| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๑๒. ปรํมรณสุตฺตวณฺณนา
12. Paraṃmaraṇasuttavaṇṇanā
๑๕๕. ยถา อตีตกเปฺป อตีตาสุ ชาตีสุ กมฺมกิเลสวเสน อาคโต, ตถา เอตรหิปิ อาคโตติ ตถาคโต, ยถา ยถา วา ปน กมฺมํ กตูปจิตํ, ตถา ตํ ตํ อตฺตภาวํ อาคโต อุปคโต อุปปโนฺนติ ตถาคโต, สโตฺตติ อาห ‘‘ตถาคโตติ สโตฺต’’ติฯ เอตนฺติ ‘‘เอวํ โหติ ภวติ ติฎฺฐติ สสฺสติสม’’นฺติ เอวํ ปวตฺตํ ทิฎฺฐิคตํฯ อตฺถสนฺนิสฺสิตํ น โหตีติ ทิฎฺฐธมฺมิกสมฺปรายิกปรมตฺถโต สุขนฺติ ปสตฺถสนฺนิสฺสิตํ น โหติฯ อาทิพฺรหฺมจริยกนฺติ เอตฺถ มคฺคพฺรหฺมจริยํ อธิเปฺปตํ ตสฺส ปธานภาวโตฯ ตสฺส ปน เอตํ ทิฎฺฐิคตํ อาทิปฎิปทามตฺตํ น โหติ อนุปการกตฺตา วิโลมนโต จฯ ตโต เอว อิตรพฺรหฺมจริยสฺสปิ อนิสฺสโยวฯ เสสํ วุตฺตนเยน เวทิตพฺพํฯ
155. Yathā atītakappe atītāsu jātīsu kammakilesavasena āgato, tathā etarahipi āgatoti tathāgato, yathā yathā vā pana kammaṃ katūpacitaṃ, tathā taṃ taṃ attabhāvaṃ āgato upagato upapannoti tathāgato, sattoti āha ‘‘tathāgatoti satto’’ti. Etanti ‘‘evaṃ hoti bhavati tiṭṭhati sassatisama’’nti evaṃ pavattaṃ diṭṭhigataṃ. Atthasannissitaṃ na hotīti diṭṭhadhammikasamparāyikaparamatthato sukhanti pasatthasannissitaṃ na hoti. Ādibrahmacariyakanti ettha maggabrahmacariyaṃ adhippetaṃ tassa padhānabhāvato. Tassa pana etaṃ diṭṭhigataṃ ādipaṭipadāmattaṃ na hoti anupakārakattā vilomanato ca. Tato eva itarabrahmacariyassapi anissayova. Sesaṃ vuttanayena veditabbaṃ.
ปรํมรณสุตฺตวณฺณนา นิฎฺฐิตาฯ
Paraṃmaraṇasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๒. ปรํมรณสุตฺตํ • 12. Paraṃmaraṇasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๒. ปรํมรณสุตฺตวณฺณนา • 12. Paraṃmaraṇasuttavaṇṇanā
