| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
ಪಾರಾಯನಾನುಗೀತಿಗಾಥಾ
Pārāyanānugītigāthā
೧೧೩೭.
1137.
‘‘ಪಾರಾಯನಮನುಗಾಯಿಸ್ಸಂ, (ಇಚ್ಚಾಯಸ್ಮಾ ಪಿಙ್ಗಿಯೋ)
‘‘Pārāyanamanugāyissaṃ, (iccāyasmā piṅgiyo)
ಯಥಾದ್ದಕ್ಖಿ ತಥಾಕ್ಖಾಸಿ, ವಿಮಲೋ ಭೂರಿಮೇಧಸೋ।
Yathāddakkhi tathākkhāsi, vimalo bhūrimedhaso;
೧೧೩೮.
1138.
‘‘ಪಹೀನಮಲಮೋಹಸ್ಸ , ಮಾನಮಕ್ಖಪ್ಪಹಾಯಿನೋ।
‘‘Pahīnamalamohassa , mānamakkhappahāyino;
ಹನ್ದಾಹಂ ಕಿತ್ತಯಿಸ್ಸಾಮಿ, ಗಿರಂ ವಣ್ಣೂಪಸಞ್ಹಿತಂ॥
Handāhaṃ kittayissāmi, giraṃ vaṇṇūpasañhitaṃ.
೧೧೩೯.
1139.
‘‘ತಮೋನುದೋ ಬುದ್ಧೋ ಸಮನ್ತಚಕ್ಖು, ಲೋಕನ್ತಗೂ ಸಬ್ಬಭವಾತಿವತ್ತೋ।
‘‘Tamonudo buddho samantacakkhu, lokantagū sabbabhavātivatto;
ಅನಾಸವೋ ಸಬ್ಬದುಕ್ಖಪಹೀನೋ, ಸಚ್ಚವ್ಹಯೋ ಬ್ರಹ್ಮೇ ಉಪಾಸಿತೋ ಮೇ॥
Anāsavo sabbadukkhapahīno, saccavhayo brahme upāsito me.
೧೧೪೦.
1140.
‘‘ದಿಜೋ ಯಥಾ ಕುಬ್ಬನಕಂ ಪಹಾಯ, ಬಹುಪ್ಫಲಂ ಕಾನನಮಾವಸೇಯ್ಯ।
‘‘Dijo yathā kubbanakaṃ pahāya, bahupphalaṃ kānanamāvaseyya;
ಏವಂ ಪಹಂ ಅಪ್ಪದಸ್ಸೇ ಪಹಾಯ, ಮಹೋದಧಿಂ ಹಂಸೋರಿವ ಅಜ್ಝಪತ್ತೋ॥
Evaṃ pahaṃ appadasse pahāya, mahodadhiṃ haṃsoriva ajjhapatto.
೧೧೪೧.
1141.
‘‘ಯೇಮೇ ಪುಬ್ಬೇ ವಿಯಾಕಂಸು, ಹುರಂ ಗೋತಮಸಾಸನಾ।
‘‘Yeme pubbe viyākaṃsu, huraṃ gotamasāsanā;
ಇಚ್ಚಾಸಿ ಇತಿ ಭವಿಸ್ಸತಿ।
Iccāsi iti bhavissati;
ಸಬ್ಬಂ ತಂ ಇತಿಹಿತಿಹಂ, ಸಬ್ಬಂ ತಂ ತಕ್ಕವಡ್ಢನಂ॥
Sabbaṃ taṃ itihitihaṃ, sabbaṃ taṃ takkavaḍḍhanaṃ.
೧೧೪೨.
1142.
‘‘ಏಕೋ ತಮನುದಾಸಿನೋ, ಜುತಿಮಾ ಸೋ ಪಭಙ್ಕರೋ।
‘‘Eko tamanudāsino, jutimā so pabhaṅkaro;
ಗೋತಮೋ ಭೂರಿಪಞ್ಞಾಣೋ, ಗೋತಮೋ ಭೂರಿಮೇಧಸೋ॥
Gotamo bhūripaññāṇo, gotamo bhūrimedhaso.
೧೧೪೩.
1143.
‘‘ಯೋ ಮೇ ಧಮ್ಮಮದೇಸೇಸಿ, ಸನ್ದಿಟ್ಠಿಕಮಕಾಲಿಕಂ।
‘‘Yo me dhammamadesesi, sandiṭṭhikamakālikaṃ;
ತಣ್ಹಕ್ಖಯಮನೀತಿಕಂ , ಯಸ್ಸ ನತ್ಥಿ ಉಪಮಾ ಕ್ವಚಿ’’॥
Taṇhakkhayamanītikaṃ , yassa natthi upamā kvaci’’.
೧೧೪೪.
1144.
‘‘ಕಿಂನು ತಮ್ಹಾ ವಿಪ್ಪವಸಸಿ, ಮುಹುತ್ತಮಪಿ ಪಿಙ್ಗಿಯ।
‘‘Kiṃnu tamhā vippavasasi, muhuttamapi piṅgiya;
ಗೋತಮಾ ಭೂರಿಪಞ್ಞಾಣಾ, ಗೋತಮಾ ಭೂರಿಮೇಧಸಾ॥
Gotamā bhūripaññāṇā, gotamā bhūrimedhasā.
೧೧೪೫.
1145.
‘‘ಯೋ ತೇ ಧಮ್ಮಮದೇಸೇಸಿ, ಸನ್ದಿಟ್ಠಿಕಮಕಾಲಿಕಂ।
‘‘Yo te dhammamadesesi, sandiṭṭhikamakālikaṃ;
ತಣ್ಹಕ್ಖಯಮನೀತಿಕಂ, ಯಸ್ಸ ನತ್ಥಿ ಉಪಮಾ ಕ್ವಚಿ’’॥
Taṇhakkhayamanītikaṃ, yassa natthi upamā kvaci’’.
೧೧೪೬.
1146.
‘‘ನಾಹಂ ತಮ್ಹಾ ವಿಪ್ಪವಸಾಮಿ, ಮುಹುತ್ತಮಪಿ ಬ್ರಾಹ್ಮಣ।
‘‘Nāhaṃ tamhā vippavasāmi, muhuttamapi brāhmaṇa;
ಗೋತಮಾ ಭೂರಿಪಞ್ಞಾಣಾ, ಗೋತಮಾ ಭೂರಿಮೇಧಸಾ॥
Gotamā bhūripaññāṇā, gotamā bhūrimedhasā.
೧೧೪೭.
1147.
‘‘ಯೋ ಮೇ ಧಮ್ಮಮದೇಸೇಸಿ, ಸನ್ದಿಟ್ಠಿಕಮಕಾಲಿಕಂ।
‘‘Yo me dhammamadesesi, sandiṭṭhikamakālikaṃ;
ತಣ್ಹಕ್ಖಯಮನೀತಿಕಂ, ಯಸ್ಸ ನತ್ಥಿ ಉಪಮಾ ಕ್ವಚಿ॥
Taṇhakkhayamanītikaṃ, yassa natthi upamā kvaci.
೧೧೪೮.
1148.
‘‘ಪಸ್ಸಾಮಿ ನಂ ಮನಸಾ ಚಕ್ಖುನಾವ, ರತ್ತಿನ್ದಿವಂ ಬ್ರಾಹ್ಮಣ ಅಪ್ಪಮತ್ತೋ।
‘‘Passāmi naṃ manasā cakkhunāva, rattindivaṃ brāhmaṇa appamatto;
ನಮಸ್ಸಮಾನೋ ವಿವಸೇಮಿ ರತ್ತಿಂ, ತೇನೇವ ಮಞ್ಞಾಮಿ ಅವಿಪ್ಪವಾಸಂ॥
Namassamāno vivasemi rattiṃ, teneva maññāmi avippavāsaṃ.
೧೧೪೯.
1149.
‘‘ಸದ್ಧಾ ಚ ಪೀತಿ ಚ ಮನೋ ಸತಿ ಚ, ನಾಪೇನ್ತಿ ಮೇ ಗೋತಮಸಾಸನಮ್ಹಾ।
‘‘Saddhā ca pīti ca mano sati ca, nāpenti me gotamasāsanamhā;
ಯಂ ಯಂ ದಿಸಂ ವಜತಿ ಭೂರಿಪಞ್ಞೋ, ಸ ತೇನ ತೇನೇವ ನತೋಹಮಸ್ಮಿ॥
Yaṃ yaṃ disaṃ vajati bhūripañño, sa tena teneva natohamasmi.
೧೧೫೦.
1150.
