| Library / Tipiṭaka / তিপিটক • Tipiṭaka / কঙ্খাৰিতরণী-পুরাণ-টীকা • Kaṅkhāvitaraṇī-purāṇa-ṭīkā |
৩. পরম্পরভোজনসিক্খাপদৰণ্ণনা
3. Paramparabhojanasikkhāpadavaṇṇanā
অঞ্ঞত্র সমযাতি পন নিমন্তনতো পসৰনতো ভোজনাপেক্খং পাচিত্তিযন্তি একে। একো ভিক্খু পিণ্ডায চরন্তো ভত্তং লভতি, তমঞ্ঞো চূপাসকো নিমন্তেত্ৰা ঘরে নিসীদাপেসি, ন চ তাৰ ভত্তং সম্পজ্জতি । সচে সো ভিক্খু পিণ্ডায চরিত্ৰা লদ্ধভত্তং ভুঞ্জতি, আপত্তি। কস্মাতি চে? ‘‘পরম্পরভোজনং নাম পঞ্চন্নং ভোজনানং অঞ্ঞতরেন ভোজনেন নিমন্তিতো তং ঠপেত্ৰা অঞ্ঞং পঞ্চন্নং ভোজনানং অঞ্ঞতরং ভোজনং ভুঞ্জতি, এতং পরম্পরভোজনং নামা’’তি (পাচি॰ ২২৭) ৰুত্তত্তা। পঠমকথিনসদিসানি, ইদং পন কিরিযাকিরিয’’ন্তি পাঠো।
Aññatrasamayāti pana nimantanato pasavanato bhojanāpekkhaṃ pācittiyanti eke. Eko bhikkhu piṇḍāya caranto bhattaṃ labhati, tamañño cūpāsako nimantetvā ghare nisīdāpesi, na ca tāva bhattaṃ sampajjati . Sace so bhikkhu piṇḍāya caritvā laddhabhattaṃ bhuñjati, āpatti. Kasmāti ce? ‘‘Paramparabhojanaṃ nāma pañcannaṃ bhojanānaṃ aññatarena bhojanena nimantito taṃ ṭhapetvā aññaṃ pañcannaṃ bhojanānaṃ aññataraṃ bhojanaṃ bhuñjati, etaṃ paramparabhojanaṃ nāmā’’ti (pāci. 227) vuttattā. Paṭhamakathinasadisāni, idaṃ pana kiriyākiriya’’nti pāṭho.
পরম্পরভোজনসিক্খাপদৰণ্ণনা নিট্ঠিতা।
Paramparabhojanasikkhāpadavaṇṇanā niṭṭhitā.
