| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
७. पारङ्गमसुत्तं
7. Pāraṅgamasuttaṃ
१९८. ‘‘सत्तिमे, भिक्खवे, बोज्झङ्गा भाविता बहुलीकता अपारा पारं गमनाय संवत्तन्ति। कतमे सत्त? सतिसम्बोज्झङ्गो…पे॰… उपेक्खासम्बोज्झङ्गो – इमे खो, भिक्खवे, सत्त बोज्झङ्गा भाविता बहुलीकता अपारा पारं गमनाय संवत्तन्ती’’ति।
198. ‘‘Sattime, bhikkhave, bojjhaṅgā bhāvitā bahulīkatā apārā pāraṃ gamanāya saṃvattanti. Katame satta? Satisambojjhaṅgo…pe… upekkhāsambojjhaṅgo – ime kho, bhikkhave, satta bojjhaṅgā bhāvitā bahulīkatā apārā pāraṃ gamanāya saṃvattantī’’ti.
‘‘अप्पका ते मनुस्सेसु, ये जना पारगामिनो।
‘‘Appakā te manussesu, ye janā pāragāmino;
अथायं इतरा पजा, तीरमेवानुधावति॥
Athāyaṃ itarā pajā, tīramevānudhāvati.
‘‘ये च खो सम्मदक्खाते, धम्मे धम्मानुवत्तिनो।
‘‘Ye ca kho sammadakkhāte, dhamme dhammānuvattino;
ते जना पारमेस्सन्ति, मच्चुधेय्यं सुदुत्तरं॥
Te janā pāramessanti, maccudheyyaṃ suduttaraṃ.
‘‘कण्हं धम्मं विप्पहाय, सुक्कं भावेथ पण्डितो।
‘‘Kaṇhaṃ dhammaṃ vippahāya, sukkaṃ bhāvetha paṇḍito;
ओका अनोकमागम्म, विवेके यत्थ दूरमं॥
Okā anokamāgamma, viveke yattha dūramaṃ.
‘‘तत्राभिरतिमिच्छेय्य , हित्वा कामे अकिञ्चनो।
‘‘Tatrābhiratimiccheyya , hitvā kāme akiñcano;
परियोदपेय्य अत्तानं, चित्तक्लेसेहि पण्डितो॥
Pariyodapeyya attānaṃ, cittaklesehi paṇḍito.
‘‘येसं सम्बोधियङ्गेसु, सम्मा चित्तं सुभावितं।
‘‘Yesaṃ sambodhiyaṅgesu, sammā cittaṃ subhāvitaṃ;
आदानप्पटिनिस्सग्गे, अनुपादाय ये रता।
Ādānappaṭinissagge, anupādāya ye ratā;
खीणासवा जुतिमन्तो, ते लोके परिनिब्बुता’’ति॥ सत्तमं।
Khīṇāsavā jutimanto, te loke parinibbutā’’ti. sattamaṃ;
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४-१०. पठमगिलानसुत्तादिवण्णना • 4-10. Paṭhamagilānasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ४-१०. पठमगिलानसुत्तादिवण्णना • 4-10. Paṭhamagilānasuttādivaṇṇanā