‘‘ಜಿಣ್ಣಸ್ಸ ಮೇ ದುಬ್ಬಲಥಾಮಕಸ್ಸ, ತೇನೇವ ಕಾಯೋ ನ ಪಲೇತಿ ತತ್ಥ।
‘‘Jiṇṇassa me dubbalathāmakassa, teneva kāyo na paleti tattha;
ಸಂಕಪ್ಪಯನ್ತಾಯ 3 ವಜಾಮಿ ನಿಚ್ಚಂ, ಮನೋ ಹಿ ಮೇ ಬ್ರಾಹ್ಮಣ ತೇನ ಯುತ್ತೋ॥
Saṃkappayantāya 4 vajāmi niccaṃ, mano hi me brāhmaṇa tena yutto.
೧೧೫೧.
1151.
‘‘ಪಙ್ಕೇ ಸಯಾನೋ ಪರಿಫನ್ದಮಾನೋ, ದೀಪಾ ದೀಪಂ ಉಪಪ್ಲವಿಂ 5।
‘‘Paṅke sayāno pariphandamāno, dīpā dīpaṃ upaplaviṃ 6;
ಅಥದ್ದಸಾಸಿಂ ಸಮ್ಬುದ್ಧಂ, ಓಘತಿಣ್ಣಮನಾಸವಂ’’॥
Athaddasāsiṃ sambuddhaṃ, oghatiṇṇamanāsavaṃ’’.
೧೧೫೨.
1152.
‘‘ಯಥಾ ಅಹೂ ವಕ್ಕಲಿ ಮುತ್ತಸದ್ಧೋ, ಭದ್ರಾವುಧೋ ಆಳವಿ ಗೋತಮೋ ಚ।
‘‘Yathā ahū vakkali muttasaddho, bhadrāvudho āḷavi gotamo ca;
ಏವಮೇವ ತ್ವಮ್ಪಿ ಪಮುಞ್ಚಸ್ಸು ಸದ್ಧಂ,
Evameva tvampi pamuñcassu saddhaṃ,
೧೧೫೩.
1153.
‘‘ಏಸ ಭಿಯ್ಯೋ ಪಸೀದಾಮಿ, ಸುತ್ವಾನ ಮುನಿನೋ ವಚೋ।
‘‘Esa bhiyyo pasīdāmi, sutvāna munino vaco;
ವಿವಟ್ಟಚ್ಛದೋ ಸಮ್ಬುದ್ಧೋ, ಅಖಿಲೋ ಪಟಿಭಾನವಾ॥
Vivaṭṭacchado sambuddho, akhilo paṭibhānavā.
೧೧೫೪.
1154.
ಪಞ್ಹಾನನ್ತಕರೋ ಸತ್ಥಾ, ಕಙ್ಖೀನಂ ಪಟಿಜಾನತಂ॥
Pañhānantakaro satthā, kaṅkhīnaṃ paṭijānataṃ.
೧೧೫೫.
1155.
‘‘ಅಸಂಹೀರಂ ಅಸಙ್ಕುಪ್ಪಂ, ಯಸ್ಸ ನತ್ಥಿ ಉಪಮಾ ಕ್ವಚಿ।
‘‘Asaṃhīraṃ asaṅkuppaṃ, yassa natthi upamā kvaci;
ಅದ್ಧಾ ಗಮಿಸ್ಸಾಮಿ ನ ಮೇತ್ಥ ಕಙ್ಖಾ, ಏವಂ ಮಂ ಧಾರೇಹಿ ಅಧಿಮುತ್ತಚಿತ್ತ’’ನ್ತಿ॥
Addhā gamissāmi na mettha kaṅkhā, evaṃ maṃ dhārehi adhimuttacitta’’nti.
ಪಾರಾಯನವಗ್ಗೋ ಪಞ್ಚಮೋ ನಿಟ್ಠಿತೋ।
Pārāyanavaggo pañcamo niṭṭhito.
ಸುತ್ತುದ್ದಾನಂ –
Suttuddānaṃ –
೧.
1.
ಚುನ್ದೋ ಭವೋ ಪುನದೇವ, ವಸಲೋ ಚ ಕರಣೀಯಞ್ಚ।
Cundo bhavo punadeva, vasalo ca karaṇīyañca;
ಹೇಮವತೋ ಅಥ ಯಕ್ಖೋ, ವಿಜಯಸುತ್ತಂ ಮುನಿಸುತ್ತವರನ್ತಿ॥
Hemavato atha yakkho, vijayasuttaṃ munisuttavaranti.
