| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
10. பாபனிவாரியத்தே²ரஅபதா³னங்
10. Pāpanivāriyattheraapadānaṃ
44.
44.
‘‘திஸ்ஸஸ்ஸ து ப⁴க³வதோ, தே³வதே³வஸ்ஸ தாதி³னோ;
‘‘Tissassa tu bhagavato, devadevassa tādino;
ஏகச்ச²த்தங் மயா தி³ன்னங், விப்பஸன்னேன சேதஸா.
Ekacchattaṃ mayā dinnaṃ, vippasannena cetasā.
45.
45.
‘‘நிவுதங் ஹோதி மே பாபங், குஸலஸ்ஸுபஸம்பதா³;
‘‘Nivutaṃ hoti me pāpaṃ, kusalassupasampadā;
ஆகாஸே ச²த்தங் தா⁴ரெந்தி, புப்³ப³கம்மஸ்ஸித³ங் ப²லங்.
Ākāse chattaṃ dhārenti, pubbakammassidaṃ phalaṃ.
46.
46.
‘‘சரிமங் வத்ததே மய்ஹங், ப⁴வா ஸப்³பே³ ஸமூஹதா;
‘‘Carimaṃ vattate mayhaṃ, bhavā sabbe samūhatā;
தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.
Dhāremi antimaṃ dehaṃ, sammāsambuddhasāsane.
47.
47.
‘‘த்³வேனவுதே இதோ கப்பே, யங் ச²த்தமத³தி³ங் ததா³;
‘‘Dvenavute ito kappe, yaṃ chattamadadiṃ tadā;
து³க்³க³திங் நாபி⁴ஜானாமி, ச²த்ததா³னஸ்ஸித³ங் ப²லங்.
Duggatiṃ nābhijānāmi, chattadānassidaṃ phalaṃ.
48.
48.
‘‘த்³வேஸத்ததிம்ஹிதோ கப்பே, அட்டா²ஸிங்ஸு ஜனாதி⁴பா;
‘‘Dvesattatimhito kappe, aṭṭhāsiṃsu janādhipā;
மஹானிதா³னநாமேன, ராஜானோ சக்கவத்தினோ.
Mahānidānanāmena, rājāno cakkavattino.
49.
49.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா பாபனிவாரியோ 1 தே²ரோ இமா கா³தா²யோ அபா⁴ஸித்தா²தி;
Itthaṃ sudaṃ āyasmā pāpanivāriyo 2 thero imā gāthāyo abhāsitthāti;
பாபனிவாரியத்தே²ரஸ்ஸாபதா³னங் த³ஸமங்.
Pāpanivāriyattherassāpadānaṃ dasamaṃ.
கணிகாரபுப்பி²யவக்³கோ³ ஏகவீஸதிமோ.
Kaṇikārapupphiyavaggo ekavīsatimo.
தஸ்ஸுத்³தா³னங் –
Tassuddānaṃ –
கணிகாரோ மினேலஞ்ச, கிங்கணி தரணேன ச;
Kaṇikāro minelañca, kiṅkaṇi taraṇena ca;
நிக்³கு³ண்டி³புப்பீ² த³கதோ³, ஸலலோ ச குரண்ட³கோ;
Nigguṇḍipupphī dakado, salalo ca kuraṇḍako;
ஆதா⁴ரகோ பாபவாரீ, அட்ட²தாலீஸ கா³த²காதி.
Ādhārako pāpavārī, aṭṭhatālīsa gāthakāti.
Footnotes:
