| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
5. баарааж̇игаад̣̇иаабад̇д̇и
5. Pārājikādiāpatti
339.
339.
‘баарааж̇ига’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Pārājika’nti yaṃ vuttaṃ, taṃ suṇohi yathātathaṃ;
жуд̇о барад̣̇д̇хо бхадто жа, сад̣̇д̇хаммаа хи ниран̇гад̇о;
Cuto paraddho bhaṭṭho ca, saddhammā hi niraṅkato;
сам̣ваасоби д̇ахим̣ над̇т̇и, д̇знзд̇ам̣ ид̇и вужжад̇и.
Saṃvāsopi tahiṃ natthi, tenetaṃ iti vuccati.
‘сан̇гхаад̣̇исзсо’д̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Saṅghādiseso’ti yaṃ vuttaṃ, taṃ suṇohi yathātathaṃ;
сан̇гхова д̣̇зд̇и бариваасам̣, муулааяа бадигассад̇и;
Saṅghova deti parivāsaṃ, mūlāya paṭikassati;
маанад̇д̇ам̣ д̣̇зд̇и аб̣бхзд̇и, д̇знзд̇ам̣ ид̇и вужжад̇и.
Mānattaṃ deti abbheti, tenetaṃ iti vuccati.
‘анияад̇о’д̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Aniyato’ti yaṃ vuttaṃ, taṃ suṇohi yathātathaṃ;
анияад̇о на нияад̇о, анзгам̣сигад̇ам̣ бад̣̇ам̣;
Aniyato na niyato, anekaṃsikataṃ padaṃ;
д̇ин̣н̣аман̃н̃ад̇арам̣ таанам̣, ‘анияад̇о’д̇и бавужжад̇и.
Tiṇṇamaññataraṃ ṭhānaṃ, ‘aniyato’ti pavuccati.
‘т̇уллажжаяа’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Thullaccaya’nti yaṃ vuttaṃ, taṃ suṇohi yathātathaṃ;
згасса муулз яо д̣̇зсзд̇и, яо жа д̇ам̣ бадиг̇ан̣хад̇и;
Ekassa mūle yo deseti, yo ca taṃ paṭigaṇhati;
ажжаяо д̇зна само над̇т̇и, д̇знзд̇ам̣ ид̇и вужжад̇и.
Accayo tena samo natthi, tenetaṃ iti vuccati.
‘ниссаг̇г̇ияа’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Nissaggiya’nti yaṃ vuttaṃ, taṃ suṇohi yathātathaṃ;
сан̇гхамаж̇жхз г̇ан̣амаж̇жхз, згассзва жа згад̇о;
Saṅghamajjhe gaṇamajjhe, ekasseva ca ekato;
ниссаж̇ж̇ид̇ваана д̣̇зсзд̇и, д̇знзд̇ам̣ ид̇и вужжад̇и.
Nissajjitvāna deseti, tenetaṃ iti vuccati.
‘баажид̇д̇ияа’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Pācittiya’nti yaṃ vuttaṃ, taṃ suṇohi yathātathaṃ;
баад̇зд̇и гусалам̣ д̇хаммам̣, арияамаг̇г̇ам̣ абараж̇жхад̇и;
Pāteti kusalaṃ dhammaṃ, ariyamaggaṃ aparajjhati;
жид̇д̇асам̣моханадтаанам̣, д̇знзд̇ам̣ ид̇и вужжад̇и.
Cittasaṃmohanaṭṭhānaṃ, tenetaṃ iti vuccati.
‘баадид̣̇зсанийяа’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Pāṭidesanīya’nti yaṃ vuttaṃ, taṃ suṇohi yathātathaṃ;
бхигку ан̃н̃аад̇аго санд̇о, гижчаа лад̣̇д̇хааяа бхож̇анам̣;
Bhikkhu aññātako santo, kicchā laddhāya bhojanaṃ;
саамам̣ г̇ахзд̇ваа бхун̃ж̇зяяа, ‘г̇аараяха’нд̇и бавужжад̇и.
Sāmaṃ gahetvā bhuñjeyya, ‘gārayha’nti pavuccati.
ниманд̇анаасу бхун̃ж̇анд̇аа чанд̣̇ааяа, восаасад̇и д̇ад̇т̇а бхигкуним̣;
Nimantanāsu bhuñjantā chandāya, vosāsati tattha bhikkhuniṃ;
аниваарзд̇ваа д̇ахим̣ бхун̃ж̇з, г̇аараяханд̇и бавужжад̇и.
Anivāretvā tahiṃ bhuñje, gārayhanti pavuccati.
сад̣̇д̇хаажид̇д̇ам̣ гулам̣ г̇анд̇ваа, аббабхог̇ам̣ анаал̣ияам̣ 1;
Saddhācittaṃ kulaṃ gantvā, appabhogaṃ anāḷiyaṃ 2;
аг̇илаано д̇ахим̣ бхун̃ж̇з, г̇аараяханд̇и бавужжад̇и.
Agilāno tahiṃ bhuñje, gārayhanti pavuccati.
яо жз аран̃н̃з вихаранд̇о, саасан̇гз сабхаяаанагз;
Yo ce araññe viharanto, sāsaṅke sabhayānake;
авид̣̇ид̇ам̣ д̇ахим̣ бхун̃ж̇з, г̇аараяханд̇и бавужжад̇и.
Aviditaṃ tahiṃ bhuñje, gārayhanti pavuccati.
бхигкуний ан̃н̃аад̇игаа санд̇аа, яам̣ барзсам̣ мамааяид̇ам̣;
Bhikkhunī aññātikā santā, yaṃ paresaṃ mamāyitaṃ;
сабби д̇злам̣ мад̇хум̣ паан̣ид̇ам̣, мажчамам̣сам̣ ат̇о кийрам̣;
Sappi telaṃ madhuṃ phāṇitaṃ, macchamaṃsaṃ atho khīraṃ;
д̣̇ад̇хим̣ саяам̣ вин̃н̃аабзяяа бхигкуний, г̇аараяхабад̇д̇аа суг̇ад̇асса саасанз.
Dadhiṃ sayaṃ viññāpeyya bhikkhunī, gārayhapattā sugatassa sāsane.
‘д̣̇уггада’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Dukkaṭa’nti yaṃ vuttaṃ, taṃ suṇohi yathātathaṃ;
абарад̣̇д̇хам̣ вирад̣̇д̇хан̃жа, калид̇ам̣ яан̃жа д̣̇уггадам̣.
Aparaddhaṃ viraddhañca, khalitaṃ yañca dukkaṭaṃ.
яам̣ мануссо гарз баабам̣, аави ваа яад̣̇и ваа рахо;
Yaṃ manusso kare pāpaṃ, āvi vā yadi vā raho;
‘д̣̇уггада’нд̇и бавзд̣̇знд̇и, д̇знзд̇ам̣ ид̇и вужжад̇и.
‘Dukkaṭa’nti pavedenti, tenetaṃ iti vuccati.
‘д̣̇уб̣бхаасид̇а’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Dubbhāsita’nti yaṃ vuttaṃ, taṃ suṇohi yathātathaṃ;
д̣̇уб̣бхаасид̇ам̣ д̣̇ураабхадтам̣, сам̣гилидтан̃жа яам̣ бад̣̇ам̣;
Dubbhāsitaṃ durābhaṭṭhaṃ, saṃkiliṭṭhañca yaṃ padaṃ;
яан̃жа вин̃н̃уу г̇араханд̇и, д̇знзд̇ам̣ ид̇и вужжад̇и.
Yañca viññū garahanti, tenetaṃ iti vuccati.
‘сзкияа’нд̇и яам̣ вуд̇д̇ам̣, д̇ам̣ сун̣охи яат̇аад̇ат̇ам̣;
‘Sekhiya’nti yaṃ vuttaṃ, taṃ suṇohi yathātathaṃ;
сзгкасса сигкамаанасса, уж̇умаг̇г̇аанусаарино.
Sekkhassa sikkhamānassa, ujumaggānusārino.
аад̣̇и жзд̇ам̣ жаран̣ан̃жа, мукам̣ сан̃н̃амасам̣варо;
Ādi cetaṃ caraṇañca, mukhaṃ saññamasaṃvaro;
сигкаа зд̇аад̣̇исий над̇т̇и, д̇знзд̇ам̣ ид̇и вужжад̇и.
Sikkhā etādisī natthi, tenetaṃ iti vuccati.
д̇асмаа чаннам̣ виварзт̇а, звам̣ д̇ам̣ наад̇ивассад̇и.
Tasmā channaṃ vivaretha, evaṃ taṃ nātivassati.
г̇ад̇и миг̇аанам̣ баванам̣, аагаасо багкинам̣ г̇ад̇и;
Gati migānaṃ pavanaṃ, ākāso pakkhinaṃ gati;
вибхаво г̇ад̇и д̇хаммаанам̣, ниб̣б̣аанам̣ арахад̇о г̇ад̇ийд̇и.
Vibhavo gati dhammānaṃ, nibbānaṃ arahato gatīti.
г̇аат̇аасан̇г̇ан̣игам̣.
Gāthāsaṅgaṇikaṃ.
д̇ассуд̣̇д̣̇аанам̣ –
Tassuddānaṃ –
сад̇д̇анаг̇арзсу бан̃н̃ад̇д̇аа, вибад̇д̇и жад̇уроби жа;
Sattanagaresu paññattā, vipatti caturopi ca;
бхигкуунам̣ бхигкунийнан̃жа, саад̇хааран̣аа асаад̇хааран̣аа;
Bhikkhūnaṃ bhikkhunīnañca, sādhāraṇā asādhāraṇā;
саасанам̣ ануг̇г̇ахааяа, г̇аат̇аасан̇г̇ан̣игам̣ ид̣̇анд̇и.
Sāsanaṃ anuggahāya, gāthāsaṅgaṇikaṃ idanti.
г̇аат̇аасан̇г̇ан̣игам̣ нидтид̇ам̣.
Gāthāsaṅgaṇikaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / асаад̇хааран̣аад̣̇иван̣н̣анаа • Asādhāraṇādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / баарааж̇игаад̣̇иаабад̇д̇иван̣н̣анаа • Pārājikādiāpattivaṇṇanā