೨.
2.
ಪಠಮಕಟ್ಠವರೋ ವರವಗ್ಗೋ, ದ್ವಾದಸಸುತ್ತಧರೋ ಸುವಿಭತ್ತೋ।
Paṭhamakaṭṭhavaro varavaggo, dvādasasuttadharo suvibhatto;
ದೇಸಿತೋ ಚಕ್ಖುಮತಾ ವಿಮಲೇನ, ಸುಯ್ಯತಿ ವಗ್ಗವರೋ ಉರಗೋತಿ॥
Desito cakkhumatā vimalena, suyyati vaggavaro uragoti.
೩.
3.
ರತನಾಮಗನ್ಧೋ ಹಿರಿಮಙ್ಗಲನಾಮೋ, ಸುಚಿಲೋಮಕಪಿಲೋ ಚ ಬ್ರಾಹ್ಮಣಧಮ್ಮೋ।
Ratanāmagandho hirimaṅgalanāmo, sucilomakapilo ca brāhmaṇadhammo;
ನಾವಾ 13 ಕಿಂಸೀಲಉಟ್ಠಹನೋ ಚ, ರಾಹುಲೋ ಚ ಪುನಪಿ ವಙ್ಗೀಸೋ॥
Nāvā 14 kiṃsīlauṭṭhahano ca, rāhulo ca punapi vaṅgīso.
೪.
4.
ಸಮ್ಮಾಪರಿಬ್ಬಾಜನೀಯೋಪಿ ಚೇತ್ಥ, ಧಮ್ಮಿಕಸುತ್ತವರೋ ಸುವಿಭತ್ತೋ।
Sammāparibbājanīyopi cettha, dhammikasuttavaro suvibhatto;
ಚುದ್ದಸಸುತ್ತಧರೋ ದುತಿಯಮ್ಹಿ, ಚೂಳಕವಗ್ಗವರೋತಿ ತಮಾಹು॥
Cuddasasuttadharo dutiyamhi, cūḷakavaggavaroti tamāhu.
೫.
5.
ಪಬ್ಬಜ್ಜಪಧಾನಸುಭಾಸಿತನಾಮೋ, ಪೂರಳಾಸೋ ಪುನದೇವ ಮಾಘೋ ಚ।
Pabbajjapadhānasubhāsitanāmo, pūraḷāso punadeva māgho ca;
ಸಭಿಯಂ ಕೇಣಿಯಮೇವ ಸಲ್ಲನಾಮೋ, ವಾಸೇಟ್ಠವರೋ ಕಾಲಿಕೋಪಿ ಚ॥
Sabhiyaṃ keṇiyameva sallanāmo, vāseṭṭhavaro kālikopi ca.
೬.
6.
ನಾಲಕಸುತ್ತವರೋ ಸುವಿಭತ್ತೋ, ತಂ ಅನುಪಸ್ಸೀ ತಥಾ ಪುನದೇವ।
Nālakasuttavaro suvibhatto, taṃ anupassī tathā punadeva;
ದ್ವಾದಸಸುತ್ತಧರೋ ತತಿಯಮ್ಹಿ, ಸುಯ್ಯತಿ ವಗ್ಗವರೋ ಮಹಾನಾಮೋ॥
Dvādasasuttadharo tatiyamhi, suyyati vaggavaro mahānāmo.
೭.
7.
ಕಾಮಗುಹಟ್ಠಕದುಟ್ಠಕನಾಮಾ , ಸುದ್ಧವರೋ ಪರಮಟ್ಠಕನಾಮೋ।
Kāmaguhaṭṭhakaduṭṭhakanāmā , suddhavaro paramaṭṭhakanāmo;
ಜರಾ ಮೇತ್ತಿಯವರೋ ಸುವಿಭತ್ತೋ, ಪಸೂರಮಾಗಣ್ಡಿಯಾ ಪುರಾಭೇದೋ॥
Jarā mettiyavaro suvibhatto, pasūramāgaṇḍiyā purābhedo.
೮.
8.
ಕಲಹವಿವಾದೋ ಉಭೋ ವಿಯುಹಾ ಚ, ತುವಟಕಅತ್ತದಣ್ಡಸಾರಿಪುತ್ತಾ।
Kalahavivādo ubho viyuhā ca, tuvaṭakaattadaṇḍasāriputtā;
ಸೋಳಸಸುತ್ತಧರೋ ಚತುತ್ಥಮ್ಹಿ, ಅಟ್ಠಕವಗ್ಗವರೋತಿ ತಮಾಹು॥
Soḷasasuttadharo catutthamhi, aṭṭhakavaggavaroti tamāhu.
೯.
9.
ಮಗಧೇ ಜನಪದೇ ರಮಣೀಯೇ, ದೇಸವರೇ ಕತಪುಞ್ಞನಿವೇಸೇ।
Magadhe janapade ramaṇīye, desavare katapuññanivese;
ಪಾಸಾಣಕಚೇತಿಯವರೇ ಸುವಿಭತ್ತೇ, ವಸಿ ಭಗವಾ ಗಣಸೇಟ್ಠೋ॥
Pāsāṇakacetiyavare suvibhatte, vasi bhagavā gaṇaseṭṭho.
೧೦.
10.
ಸೋಳಸಬ್ರಾಹ್ಮಣಾನಂ ಕಿರ ಪುಟ್ಠೋ, ಪುಚ್ಛಾಯ ಸೋಳಸಪಞ್ಹಕಮ್ಮಿಯಾ।
Soḷasabrāhmaṇānaṃ kira puṭṭho, pucchāya soḷasapañhakammiyā;
ನಿಪ್ಪಕಾಸಯಿ ಧಮ್ಮಮದಾಸಿ॥
Nippakāsayi dhammamadāsi.
೧೧.
11.
ಅತ್ಥಪಕಾಸಕಬ್ಯಞ್ಜನಪುಣ್ಣಂ, ಧಮ್ಮಮದೇಸೇಸಿ ಪರಖೇಮಜನಿಯಂ 17।
Atthapakāsakabyañjanapuṇṇaṃ, dhammamadesesi parakhemajaniyaṃ 18;
ಲೋಕಹಿತಾಯ ಜಿನೋ ದ್ವಿಪದಗ್ಗೋ, ಸುತ್ತವರಂ ಬಹುಧಮ್ಮವಿಚಿತ್ರಂ।
Lokahitāya jino dvipadaggo, suttavaraṃ bahudhammavicitraṃ;
ಸಬ್ಬಕಿಲೇಸಪಮೋಚನಹೇತುಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Sabbakilesapamocanahetuṃ, desayi suttavaraṃ dvipadaggo.
೧೨.
12.
ಬ್ಯಞ್ಜನಮತ್ಥಪದಂ ಸಮಯುತ್ತಂ 19, ಅಕ್ಖರಸಞ್ಞಿತಓಪಮಗಾಳ್ಹಂ।
Byañjanamatthapadaṃ samayuttaṃ 20, akkharasaññitaopamagāḷhaṃ;
ಲೋಕವಿಚಾರಣಞಾಣಪಭಗ್ಗಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Lokavicāraṇañāṇapabhaggaṃ, desayi suttavaraṃ dvipadaggo.
೧೩.
13.
ರಾಗಮಲೇ ಅಮಲಂ ವಿಮಲಗ್ಗಂ, ದೋಸಮಲೇ ಅಮಲಂ ವಿಮಲಗ್ಗಂ।
Rāgamale amalaṃ vimalaggaṃ, dosamale amalaṃ vimalaggaṃ;
ಮೋಹಮಲೇ ಅಮಲಂ ವಿಮಲಗ್ಗಂ, ಲೋಕವಿಚಾರಣಞಾಣಪಭಗ್ಗಂ।
Mohamale amalaṃ vimalaggaṃ, lokavicāraṇañāṇapabhaggaṃ;
ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Desayi suttavaraṃ dvipadaggo.
೧೪.
14.
ಕ್ಲೇಸಮಲೇ ಅಮಲಂ ವಿಮಲಗ್ಗಂ, ದುಚ್ಚರಿತಮಲೇ ಅಮಲಂ ವಿಮಲಗ್ಗಂ।
Klesamale amalaṃ vimalaggaṃ, duccaritamale amalaṃ vimalaggaṃ;
ಲೋಕವಿಚಾರಣಞಾಣಪಭಗ್ಗಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Lokavicāraṇañāṇapabhaggaṃ, desayi suttavaraṃ dvipadaggo.
೧೫.
15.
