| Library / Tipiṭaka / तिपिटक • Tipiṭaka / खुद्दसिक्खा-मूलसिक्खा • Khuddasikkhā-mūlasikkhā |
१. पाराजिकनिद्देसो
1. Pārājikaniddeso
१.
1.
सं निमित्तं पवेसन्तो, भिक्खु मग्गत्तये चुतो।
Saṃ nimittaṃ pavesanto, bhikkhu maggattaye cuto;
पवेसनट्ठितुद्धार-पविट्ठे चेपि सादियं॥
Pavesanaṭṭhituddhāra-paviṭṭhe cepi sādiyaṃ.
२.
2.
अदिन्नं मानुसं भण्डं, थेय्यायेकेन आदियं।
Adinnaṃ mānusaṃ bhaṇḍaṃ, theyyāyekena ādiyaṃ;
पञ्चवीसावहारेसु, गरुकं चे चुतो भवे॥
Pañcavīsāvahāresu, garukaṃ ce cuto bhave.
३.
3.
आदियन्तो हरन्तोव-हरन्तोपिरियापथं।
Ādiyanto harantova-harantopiriyāpathaṃ;
विकोपेन्तो तथा ठाना, चावेन्तोपि पराजिको॥
Vikopento tathā ṭhānā, cāventopi parājiko.
४.
4.
तत्थ नानेकभण्डानं, पञ्चकानं वसा पन।
Tattha nānekabhaṇḍānaṃ, pañcakānaṃ vasā pana;
अवहारा दसञ्चेति, विञ्ञातब्बा विभाविना॥
Avahārā dasañceti, viññātabbā vibhāvinā.
५.
5.
साहत्थाणत्तिको चेव, निस्सग्गो चात्थसाधको।
Sāhatthāṇattiko ceva, nissaggo cātthasādhako;
धुरनिक्खेपनञ्चेव, इदं साहत्थपञ्चकं॥
Dhuranikkhepanañceva, idaṃ sāhatthapañcakaṃ.
६.
6.
पुब्बसहप्पयोगो च, संविधाहरणम्पि च।
Pubbasahappayogo ca, saṃvidhāharaṇampi ca;
सङ्केतकम्मं निमित्तं, पुब्बप्पयोगपञ्चकं॥
Saṅketakammaṃ nimittaṃ, pubbappayogapañcakaṃ.
७.
7.
थेय्यापसय्हपरिकप्प-प्पटिच्छन्नकुसादिका।
Theyyāpasayhaparikappa-ppaṭicchannakusādikā;
अवहारा इमे पञ्च, विञ्ञातब्बा विभाविना॥
Avahārā ime pañca, viññātabbā vibhāvinā.
८.
8.
मनुस्सपाणं पाणोति, जानं वधकचेतसा।
Manussapāṇaṃ pāṇoti, jānaṃ vadhakacetasā;
जीविता यो वियोजेति, सासना सो पराजितो॥
Jīvitā yo viyojeti, sāsanā so parājito.
९.
9.
झानादिभेदं हदये असन्तं,
Jhānādibhedaṃ hadaye asantaṃ,
अञ्ञपदेसञ्च विनाधिमानं।
Aññapadesañca vinādhimānaṃ;
मनुस्सजातिस्स वदेय्य भिक्खु,
Manussajātissa vadeyya bhikkhu,
ञातक्खणे तेन पराजिको भवेति॥
Ñātakkhaṇe tena parājiko bhaveti.
