| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
7. бабан̃жакаяасуд̇д̇аван̣н̣анаа
7. Papañcakhayasuttavaṇṇanā
67. сад̇д̇амз бабан̃жасан̃н̃аасан̇каабахаананд̇и бабан̃жзнд̇и яад̇т̇а саяам̣ уббаннаа, д̇ам̣ санд̇аанам̣ вид̇т̇аарзнд̇и жирам̣ табзнд̇ийд̇и бабан̃жаа, гилзсаа. висзсад̇о рааг̇ад̣̇осамохад̇ан̣хаад̣̇идтимаанаа. д̇ат̇аа хи вуд̇д̇ам̣ –
67. Sattame papañcasaññāsaṅkhāpahānanti papañcenti yattha sayaṃ uppannā, taṃ santānaṃ vitthārenti ciraṃ ṭhapentīti papañcā, kilesā. Visesato rāgadosamohataṇhādiṭṭhimānā. Tathā hi vuttaṃ –
‘‘рааг̇о бабан̃жо, д̣̇осо бабан̃жо, мохо бабан̃жо, д̇ан̣хаа бабан̃жо, д̣̇идти бабан̃жо, маано бабан̃жо’’д̇и. –
‘‘Rāgo papañco, doso papañco, moho papañco, taṇhā papañco, diṭṭhi papañco, māno papañco’’ti. –
абижа сам̣гилзсадто бабан̃жадто, гажаварадто бабан̃жадто. д̇ад̇т̇а рааг̇абабан̃жасса субхасан̃н̃аа нимид̇д̇ам̣, д̣̇осабабан̃жасса аагхаад̇авад̇т̇у, мохабабан̃жасса аасаваа, д̇ан̣хаабабан̃жасса взд̣̇анаа, д̣̇идтибабан̃жасса сан̃н̃аа, маанабабан̃жасса вид̇агго нимид̇д̇ам̣. д̇зхи бабан̃жзхи сахаг̇ад̇аа сан̃н̃аа бабан̃жасан̃н̃аа. бабан̃жасан̃н̃аанам̣ сан̇каа бхааг̇аа годтаасаа бабан̃жасан̃н̃аасан̇каа. ад̇т̇ад̇о сад̣̇д̇хим̣ нимид̇д̇зхи д̇ам̣д̇ам̣бабан̃жасса багкияо гилзсаг̇ан̣о. сан̃н̃ааг̇ахан̣ан̃жзд̇т̇а д̇асса нзсам̣ саад̇хааран̣ахзд̇убхаавзна. вуд̇д̇ан̃хзд̇ам̣ – ‘‘сан̃н̃аанид̣̇аанаа хи бабан̃жасан̇каа’’д̇и (су. ни. 880). д̇зсам̣ бахаанам̣, д̇зна д̇зна маг̇г̇зна рааг̇аад̣̇игилзсаанам̣ самужчзд̣̇ананд̇и ад̇т̇о.
Apica saṃkilesaṭṭho papañcaṭṭho, kacavaraṭṭho papañcaṭṭho. Tattha rāgapapañcassa subhasaññā nimittaṃ, dosapapañcassa āghātavatthu, mohapapañcassa āsavā, taṇhāpapañcassa vedanā, diṭṭhipapañcassa saññā, mānapapañcassa vitakko nimittaṃ. Tehi papañcehi sahagatā saññā papañcasaññā. Papañcasaññānaṃ saṅkhā bhāgā koṭṭhāsā papañcasaññāsaṅkhā. Atthato saddhiṃ nimittehi taṃtaṃpapañcassa pakkhiyo kilesagaṇo. Saññāgahaṇañcettha tassa nesaṃ sādhāraṇahetubhāvena. Vuttañhetaṃ – ‘‘saññānidānā hi papañcasaṅkhā’’ti (su. ni. 880). Tesaṃ pahānaṃ, tena tena maggena rāgādikilesānaṃ samucchedananti attho.
д̇ад̣̇аа хи бхаг̇аваа ад̇ийд̇аасу анзгагодисад̇асахассасан̇каасу ад̇д̇ано ж̇аад̇ийсу анад̇т̇асса нимид̇д̇абхууд̇з гилзсз имасмим̣ жаримабхавз арияамаг̇г̇зна б̣од̇химан̣д̣з саваасанз бахийнз бажжавзгкид̇ваа сад̇д̇асанд̇аанан̃жа гилзсажарид̇ам̣ рааг̇аад̣̇игилзсасам̣гилидтам̣ ган̃ж̇ияабун̣н̣алааб̣ум̣ вияа д̇аггабхарид̇ажаадим̣ вияа васаабийд̇абилод̇игам̣ вияа жа д̣̇уб̣б̣иниможияам̣ д̣̇исваа ‘‘звам̣ г̇аханам̣ наамид̣̇ам̣ гилзсаваддам̣ анаад̣̇игаалабхаавид̇ам̣ маяхам̣ анавасзсам̣ бахийнам̣, ахо суббахийна’’нд̇и уббаннабийд̇ибаамож̇ж̇о уд̣̇аанам̣ уд̣̇аанзси. д̇зна вуд̇д̇ам̣ – ‘‘ат̇а ко бхаг̇аваа ад̇д̇ано бабан̃жасан̃н̃аасан̇каабахаанам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзсий’’д̇и.