ಆಸವಬನ್ಧನಯೋಗಾಕಿಲೇಸಂ, ನೀವರಣಾನಿ ಚ ತೀಣಿ ಮಲಾನಿ।
Āsavabandhanayogākilesaṃ, nīvaraṇāni ca tīṇi malāni;
ತಸ್ಸ ಕಿಲೇಸಪಮೋಚನಹೇತುಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Tassa kilesapamocanahetuṃ, desayi suttavaraṃ dvipadaggo.
೧೬.
16.
ನಿಮ್ಮಲಸಬ್ಬಕಿಲೇಸಪನೂದಂ, ರಾಗವಿರಾಗಮನೇಜಮಸೋಕಂ।
Nimmalasabbakilesapanūdaṃ, rāgavirāgamanejamasokaṃ;
ಸನ್ತಪಣೀತಸುದುದ್ದಸಧಮ್ಮಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Santapaṇītasududdasadhammaṃ, desayi suttavaraṃ dvipadaggo.
೧೭.
17.
ರಾಗಞ್ಚ ದೋಸಕಮಭಞ್ಜಿತಸನ್ತಂ 21, ಯೋನಿಚತುಗ್ಗತಿಪಞ್ಚವಿಞ್ಞಾಣಂ।
Rāgañca dosakamabhañjitasantaṃ 22, yonicatuggatipañcaviññāṇaṃ;
ತಣ್ಹಾರತಚ್ಛದನತಾಣಲತಾಪಮೋಕ್ಖಂ 23, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Taṇhāratacchadanatāṇalatāpamokkhaṃ 24, desayi suttavaraṃ dvipadaggo.
೧೮.
18.
ಗಮ್ಭೀರದುದ್ದಸಸಣ್ಹನಿಪುಣಂ, ಪಣ್ಡಿತವೇದನಿಯಂ ನಿಪುಣತ್ಥಂ।
Gambhīraduddasasaṇhanipuṇaṃ, paṇḍitavedaniyaṃ nipuṇatthaṃ;
ಲೋಕವಿಚಾರಣಞಾಣಪಭಗ್ಗಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Lokavicāraṇañāṇapabhaggaṃ, desayi suttavaraṃ dvipadaggo.
೧೯.
19.
ನವಙ್ಗಕುಸುಮಮಾಲಗೀವೇಯ್ಯಂ, ಇನ್ದ್ರಿಯಝಾನವಿಮೋಕ್ಖವಿಭತ್ತಂ।
Navaṅgakusumamālagīveyyaṃ, indriyajhānavimokkhavibhattaṃ;
ಅಟ್ಠಙ್ಗಮಗ್ಗಧರಂ ವರಯಾನಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Aṭṭhaṅgamaggadharaṃ varayānaṃ, desayi suttavaraṃ dvipadaggo.
೨೦.
20.
ಸೋಮುಪಮಂ ವಿಮಲಂ ಪರಿಸುದ್ಧಂ, ಅಣ್ಣವಮೂಪಮರತನಸುಚಿತ್ತಂ।
Somupamaṃ vimalaṃ parisuddhaṃ, aṇṇavamūpamaratanasucittaṃ;
ಪುಪ್ಫಸಮಂ ರವಿಮೂಪಮತೇಜಂ, ದೇಸಯಿ ಸುತ್ತವರಂ ದ್ವಿಪದಗ್ಗೋ॥
Pupphasamaṃ ravimūpamatejaṃ, desayi suttavaraṃ dvipadaggo.
೨೧.
21.
ಖೇಮಸಿವಂ ಸುಖಸೀತಲಸನ್ತಂ, ಮಚ್ಚುತತಾಣಪರಂ ಪರಮತ್ಥಂ।
Khemasivaṃ sukhasītalasantaṃ, maccutatāṇaparaṃ paramatthaṃ;
ತಸ್ಸ ಸುನಿಬ್ಬುತದಸ್ಸನಹೇತುಂ, ದೇಸಯಿ ಸುತ್ತವರಂ ದ್ವಿಪದಗ್ಗೋತಿ॥
Tassa sunibbutadassanahetuṃ, desayi suttavaraṃ dvipadaggoti.
ಸುತ್ತನಿಪಾತಪಾಳಿ ನಿಟ್ಠಿತಾ।
Suttanipātapāḷi niṭṭhitā.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ಪಾರಾಯನಾನುಗೀತಿಗಾಥಾವಣ್ಣನಾ • Pārāyanānugītigāthāvaṇṇanā
