| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੧੦. ਪਾਪਨਿવਾਰਿਯਤ੍ਥੇਰਅਪਦਾਨਂ
10. Pāpanivāriyattheraapadānaṃ
੪੪.
44.
‘‘ਤਿਸ੍ਸਸ੍ਸ ਤੁ ਭਗવਤੋ, ਦੇવਦੇવਸ੍ਸ ਤਾਦਿਨੋ।
‘‘Tissassa tu bhagavato, devadevassa tādino;
ਏਕਚ੍ਛਤ੍ਤਂ ਮਯਾ ਦਿਨ੍ਨਂ, વਿਪ੍ਪਸਨ੍ਨੇਨ ਚੇਤਸਾ॥
Ekacchattaṃ mayā dinnaṃ, vippasannena cetasā.
੪੫.
45.
‘‘ਨਿવੁਤਂ ਹੋਤਿ ਮੇ ਪਾਪਂ, ਕੁਸਲਸ੍ਸੁਪਸਮ੍ਪਦਾ।
‘‘Nivutaṃ hoti me pāpaṃ, kusalassupasampadā;
ਆਕਾਸੇ ਛਤ੍ਤਂ ਧਾਰੇਨ੍ਤਿ, ਪੁਬ੍ਬਕਮ੍ਮਸ੍ਸਿਦਂ ਫਲਂ॥
Ākāse chattaṃ dhārenti, pubbakammassidaṃ phalaṃ.
੪੬.
46.
‘‘ਚਰਿਮਂ વਤ੍ਤਤੇ ਮਯ੍ਹਂ, ਭવਾ ਸਬ੍ਬੇ ਸਮੂਹਤਾ।
‘‘Carimaṃ vattate mayhaṃ, bhavā sabbe samūhatā;
ਧਾਰੇਮਿ ਅਨ੍ਤਿਮਂ ਦੇਹਂ, ਸਮ੍ਮਾਸਮ੍ਬੁਦ੍ਧਸਾਸਨੇ॥
Dhāremi antimaṃ dehaṃ, sammāsambuddhasāsane.
੪੭.
47.
‘‘ਦ੍વੇਨવੁਤੇ ਇਤੋ ਕਪ੍ਪੇ, ਯਂ ਛਤ੍ਤਮਦਦਿਂ ਤਦਾ।
‘‘Dvenavute ito kappe, yaṃ chattamadadiṃ tadā;
ਦੁਗ੍ਗਤਿਂ ਨਾਭਿਜਾਨਾਮਿ, ਛਤ੍ਤਦਾਨਸ੍ਸਿਦਂ ਫਲਂ॥
Duggatiṃ nābhijānāmi, chattadānassidaṃ phalaṃ.
੪੮.
48.
‘‘ਦ੍વੇਸਤ੍ਤਤਿਮ੍ਹਿਤੋ ਕਪ੍ਪੇ, ਅਟ੍ਠਾਸਿਂਸੁ ਜਨਾਧਿਪਾ।
‘‘Dvesattatimhito kappe, aṭṭhāsiṃsu janādhipā;
ਮਹਾਨਿਦਾਨਨਾਮੇਨ, ਰਾਜਾਨੋ ਚਕ੍ਕવਤ੍ਤਿਨੋ॥
Mahānidānanāmena, rājāno cakkavattino.
੪੯.
49.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਪਾਪਨਿવਾਰਿਯੋ 1 ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā pāpanivāriyo 2 thero imā gāthāyo abhāsitthāti;
ਪਾਪਨਿવਾਰਿਯਤ੍ਥੇਰਸ੍ਸਾਪਦਾਨਂ ਦਸਮਂ।
Pāpanivāriyattherassāpadānaṃ dasamaṃ.
ਕਣਿਕਾਰਪੁਪ੍ਫਿਯવਗ੍ਗੋ ਏਕવੀਸਤਿਮੋ।
Kaṇikārapupphiyavaggo ekavīsatimo.
ਤਸ੍ਸੁਦ੍ਦਾਨਂ –
Tassuddānaṃ –
ਕਣਿਕਾਰੋ ਮਿਨੇਲਞ੍ਚ, ਕਿਙ੍ਕਣਿ ਤਰਣੇਨ ਚ।
Kaṇikāro minelañca, kiṅkaṇi taraṇena ca;
ਨਿਗ੍ਗੁਣ੍ਡਿਪੁਪ੍ਫੀ ਦਕਦੋ, ਸਲਲੋ ਚ ਕੁਰਣ੍ਡਕੋ।
Nigguṇḍipupphī dakado, salalo ca kuraṇḍako;
ਆਧਾਰਕੋ ਪਾਪવਾਰੀ, ਅਟ੍ਠਤਾਲੀਸ ਗਾਥਕਾਤਿ॥
Ādhārako pāpavārī, aṭṭhatālīsa gāthakāti.
Footnotes:
