| Library / Tipiṭaka / တိပိဋက • Tipiṭaka / ကင္ခာဝိတရဏီ-အဘိနဝ-ဋီကာ • Kaṅkhāvitaraṇī-abhinava-ṭīkā |
၉. ပရအဘိသပနသိက္ခာပဒဝဏ္ဏနာ
9. Paraabhisapanasikkhāpadavaṇṇanā
မနုသ္သဒောဘဂ္ဂေန ဝာတိ ‘‘ကာဏာ ဟောမိ, ကုဏီ ဟောမိ, ဣတရာ ဝာ ဤဒိသာ ဟောတူ’’တိအာဒိနာ မနုသ္သဝိရူပဘာဝေန။ အတ္ထဓမ္မအနုသာသနိပုရေက္ခာရာနန္တိ ဧတ္ထ အတ္ထပုရေက္ခာရာယာတိ အဋ္ဌကထံ ကထေန္တိယာ။ ဓမ္မပုရေက္ခာရာယာတိ ပာဠိံ ဝာစေန္တိယာ။ အနုသာသနိပုရေက္ခာရာယာတိ ‘‘ဣဒာနိပိ တ္ဝံ ဧဒိသာ, သာဓု ဝိရမသ္သု, နော စေ ဝိရမသိ, အဒ္ဓာ ပုန ဧဝရူပာနိ ကမ္မာနိ ကတ္ဝာ နိရယေ ဥပ္ပဇ္ဇိသ္သသိ, တိရစ္ဆာနယောနိယာ ဥပ္ပဇ္ဇိသ္သသီ’’တိ (ပာစိ. အဋ္ဌ. ၈၇၈) ဧဝံ အနုသာသနိယံ ဌတ္ဝာ ဝဒန္တိယာ။
Manussadobhaggena vāti ‘‘kāṇā homi, kuṇī homi, itarā vā īdisā hotū’’tiādinā manussavirūpabhāvena. Atthadhammaanusāsanipurekkhārānanti ettha atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti (pāci. aṭṭha. 878) evaṃ anusāsaniyaṃ ṭhatvā vadantiyā.
ပရအဘိသပနသိက္ခာပဒဝဏ္ဏနာ နိဋ္ဌိတာ။
Paraabhisapanasikkhāpadavaṇṇanā niṭṭhitā.
