| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
5. барамадтагасуд̇д̇ам̣
5. Paramaṭṭhakasuttaṃ
802.
802.
бараманд̇и д̣̇идтийсу бариб̣б̣асаано, яад̣̇уд̇д̇ари гуруд̇з ж̇анд̇у логз;
Paramanti diṭṭhīsu paribbasāno, yaduttari kurute jantu loke;
хийнаад̇и ан̃н̃з д̇ад̇о саб̣б̣амааха, д̇асмаа виваад̣̇аани авийд̇ивад̇д̇о.
Hīnāti aññe tato sabbamāha, tasmā vivādāni avītivatto.
803.
803.
яад̣̇ад̇д̇аний бассад̇и аанисам̣сам̣, д̣̇идтз суд̇з сийлавад̇з 1 муд̇з ваа;
Yadattanī passati ānisaṃsaṃ, diṭṭhe sute sīlavate 2 mute vā;
д̇ад̣̇зва со д̇ад̇т̇а самуг̇г̇ахааяа, нихийнад̇о бассад̇и саб̣б̣аман̃н̃ам̣.
Tadeva so tattha samuggahāya, nihīnato passati sabbamaññaṃ.
804.
804.
д̇ам̣ вааби г̇ант̇ам̣ гусалаа вад̣̇анд̇и, яам̣ ниссид̇о бассад̇и хийнаман̃н̃ам̣;
Taṃ vāpi ganthaṃ kusalā vadanti, yaṃ nissito passati hīnamaññaṃ;
д̇асмаа хи д̣̇идтам̣ ва суд̇ам̣ муд̇ам̣ ваа, сийлаб̣б̣ад̇ам̣ бхигку на ниссаязяяа.
Tasmā hi diṭṭhaṃ va sutaṃ mutaṃ vā, sīlabbataṃ bhikkhu na nissayeyya.
805.
805.
д̣̇идтимби логасмим̣ на габбаязяяа, н̃аан̣зна ваа сийлавад̇зна вааби;
Diṭṭhimpi lokasmiṃ na kappayeyya, ñāṇena vā sīlavatena vāpi;
самод̇и ад̇д̇аанамануубанзяяа, хийно на ман̃н̃зт̇а висзси вааби.
Samoti attānamanūpaneyya, hīno na maññetha visesi vāpi.
806.
806.
ад̇д̇ам̣ бахааяа анубаад̣̇ияаано, н̃аан̣зби со ниссаяам̣ но гарод̇и;
Attaṃ pahāya anupādiyāno, ñāṇepi so nissayaṃ no karoti;
807.
807.
яассуубхаяанд̇з бан̣ид̇хийд̇ха над̇т̇и, бхаваабхавааяа ид̇ха ваа хурам̣ ваа;
Yassūbhayante paṇidhīdha natthi, bhavābhavāya idha vā huraṃ vā;
нивзсанаа д̇асса на санд̇и гзжи, д̇хаммзсу нижчзяяа самуг̇г̇ахийд̇ам̣.
Nivesanā tassa na santi keci, dhammesu niccheyya samuggahītaṃ.
808.
808.
д̇ассийд̇ха д̣̇идтз ва суд̇з муд̇з ваа, багаббид̇аа над̇т̇и ан̣ууби сан̃н̃аа;
Tassīdha diṭṭhe va sute mute vā, pakappitā natthi aṇūpi saññā;
д̇ам̣ б̣раахман̣ам̣ д̣̇идтиманаад̣̇ияаанам̣, гзнийд̇ха логасмим̣ вигаббаязяяа.
Taṃ brāhmaṇaṃ diṭṭhimanādiyānaṃ, kenīdha lokasmiṃ vikappayeyya.
809.
809.
на габбаяанд̇и на бурзгкаронд̇и, д̇хаммааби д̇зсам̣ на бадижчид̇аасз;
Na kappayanti na purekkharonti, dhammāpi tesaṃ na paṭicchitāse;
на б̣раахман̣о сийлавад̇зна нзяяо, бааран̇г̇ад̇о на бажжзд̇и д̇аад̣̇ийд̇и.
Na brāhmaṇo sīlavatena neyyo, pāraṅgato na pacceti tādīti.
барамадтагасуд̇д̇ам̣ бан̃жамам̣ нидтид̇ам̣.
Paramaṭṭhakasuttaṃ pañcamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 5. барамадтагасуд̇д̇аван̣н̣анаа • 5. Paramaṭṭhakasuttavaṇṇanā
