| Library / Tipiṭaka / తిపిటక • Tipiṭaka / అపదానపాళి • Apadānapāḷi |
౧౦. పాపనివారియత్థేరఅపదానం
10. Pāpanivāriyattheraapadānaṃ
౫౧.
51.
‘‘పియదస్సిస్స భగవతో, చఙ్కమం సోధితం మయా;
‘‘Piyadassissa bhagavato, caṅkamaṃ sodhitaṃ mayā;
నళకేహి పటిచ్ఛన్నం, వాతాతపనివారణం.
Naḷakehi paṭicchannaṃ, vātātapanivāraṇaṃ.
౫౨.
52.
‘‘పాపం వివజ్జనత్థాయ, కుసలస్సుపసమ్పదా;
‘‘Pāpaṃ vivajjanatthāya, kusalassupasampadā;
కిలేసానం పహానాయ, పదహిం సత్థు సాసనే.
Kilesānaṃ pahānāya, padahiṃ satthu sāsane.
౫౩.
53.
‘‘ఇతో ఏకాదసే కప్పే, అగ్గిదేవోతి విస్సుతో;
‘‘Ito ekādase kappe, aggidevoti vissuto;
సత్తరతనసమ్పన్నో, చక్కవత్తీ మహబ్బలో.
Sattaratanasampanno, cakkavattī mahabbalo.
౫౪.
54.
‘‘పటిసమ్భిదా చతస్సో…పే॰… కతం బుద్ధస్స సాసనం’’.
‘‘Paṭisambhidā catasso…pe… kataṃ buddhassa sāsanaṃ’’.
ఇత్థం సుదం ఆయస్మా పాపనివారియో 1 థేరో ఇమా గాథాయో అభాసిత్థాతి.
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
పాపనివారియత్థేరస్సాపదానం దసమం.
Pāpanivāriyattherassāpadānaṃ dasamaṃ.
హత్థివగ్గో బావీసతిమో.
Hatthivaggo bāvīsatimo.
తస్సుద్దానం –
Tassuddānaṃ –
హత్థి పానధి సచ్చఞ్చ, ఏకసఞ్ఞి చ రంసికో;
Hatthi pānadhi saccañca, ekasaññi ca raṃsiko;
సన్ధితో తాలవణ్టఞ్చ, తథా అక్కన్తసఞ్ఞకో;
Sandhito tālavaṇṭañca, tathā akkantasaññako;
సప్పి పాపనివారీ చ, చతుప్పఞ్ఞాస గాథకాతి.
Sappi pāpanivārī ca, catuppaññāsa gāthakāti.
Footnotes:
