| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೧. ಪಾರಾಜಿಕನಿದ್ದೇಸೋ
1. Pārājikaniddeso
೧.
1.
ಸಂ ನಿಮಿತ್ತಂ ಪವೇಸನ್ತೋ, ಭಿಕ್ಖು ಮಗ್ಗತ್ತಯೇ ಚುತೋ।
Saṃ nimittaṃ pavesanto, bhikkhu maggattaye cuto;
ಪವೇಸನಟ್ಠಿತುದ್ಧಾರ-ಪವಿಟ್ಠೇ ಚೇಪಿ ಸಾದಿಯಂ॥
Pavesanaṭṭhituddhāra-paviṭṭhe cepi sādiyaṃ.
೨.
2.
ಅದಿನ್ನಂ ಮಾನುಸಂ ಭಣ್ಡಂ, ಥೇಯ್ಯಾಯೇಕೇನ ಆದಿಯಂ।
Adinnaṃ mānusaṃ bhaṇḍaṃ, theyyāyekena ādiyaṃ;
ಪಞ್ಚವೀಸಾವಹಾರೇಸು, ಗರುಕಂ ಚೇ ಚುತೋ ಭವೇ॥
Pañcavīsāvahāresu, garukaṃ ce cuto bhave.
೩.
3.
ಆದಿಯನ್ತೋ ಹರನ್ತೋವ-ಹರನ್ತೋಪಿರಿಯಾಪಥಂ।
Ādiyanto harantova-harantopiriyāpathaṃ;
ವಿಕೋಪೇನ್ತೋ ತಥಾ ಠಾನಾ, ಚಾವೇನ್ತೋಪಿ ಪರಾಜಿಕೋ॥
Vikopento tathā ṭhānā, cāventopi parājiko.
೪.
4.
ತತ್ಥ ನಾನೇಕಭಣ್ಡಾನಂ, ಪಞ್ಚಕಾನಂ ವಸಾ ಪನ।
Tattha nānekabhaṇḍānaṃ, pañcakānaṃ vasā pana;
ಅವಹಾರಾ ದಸಞ್ಚೇತಿ, ವಿಞ್ಞಾತಬ್ಬಾ ವಿಭಾವಿನಾ॥
Avahārā dasañceti, viññātabbā vibhāvinā.
೫.
5.
ಸಾಹತ್ಥಾಣತ್ತಿಕೋ ಚೇವ, ನಿಸ್ಸಗ್ಗೋ ಚಾತ್ಥಸಾಧಕೋ।
Sāhatthāṇattiko ceva, nissaggo cātthasādhako;
ಧುರನಿಕ್ಖೇಪನಞ್ಚೇವ, ಇದಂ ಸಾಹತ್ಥಪಞ್ಚಕಂ॥
Dhuranikkhepanañceva, idaṃ sāhatthapañcakaṃ.
೬.
6.
ಪುಬ್ಬಸಹಪ್ಪಯೋಗೋ ಚ, ಸಂವಿಧಾಹರಣಮ್ಪಿ ಚ।
Pubbasahappayogo ca, saṃvidhāharaṇampi ca;
ಸಙ್ಕೇತಕಮ್ಮಂ ನಿಮಿತ್ತಂ, ಪುಬ್ಬಪ್ಪಯೋಗಪಞ್ಚಕಂ॥
Saṅketakammaṃ nimittaṃ, pubbappayogapañcakaṃ.
೭.
7.
ಥೇಯ್ಯಾಪಸಯ್ಹಪರಿಕಪ್ಪ-ಪ್ಪಟಿಚ್ಛನ್ನಕುಸಾದಿಕಾ।
Theyyāpasayhaparikappa-ppaṭicchannakusādikā;
ಅವಹಾರಾ ಇಮೇ ಪಞ್ಚ, ವಿಞ್ಞಾತಬ್ಬಾ ವಿಭಾವಿನಾ॥
Avahārā ime pañca, viññātabbā vibhāvinā.
೮.
8.
ಮನುಸ್ಸಪಾಣಂ ಪಾಣೋತಿ, ಜಾನಂ ವಧಕಚೇತಸಾ।
Manussapāṇaṃ pāṇoti, jānaṃ vadhakacetasā;
ಜೀವಿತಾ ಯೋ ವಿಯೋಜೇತಿ, ಸಾಸನಾ ಸೋ ಪರಾಜಿತೋ॥
Jīvitā yo viyojeti, sāsanā so parājito.
೯.
9.
ಝಾನಾದಿಭೇದಂ ಹದಯೇ ಅಸನ್ತಂ,
Jhānādibhedaṃ hadaye asantaṃ,
ಅಞ್ಞಪದೇಸಞ್ಚ ವಿನಾಧಿಮಾನಂ।
Aññapadesañca vinādhimānaṃ;
ಮನುಸ್ಸಜಾತಿಸ್ಸ ವದೇಯ್ಯ ಭಿಕ್ಖು,
Manussajātissa vadeyya bhikkhu,
ಞಾತಕ್ಖಣೇ ತೇನ ಪರಾಜಿಕೋ ಭವೇತಿ॥
Ñātakkhaṇe tena parājiko bhaveti.
