| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
১০. পাপনিৰারিযত্থেরঅপদানং
10. Pāpanivāriyattheraapadānaṃ
৫১.
51.
‘‘পিযদস্সিস্স ভগৰতো, চঙ্কমং সোধিতং মযা।
‘‘Piyadassissa bhagavato, caṅkamaṃ sodhitaṃ mayā;
নল়কেহি পটিচ্ছন্নং, ৰাতাতপনিৰারণং॥
Naḷakehi paṭicchannaṃ, vātātapanivāraṇaṃ.
৫২.
52.
‘‘পাপং ৰিৰজ্জনত্থায, কুসলস্সুপসম্পদা।
‘‘Pāpaṃ vivajjanatthāya, kusalassupasampadā;
কিলেসানং পহানায, পদহিং সত্থু সাসনে॥
Kilesānaṃ pahānāya, padahiṃ satthu sāsane.
৫৩.
53.
‘‘ইতো একাদসে কপ্পে, অগ্গিদেৰোতি ৰিস্সুতো।
‘‘Ito ekādase kappe, aggidevoti vissuto;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
৫৪.
54.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা পাপনিৰারিযো 1 থেরো ইমা গাথাযো অভাসিত্থাতি।
Itthaṃ sudaṃ āyasmā pāpanivāriyo 2 thero imā gāthāyo abhāsitthāti.
পাপনিৰারিযত্থেরস্সাপদানং দসমং।
Pāpanivāriyattherassāpadānaṃ dasamaṃ.
হত্থিৰগ্গো বাৰীসতিমো।
Hatthivaggo bāvīsatimo.
তস্সুদ্দানং –
Tassuddānaṃ –
হত্থি পানধি সচ্চঞ্চ, একসঞ্ঞি চ রংসিকো।
Hatthi pānadhi saccañca, ekasaññi ca raṃsiko;
সন্ধিতো তালৰণ্টঞ্চ, তথা অক্কন্তসঞ্ঞকো।
Sandhito tālavaṇṭañca, tathā akkantasaññako;
সপ্পি পাপনিৰারী চ, চতুপ্পঞ্ঞাস গাথকাতি॥
Sappi pāpanivārī ca, catuppaññāsa gāthakāti.
Footnotes:
