| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
(༢) པཱརཱཛིཀཱདིཔཉྷཱཝཎྞནཱ
(2) Pārājikādipañhāvaṇṇanā
༤༨༠. སནྠཏཔེཡྻཱལཉྩཱཏི པཋམཔཱརཱཛིཀཝིབྷངྒེ (པཱརཱ॰ ༦༥) ཝུཏྟཾ སནྠཏཔེཡྻཱལཉྩ།
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
ལིངྒཔརིཝཏྟཾ སནྡྷཱཡཱཏི སཏི ལིངྒེ པརིཝཏྟེ པཊིགྒཧཎསྶ ཝིཛཧནཾ སནྡྷཱཡ ཝུཏྟཾ།
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
ཡོཏི བྷིཀྑུ, པརིཎཱམེཏཱིཏི སམྦནྡྷོ། ཨཏྟནོ ཨཏྠཱཡཱཏི ཡོཛནཱ།
Yoti bhikkhu, pariṇāmetīti sambandho. Attano atthāyāti yojanā.
ཨསྶཱཏི གཱཐཱཡ། ཀཱཀཨུཧདནྟི ཀཱཀེཧི ཀརཱིསུསྶགྒཾ། ཀདྡམམཀྑིཏནྟི ཀདྡམེན མཀྑིཏཾ། ཀཱཡགཏཱནེཝ ཧུཏྭཱཏི སམྦནྡྷོ།
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
ཧཱིཏི ཝིཏྠཱརོ། ཨནརིཡཾ ཏཾ ཨིཏྠིཾ ཝཱ ཏཾ པུརིསཾ ཝཱ ཧནེཡྻཱཏི ཡོཛནཱ། ལིངྒཔརིཝཏྟེན ཧེཏུབྷཱུཏེན ཨིཏྠིབྷཱུཏཾ, པུརིསབྷཱུཏཉྩཱཏི སམྦནྡྷོ། ཨིཏྠིབྷཱུཏནྟི ཙ ཨིཏྠཱི ཧུཏྭཱ བྷཱུཏཾ, ཨིཏྠིབྷཱཝཾ ཝཱ པཏྟཾ།
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
མིགསིངྒཏཱཔསསཱིཧཀུམཱརཱདཱིནཾ ཏིརཙྪཱནགཏམཱཏཱཔིཏརོ ཝིཡཱཏི ཡོཛནཱ། མིགསིངྒཏཱཔསོཏི མིགསིངྒནཱམཀོ (ཛཱ॰ ཨཊྛ॰ ༥.༡༧.༩༦ ཨཱདཡོ) ཏཱཔསོ། སཱིཧཀུམཱརོཏི སཱིཧབཱཧུཀུམཱརོ། ཨཱདིསདྡེན བྷཱུརིདཏྟཱདཡོ སངྒཎྷཱཏི།
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
ཀུརུནྡིཡཾ ཨཱགཏནྟི སམྦནྡྷོ།
Kurundiyaṃ āgatanti sambandho.
‘‘སཙྩཾ བྷཎནྟོཏི གཱཐཱཡཱ’’ཏི པདཾ ‘‘སཙྩཾ བྷཱསཏོ ལཧུཀཱཔཏྟི ཧོཏཱི’’ཏི ཨེཏྠ ཨིཏིསདྡེན སམྦནྡྷིཏབྦཾ། ‘‘སཙྩཾ བྷཎནྟོ’’ཏི གཱཐཱཡ ཨིཏི ཨཏྠོཏི ཡོཛནཱ།
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༢. པཱརཱཛིཀཱདིཔཉྷཱ • 2. Pārājikādipañhā
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / (༢) པཱརཱཛིཀཱདིཔཉྷཱཝཎྞནཱ • (2) Pārājikādipañhāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཱརཱཛིཀཱདིཔཉྷཝཎྞནཱ • Pārājikādipañhavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / པཱརཱཛིཀཱདིཔཉྷཱཝཎྞནཱ • Pārājikādipañhāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཱརཱཛིཀཱདིཔཉྷཱཝཎྞནཱ • Pārājikādipañhāvaṇṇanā
