| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๑๐. ปาปนิวาริยเตฺถรอปทานํ
10. Pāpanivāriyattheraapadānaṃ
๕๑.
51.
‘‘ปิยทสฺสิสฺส ภควโต, จงฺกมํ โสธิตํ มยา;
‘‘Piyadassissa bhagavato, caṅkamaṃ sodhitaṃ mayā;
นฬเกหิ ปฎิจฺฉนฺนํ, วาตาตปนิวารณํฯ
Naḷakehi paṭicchannaṃ, vātātapanivāraṇaṃ.
๕๒.
52.
‘‘ปาปํ วิวชฺชนตฺถาย, กุสลสฺสุปสมฺปทา;
‘‘Pāpaṃ vivajjanatthāya, kusalassupasampadā;
กิเลสานํ ปหานาย, ปทหิํ สตฺถุ สาสเนฯ
Kilesānaṃ pahānāya, padahiṃ satthu sāsane.
๕๓.
53.
‘‘อิโต เอกาทเส กเปฺป, อคฺคิเทโวติ วิสฺสุโต;
‘‘Ito ekādase kappe, aggidevoti vissuto;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๕๔.
54.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ปาปนิวาริโย 1 เถโร อิมา คาถาโย อภาสิตฺถาติฯ
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
ปาปนิวาริยเตฺถรสฺสาปทานํ ทสมํฯ
Pāpanivāriyattherassāpadānaṃ dasamaṃ.
หตฺถิวโคฺค พาวีสติโมฯ
Hatthivaggo bāvīsatimo.
ตสฺสุทฺทานํ –
Tassuddānaṃ –
หตฺถิ ปานธิ สจฺจญฺจ, เอกสญฺญิ จ รํสิโก;
Hatthi pānadhi saccañca, ekasaññi ca raṃsiko;
สนฺธิโต ตาลวณฺฎญฺจ, ตถา อกฺกนฺตสญฺญโก;
Sandhito tālavaṇṭañca, tathā akkantasaññako;
สปฺปิ ปาปนิวารี จ, จตุปฺปญฺญาส คาถกาติฯ
Sappi pāpanivārī ca, catuppaññāsa gāthakāti.
Footnotes:
