| Library / Tipiṭaka / તિપિટક • Tipiṭaka / કઙ્ખાવિતરણી-અભિનવ-ટીકા • Kaṅkhāvitaraṇī-abhinava-ṭīkā |
૯. પરઅભિસપનસિક્ખાપદવણ્ણના
9. Paraabhisapanasikkhāpadavaṇṇanā
મનુસ્સદોભગ્ગેન વાતિ ‘‘કાણા હોમિ, કુણી હોમિ, ઇતરા વા ઈદિસા હોતૂ’’તિઆદિના મનુસ્સવિરૂપભાવેન. અત્થધમ્મઅનુસાસનિપુરેક્ખારાનન્તિ એત્થ અત્થપુરેક્ખારાયાતિ અટ્ઠકથં કથેન્તિયા. ધમ્મપુરેક્ખારાયાતિ પાળિં વાચેન્તિયા. અનુસાસનિપુરેક્ખારાયાતિ ‘‘ઇદાનિપિ ત્વં એદિસા, સાધુ વિરમસ્સુ, નો ચે વિરમસિ, અદ્ધા પુન એવરૂપાનિ કમ્માનિ કત્વા નિરયે ઉપ્પજ્જિસ્સસિ, તિરચ્છાનયોનિયા ઉપ્પજ્જિસ્સસી’’તિ (પાચિ॰ અટ્ઠ॰ ૮૭૮) એવં અનુસાસનિયં ઠત્વા વદન્તિયા.
Manussadobhaggena vāti ‘‘kāṇā homi, kuṇī homi, itarā vā īdisā hotū’’tiādinā manussavirūpabhāvena. Atthadhammaanusāsanipurekkhārānanti ettha atthapurekkhārāyāti aṭṭhakathaṃ kathentiyā. Dhammapurekkhārāyāti pāḷiṃ vācentiyā. Anusāsanipurekkhārāyāti ‘‘idānipi tvaṃ edisā, sādhu viramassu, no ce viramasi, addhā puna evarūpāni kammāni katvā niraye uppajjissasi, tiracchānayoniyā uppajjissasī’’ti (pāci. aṭṭha. 878) evaṃ anusāsaniyaṃ ṭhatvā vadantiyā.
પરઅભિસપનસિક્ખાપદવણ્ણના નિટ્ઠિતા.
Paraabhisapanasikkhāpadavaṇṇanā niṭṭhitā.
