| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
(૨) પારાજિકાદિપઞ્હાવણ્ણના
(2) Pārājikādipañhāvaṇṇanā
૪૮૦. સન્થતપેય્યાલઞ્ચાતિ પઠમપારાજિકવિભઙ્ગે (પારા॰ ૬૫) વુત્તં સન્થતપેય્યાલઞ્ચ.
480.Santhatapeyyālañcāti paṭhamapārājikavibhaṅge (pārā. 65) vuttaṃ santhatapeyyālañca.
લિઙ્ગપરિવત્તં સન્ધાયાતિ સતિ લિઙ્ગે પરિવત્તે પટિગ્ગહણસ્સ વિજહનં સન્ધાય વુત્તં.
Liṅgaparivattaṃ sandhāyāti sati liṅge parivatte paṭiggahaṇassa vijahanaṃ sandhāya vuttaṃ.
યોતિ ભિક્ખુ, પરિણામેતીતિ સમ્બન્ધો. અત્તનો અત્થાયાતિ યોજના.
Yoti bhikkhu, pariṇāmetīti sambandho. Attano atthāyāti yojanā.
અસ્સાતિ ગાથાય. કાકઉહદન્તિ કાકેહિ કરીસુસ્સગ્ગં. કદ્દમમક્ખિતન્તિ કદ્દમેન મક્ખિતં. કાયગતાનેવ હુત્વાતિ સમ્બન્ધો.
Assāti gāthāya. Kākauhadanti kākehi karīsussaggaṃ. Kaddamamakkhitanti kaddamena makkhitaṃ. Kāyagatāneva hutvāti sambandho.
હીતિ વિત્થારો. અનરિયં તં ઇત્થિં વા તં પુરિસં વા હનેય્યાતિ યોજના. લિઙ્ગપરિવત્તેન હેતુભૂતેન ઇત્થિભૂતં, પુરિસભૂતઞ્ચાતિ સમ્બન્ધો. ઇત્થિભૂતન્તિ ચ ઇત્થી હુત્વા ભૂતં, ઇત્થિભાવં વા પત્તં.
Hīti vitthāro. Anariyaṃ taṃ itthiṃ vā taṃ purisaṃ vā haneyyāti yojanā. Liṅgaparivattena hetubhūtena itthibhūtaṃ, purisabhūtañcāti sambandho. Itthibhūtanti ca itthī hutvā bhūtaṃ, itthibhāvaṃ vā pattaṃ.
મિગસિઙ્ગતાપસસીહકુમારાદીનં તિરચ્છાનગતમાતાપિતરો વિયાતિ યોજના. મિગસિઙ્ગતાપસોતિ મિગસિઙ્ગનામકો (જા॰ અટ્ઠ॰ ૫.૧૭.૯૬ આદયો) તાપસો. સીહકુમારોતિ સીહબાહુકુમારો. આદિસદ્દેન ભૂરિદત્તાદયો સઙ્ગણ્હાતિ.
Migasiṅgatāpasasīhakumārādīnaṃ tiracchānagatamātāpitaro viyāti yojanā. Migasiṅgatāpasoti migasiṅganāmako (jā. aṭṭha. 5.17.96 ādayo) tāpaso. Sīhakumāroti sīhabāhukumāro. Ādisaddena bhūridattādayo saṅgaṇhāti.
કુરુન્દિયં આગતન્તિ સમ્બન્ધો.
Kurundiyaṃ āgatanti sambandho.
‘‘સચ્ચં ભણન્તોતિ ગાથાયા’’તિ પદં ‘‘સચ્ચં ભાસતો લહુકાપત્તિ હોતી’’તિ એત્થ ઇતિસદ્દેન સમ્બન્ધિતબ્બં. ‘‘સચ્ચં ભણન્તો’’તિ ગાથાય ઇતિ અત્થોતિ યોજના.
‘‘Saccaṃ bhaṇantoti gāthāyā’’ti padaṃ ‘‘saccaṃ bhāsato lahukāpatti hotī’’ti ettha itisaddena sambandhitabbaṃ. ‘‘Saccaṃ bhaṇanto’’ti gāthāya iti atthoti yojanā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૨. પારાજિકાદિપઞ્હા • 2. Pārājikādipañhā
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / પરિવાર-અટ્ઠકથા • Parivāra-aṭṭhakathā / (૨) પારાજિકાદિપઞ્હાવણ્ણના • (2) Pārājikādipañhāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / પારાજિકાદિપઞ્હવણ્ણના • Pārājikādipañhavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / પારાજિકાદિપઞ્હાવણ્ણના • Pārājikādipañhāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / પારાજિકાદિપઞ્હાવણ્ણના • Pārājikādipañhāvaṇṇanā
