| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
1. பாராஜிகனித்³தே³ஸோ
1. Pārājikaniddeso
1.
1.
ஸங் நிமித்தங் பவேஸந்தோ, பி⁴க்கு² மக்³க³த்தயே சுதோ;
Saṃ nimittaṃ pavesanto, bhikkhu maggattaye cuto;
பவேஸனட்டி²துத்³தா⁴ர-பவிட்டே² சேபி ஸாதி³யங்.
Pavesanaṭṭhituddhāra-paviṭṭhe cepi sādiyaṃ.
2.
2.
அதி³ன்னங் மானுஸங் ப⁴ண்ட³ங், தெ²ய்யாயேகேன ஆதி³யங்;
Adinnaṃ mānusaṃ bhaṇḍaṃ, theyyāyekena ādiyaṃ;
பஞ்சவீஸாவஹாரேஸு, க³ருகங் சே சுதோ ப⁴வே.
Pañcavīsāvahāresu, garukaṃ ce cuto bhave.
3.
3.
ஆதி³யந்தோ ஹரந்தோவ-ஹரந்தோபிரியாபத²ங்;
Ādiyanto harantova-harantopiriyāpathaṃ;
விகோபெந்தோ ததா² டா²னா, சாவெந்தோபி பராஜிகோ.
Vikopento tathā ṭhānā, cāventopi parājiko.
4.
4.
தத்த² நானேகப⁴ண்டா³னங், பஞ்சகானங் வஸா பன;
Tattha nānekabhaṇḍānaṃ, pañcakānaṃ vasā pana;
அவஹாரா த³ஸஞ்சேதி, விஞ்ஞாதப்³பா³ விபா⁴வினா.
Avahārā dasañceti, viññātabbā vibhāvinā.
5.
5.
ஸாஹத்தா²ணத்திகோ சேவ, நிஸ்ஸக்³கோ³ சாத்த²ஸாத⁴கோ;
Sāhatthāṇattiko ceva, nissaggo cātthasādhako;
து⁴ரனிக்கே²பனஞ்சேவ, இத³ங் ஸாஹத்த²பஞ்சகங்.
Dhuranikkhepanañceva, idaṃ sāhatthapañcakaṃ.
6.
6.
புப்³ப³ஸஹப்பயோகோ³ ச, ஸங்விதா⁴ஹரணம்பி ச;
Pubbasahappayogo ca, saṃvidhāharaṇampi ca;
ஸங்கேதகம்மங் நிமித்தங், புப்³ப³ப்பயோக³பஞ்சகங்.
Saṅketakammaṃ nimittaṃ, pubbappayogapañcakaṃ.
7.
7.
தெ²ய்யாபஸய்ஹபரிகப்ப-ப்படிச்ச²ன்னகுஸாதி³கா;
Theyyāpasayhaparikappa-ppaṭicchannakusādikā;
அவஹாரா இமே பஞ்ச, விஞ்ஞாதப்³பா³ விபா⁴வினா.
Avahārā ime pañca, viññātabbā vibhāvinā.
8.
8.
மனுஸ்ஸபாணங் பாணோதி, ஜானங் வத⁴கசேதஸா;
Manussapāṇaṃ pāṇoti, jānaṃ vadhakacetasā;
ஜீவிதா யோ வியோஜேதி, ஸாஸனா ஸோ பராஜிதோ.
Jīvitā yo viyojeti, sāsanā so parājito.
9.
9.
ஜா²னாதி³பே⁴த³ங் ஹத³யே அஸந்தங்,
Jhānādibhedaṃ hadaye asantaṃ,
அஞ்ஞபதே³ஸஞ்ச வினாதி⁴மானங்;
Aññapadesañca vinādhimānaṃ;
மனுஸ்ஸஜாதிஸ்ஸ வதெ³ய்ய பி⁴க்கு²,
Manussajātissa vadeyya bhikkhu,
ஞாதக்க²ணே தேன பராஜிகோ ப⁴வேதி.
Ñātakkhaṇe tena parājiko bhaveti.
