayo dosakkhayo mohakkhayo – idaṃ vuccati, bhikkhave, parāyanaṃ. Katamo ca, bhikkhave, parāyanagāmī maggo? Kāyagatāsati. Ayaṃ vuccati, bhikkhave, parāyanagāmimaggo. Iti kho, bhikkhave, desitaṃ vo mayā parāyanaṃ, desito parāyanagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. (Yathā asaṅkhataṃ tathā vitthāretabbaṃ). Tettiṃsatimaṃ.
ਦੁਤਿਯੋ વਗ੍ਗੋ।
Dutiyo vaggo.
ਤਸ੍ਸੁਦ੍ਦਾਨਂ –
Tassuddānaṃ –
ਅਸਙ੍ਖਤਂ ਅਨਤਂ ਅਨਾਸવਂ, ਸਚ੍ਚਞ੍ਚ ਪਾਰਂ ਨਿਪੁਣਂ ਸੁਦੁਦ੍ਦਸਂ।
Asaṅkhataṃ anataṃ anāsavaṃ, saccañca pāraṃ nipuṇaṃ sududdasaṃ;
ਅਜਜ੍ਜਰਂ ਧੁવਂ ਅਪਲੋਕਿਤਂ, ਅਨਿਦਸ੍ਸਨਂ ਨਿਪ੍ਪਪਞ੍ਚ ਸਨ੍ਤਂ॥
Ajajjaraṃ dhuvaṃ apalokitaṃ, anidassanaṃ nippapañca santaṃ.
ਅਮਤਂ ਪਣੀਤਞ੍ਚ ਸਿવਞ੍ਚ ਖੇਮਂ, ਤਣ੍ਹਾਕ੍ਖਯੋ ਅਚ੍ਛਰਿਯਞ੍ਚ ਅਬ੍ਭੁਤਂ।
Amataṃ paṇītañca sivañca khemaṃ, taṇhākkhayo acchariyañca abbhutaṃ;
ਅਨੀਤਿਕਂ ਅਨੀਤਿਕਧਮ੍ਮਂ, ਨਿਬ੍ਬਾਨਮੇਤਂ ਸੁਗਤੇਨ ਦੇਸਿਤਂ॥
Anītikaṃ anītikadhammaṃ, nibbānametaṃ sugatena desitaṃ.
ਅਬ੍ਯਾਪਜ੍ਝੋ વਿਰਾਗੋ ਚ, ਸੁਦ੍ਧਿ ਮੁਤ੍ਤਿ ਅਨਾਲਯੋ।
Abyāpajjho virāgo ca, suddhi mutti anālayo;
ਦੀਪੋ ਲੇਣਞ੍ਚ ਤਾਣਞ੍ਚ, ਸਰਣਞ੍ਚ ਪਰਾਯਨਨ੍ਤਿ॥
Dīpo leṇañca tāṇañca, saraṇañca parāyananti.
ਅਸਙ੍ਖਤਸਂਯੁਤ੍ਤਂ ਸਮਤ੍ਤਂ।
Asaṅkhatasaṃyuttaṃ samattaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 1-33. Asaṅkhatasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨੩-੩੩. ਅਸਙ੍ਖਤਸੁਤ੍ਤਾਦਿવਣ੍ਣਨਾ • 23-33. Asaṅkhatasuttādivaṇṇanā
