| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๕. ปรมฎฺฐกสุตฺตํ
5. Paramaṭṭhakasuttaṃ
๘๐๒.
802.
ปรมนฺติ ทิฎฺฐีสุ ปริพฺพสาโน, ยทุตฺตริ กุรุเต ชนฺตุ โลเก;
Paramanti diṭṭhīsu paribbasāno, yaduttari kurute jantu loke;
หีนาติ อเญฺญ ตโต สพฺพมาห, ตสฺมา วิวาทานิ อวีติวโตฺตฯ
Hīnāti aññe tato sabbamāha, tasmā vivādāni avītivatto.
๘๐๓.
803.
ยทตฺตนี ปสฺสติ อานิสํสํ, ทิเฎฺฐ สุเต สีลวเต 1 มุเต วา;
Yadattanī passati ānisaṃsaṃ, diṭṭhe sute sīlavate 2 mute vā;
ตเทว โส ตตฺถ สมุคฺคหาย, นิหีนโต ปสฺสติ สพฺพมญฺญํฯ
Tadeva so tattha samuggahāya, nihīnato passati sabbamaññaṃ.
๘๐๔.
804.
ตํ วาปิ คนฺถํ กุสลา วทนฺติ, ยํ นิสฺสิโต ปสฺสติ หีนมญฺญํ;
Taṃ vāpi ganthaṃ kusalā vadanti, yaṃ nissito passati hīnamaññaṃ;
ตสฺมา หิ ทิฎฺฐํ ว สุตํ มุตํ วา, สีลพฺพตํ ภิกฺขุ น นิสฺสเยยฺยฯ
Tasmā hi diṭṭhaṃ va sutaṃ mutaṃ vā, sīlabbataṃ bhikkhu na nissayeyya.
๘๐๕.
805.
ทิฎฺฐิมฺปิ โลกสฺมิํ น กปฺปเยยฺย, ญาเณน วา สีลวเตน วาปิ;
Diṭṭhimpi lokasmiṃ na kappayeyya, ñāṇena vā sīlavatena vāpi;
สโมติ อตฺตานมนูปเนยฺย, หีโน น มเญฺญถ วิเสสิ วาปิฯ
Samoti attānamanūpaneyya, hīno na maññetha visesi vāpi.
๘๐๖.
806.
อตฺตํ ปหาย อนุปาทิยาโน, ญาเณปิ โส นิสฺสยํ โน กโรติ;
Attaṃ pahāya anupādiyāno, ñāṇepi so nissayaṃ no karoti;
๘๐๗.
807.
ยสฺสูภยเนฺต ปณิธีธ นตฺถิ, ภวาภวาย อิธ วา หุรํ วา;
Yassūbhayante paṇidhīdha natthi, bhavābhavāya idha vā huraṃ vā;
นิเวสนา ตสฺส น สนฺติ เกจิ, ธเมฺมสุ นิเจฺฉยฺย สมุคฺคหีตํฯ
Nivesanā tassa na santi keci, dhammesu niccheyya samuggahītaṃ.
๘๐๘.
808.
ตสฺสีธ ทิเฎฺฐ ว สุเต มุเต วา, ปกปฺปิตา นตฺถิ อณูปิ สญฺญา;
Tassīdha diṭṭhe va sute mute vā, pakappitā natthi aṇūpi saññā;
ตํ พฺราหฺมณํ ทิฎฺฐิมนาทิยานํ, เกนีธ โลกสฺมิํ วิกปฺปเยยฺยฯ
Taṃ brāhmaṇaṃ diṭṭhimanādiyānaṃ, kenīdha lokasmiṃ vikappayeyya.
๘๐๙.
809.
น กปฺปยนฺติ น ปุเรกฺขโรนฺติ, ธมฺมาปิ เตสํ น ปฎิจฺฉิตาเส;
Na kappayanti na purekkharonti, dhammāpi tesaṃ na paṭicchitāse;
น พฺราหฺมโณ สีลวเตน เนโยฺย, ปารงฺคโต น ปเจฺจติ ตาทีติฯ
Na brāhmaṇo sīlavatena neyyo, pāraṅgato na pacceti tādīti.
ปรมฎฺฐกสุตฺตํ ปญฺจมํ นิฎฺฐิตํฯ
Paramaṭṭhakasuttaṃ pañcamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๕. ปรมฎฺฐกสุตฺตวณฺณนา • 5. Paramaṭṭhakasuttavaṇṇanā
