| Library / Tipiṭaka / තිපිටක • Tipiṭaka / අපදානපාළි • Apadānapāḷi |
10. පාපනිවාරියත්ථෙරඅපදානං
10. Pāpanivāriyattheraapadānaṃ
51.
51.
‘‘පියදස්සිස්ස භගවතො, චඞ්කමං සොධිතං මයා;
‘‘Piyadassissa bhagavato, caṅkamaṃ sodhitaṃ mayā;
නළකෙහි පටිච්ඡන්නං, වාතාතපනිවාරණං.
Naḷakehi paṭicchannaṃ, vātātapanivāraṇaṃ.
52.
52.
‘‘පාපං විවජ්ජනත්ථාය, කුසලස්සුපසම්පදා;
‘‘Pāpaṃ vivajjanatthāya, kusalassupasampadā;
කිලෙසානං පහානාය, පදහිං සත්ථු සාසනෙ.
Kilesānaṃ pahānāya, padahiṃ satthu sāsane.
53.
53.
‘‘ඉතො එකාදසෙ කප්පෙ, අග්ගිදෙවොති විස්සුතො;
‘‘Ito ekādase kappe, aggidevoti vissuto;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
54.
54.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පාපනිවාරියො 1 ථෙරො ඉමා ගාථායො අභාසිත්ථාති.
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
පාපනිවාරියත්ථෙරස්සාපදානං දසමං.
Pāpanivāriyattherassāpadānaṃ dasamaṃ.
හත්ථිවග්ගො බාවීසතිමො.
Hatthivaggo bāvīsatimo.
තස්සුද්දානං –
Tassuddānaṃ –
හත්ථි පානධි සච්චඤ්ච, එකසඤ්ඤි ච රංසිකො;
Hatthi pānadhi saccañca, ekasaññi ca raṃsiko;
සන්ධිතො තාලවණ්ටඤ්ච, තථා අක්කන්තසඤ්ඤකො;
Sandhito tālavaṇṭañca, tathā akkantasaññako;
සප්පි පාපනිවාරී ච, චතුප්පඤ්ඤාස ගාථකාති.
Sappi pāpanivārī ca, catuppaññāsa gāthakāti.
Footnotes:
