| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੧. ਪਾਰਾਜਿਕਨਿਦ੍ਦੇਸੋ
1. Pārājikaniddeso
੧.
1.
ਸਂ ਨਿਮਿਤ੍ਤਂ ਪવੇਸਨ੍ਤੋ, ਭਿਕ੍ਖੁ ਮਗ੍ਗਤ੍ਤਯੇ ਚੁਤੋ।
Saṃ nimittaṃ pavesanto, bhikkhu maggattaye cuto;
ਪવੇਸਨਟ੍ਠਿਤੁਦ੍ਧਾਰ-ਪવਿਟ੍ਠੇ ਚੇਪਿ ਸਾਦਿਯਂ॥
Pavesanaṭṭhituddhāra-paviṭṭhe cepi sādiyaṃ.
੨.
2.
ਅਦਿਨ੍ਨਂ ਮਾਨੁਸਂ ਭਣ੍ਡਂ, ਥੇਯ੍ਯਾਯੇਕੇਨ ਆਦਿਯਂ।
Adinnaṃ mānusaṃ bhaṇḍaṃ, theyyāyekena ādiyaṃ;
ਪਞ੍ਚવੀਸਾવਹਾਰੇਸੁ, ਗਰੁਕਂ ਚੇ ਚੁਤੋ ਭવੇ॥
Pañcavīsāvahāresu, garukaṃ ce cuto bhave.
੩.
3.
ਆਦਿਯਨ੍ਤੋ ਹਰਨ੍ਤੋવ-ਹਰਨ੍ਤੋਪਿਰਿਯਾਪਥਂ।
Ādiyanto harantova-harantopiriyāpathaṃ;
વਿਕੋਪੇਨ੍ਤੋ ਤਥਾ ਠਾਨਾ, ਚਾવੇਨ੍ਤੋਪਿ ਪਰਾਜਿਕੋ॥
Vikopento tathā ṭhānā, cāventopi parājiko.
੪.
4.
ਤਤ੍ਥ ਨਾਨੇਕਭਣ੍ਡਾਨਂ, ਪਞ੍ਚਕਾਨਂ વਸਾ ਪਨ।
Tattha nānekabhaṇḍānaṃ, pañcakānaṃ vasā pana;
ਅવਹਾਰਾ ਦਸਞ੍ਚੇਤਿ, વਿਞ੍ਞਾਤਬ੍ਬਾ વਿਭਾવਿਨਾ॥
Avahārā dasañceti, viññātabbā vibhāvinā.
੫.
5.
ਸਾਹਤ੍ਥਾਣਤ੍ਤਿਕੋ ਚੇવ, ਨਿਸ੍ਸਗ੍ਗੋ ਚਾਤ੍ਥਸਾਧਕੋ।
Sāhatthāṇattiko ceva, nissaggo cātthasādhako;
ਧੁਰਨਿਕ੍ਖੇਪਨਞ੍ਚੇવ, ਇਦਂ ਸਾਹਤ੍ਥਪਞ੍ਚਕਂ॥
Dhuranikkhepanañceva, idaṃ sāhatthapañcakaṃ.
੬.
6.
ਪੁਬ੍ਬਸਹਪ੍ਪਯੋਗੋ ਚ, ਸਂવਿਧਾਹਰਣਮ੍ਪਿ ਚ।
Pubbasahappayogo ca, saṃvidhāharaṇampi ca;
ਸਙ੍ਕੇਤਕਮ੍ਮਂ ਨਿਮਿਤ੍ਤਂ, ਪੁਬ੍ਬਪ੍ਪਯੋਗਪਞ੍ਚਕਂ॥
Saṅketakammaṃ nimittaṃ, pubbappayogapañcakaṃ.
੭.
7.
ਥੇਯ੍ਯਾਪਸਯ੍ਹਪਰਿਕਪ੍ਪ-ਪ੍ਪਟਿਚ੍ਛਨ੍ਨਕੁਸਾਦਿਕਾ।
Theyyāpasayhaparikappa-ppaṭicchannakusādikā;
ਅવਹਾਰਾ ਇਮੇ ਪਞ੍ਚ, વਿਞ੍ਞਾਤਬ੍ਬਾ વਿਭਾવਿਨਾ॥
Avahārā ime pañca, viññātabbā vibhāvinā.
੮.
8.
ਮਨੁਸ੍ਸਪਾਣਂ ਪਾਣੋਤਿ, ਜਾਨਂ વਧਕਚੇਤਸਾ।
Manussapāṇaṃ pāṇoti, jānaṃ vadhakacetasā;
ਜੀવਿਤਾ ਯੋ વਿਯੋਜੇਤਿ, ਸਾਸਨਾ ਸੋ ਪਰਾਜਿਤੋ॥
Jīvitā yo viyojeti, sāsanā so parājito.
੯.
9.
ਝਾਨਾਦਿਭੇਦਂ ਹਦਯੇ ਅਸਨ੍ਤਂ,
Jhānādibhedaṃ hadaye asantaṃ,
ਅਞ੍ਞਪਦੇਸਞ੍ਚ વਿਨਾਧਿਮਾਨਂ।
Aññapadesañca vinādhimānaṃ;
ਮਨੁਸ੍ਸਜਾਤਿਸ੍ਸ વਦੇਯ੍ਯ ਭਿਕ੍ਖੁ,
Manussajātissa vadeyya bhikkhu,
ਞਾਤਕ੍ਖਣੇ ਤੇਨ ਪਰਾਜਿਕੋ ਭવੇਤਿ॥
Ñātakkhaṇe tena parājiko bhaveti.