Tadā hi bhagavā atītāsu anekakoṭisatasahassasaṅkhāsu attano jātīsu anatthassa nimittabhūte kilese imasmiṃ carimabhave ariyamaggena bodhimaṇḍe savāsane pahīne paccavekkhitvā sattasantānañca kilesacaritaṃ rāgādikilesasaṃkiliṭṭhaṃ kañjiyapuṇṇalābuṃ viya takkabharitacāṭiṃ viya vasāpītapilotikaṃ viya ca dubbinimociyaṃ disvā ‘‘evaṃ gahanaṃ nāmidaṃ kilesavaṭṭaṃ anādikālabhāvitaṃ mayhaṃ anavasesaṃ pahīnaṃ, aho suppahīna’’nti uppannapītipāmojjo udānaṃ udānesi. Tena vuttaṃ – ‘‘atha kho bhagavā attano papañcasaññāsaṅkhāpahānaṃ viditvā tāyaṃ velāyaṃ imaṃ udānaṃ udānesī’’ti.
д̇ад̇т̇а яасса бабан̃жаа тид̇и жа над̇т̇ийд̇и яасмаа бхаг̇аваа ад̇д̇аанамзва барам̣ вияа гад̇ваа нид̣̇д̣̇исад̇и д̇асмаа яасса аг̇г̇абуг̇г̇аласса вуд̇д̇алагкан̣аа бабан̃жаа, д̇зхи гад̇аа сам̣саарз тид̇и жа над̇т̇и. нзд̇д̇ияам̣ бана ‘‘тид̇и наама анусаяо’’д̇и (нзд̇д̇и. 27) вуд̇д̇ам̣. анусаяо хи бхавабавад̇д̇ияаа мууланд̇и. сад̇д̇з сам̣саарз бабан̃жзнд̇ийд̇и бабан̃жаа. ‘‘бабан̃жадтид̇ий’’д̇и жа баато. д̇ассад̇т̇о – бабан̃жаанам̣ тид̇и виж̇ж̇амаанад̇аа маг̇г̇зна асамужчзд̣̇о бабан̃жадтид̇и, бабан̃жаа зва ваа авасидтагусалаагусалавибаагаанам̣ бавад̇д̇ияаа хзд̇убхаавад̇о ваддасса тид̇и бабан̃жадтид̇и, саа яасса аг̇г̇абуг̇г̇аласса над̇т̇и. санд̣̇аанам̣ балигхан̃жа вийд̇ивад̇д̇од̇и яо б̣анд̇ханадтзна санд̇аанасад̣̇исад̇д̇аа ‘‘санд̣̇аана’’нд̇и лад̣̇д̇ханаамаа д̇ан̣хаад̣̇идтияо, ниб̣б̣аананаг̇арабавзсанисзд̇ханад̇о балигхасад̣̇исад̇д̇аа балигхасан̇каад̇ам̣ авиж̇ж̇ан̃жа вийд̇ивад̇д̇о саваасанабахаанзна висзсад̇о ад̇игганд̇о. абарз бана год̇хам̣ ‘‘санд̣̇аана’’нд̇и вад̣̇анд̇и, д̇ам̣ на г̇ахзд̇аб̣б̣ам̣. со хи ‘‘бараабхисаж̇ж̇аний’’д̇и вуд̇д̇од̇и.
Tattha yassa papañcā ṭhiti ca natthīti yasmā bhagavā attānameva paraṃ viya katvā niddisati tasmā yassa aggapuggalassa vuttalakkhaṇā papañcā, tehi katā saṃsāre ṭhiti ca natthi. Nettiyaṃ pana ‘‘ṭhiti nāma anusayo’’ti (netti. 27) vuttaṃ. Anusayo hi bhavapavattiyā mūlanti. Satte saṃsāre papañcentīti papañcā. ‘‘Papañcaṭṭhitī’’ti ca pāṭho. Tassattho – papañcānaṃ ṭhiti vijjamānatā maggena asamucchedo papañcaṭṭhiti, papañcā eva vā avasiṭṭhakusalākusalavipākānaṃ pavattiyā hetubhāvato vaṭṭassa ṭhiti papañcaṭṭhiti, sā yassa aggapuggalassa natthi. Sandānaṃ palighañca vītivattoti yo bandhanaṭṭhena santānasadisattā ‘‘sandāna’’nti laddhanāmā taṇhādiṭṭhiyo, nibbānanagarapavesanisedhanato palighasadisattā palighasaṅkhātaṃ avijjañca vītivatto savāsanapahānena visesato atikkanto. Apare pana kodhaṃ ‘‘sandāna’’nti vadanti, taṃ na gahetabbaṃ. So hi ‘‘parābhisajjanī’’ti vuttoti.
д̇ам̣ нид̇д̇ан̣хам̣ муним̣ жаранд̇анд̇и д̇ам̣ саб̣б̣ат̇ааби д̇ан̣хаабхаавзна нид̇д̇ан̣хам̣, убхаяалогамунанад̇о ад̇д̇ахид̇абарахид̇амунанад̇о жа муним̣, зганд̇знзва саб̣б̣асад̇д̇ахид̇ад̇т̇ам̣ жад̇уухи ирияаабат̇зхи наанаасамаабад̇д̇ижаарзхи анан̃н̃асаад̇хааран̣зна н̃аан̣ажаарзна жа жаранд̇ам̣. нааваж̇аанаад̇и сад̣̇звагоби логод̇и саб̣б̣о сабан̃н̃аж̇аад̇иго сад̇д̇алого сад̣̇звагоби саб̣рахмагоби на гад̣̇аажиби аваж̇аанаад̇и на барибход̇и, ат̇а ко аяамзва логз аг̇г̇о сздто уд̇д̇амо баварод̇и г̇арум̣ гаронд̇о саггажжам̣ бууж̇аасаггааранирад̇о ход̇ийд̇и.
Taṃ nittaṇhaṃ muniṃ carantanti taṃ sabbathāpi taṇhābhāvena nittaṇhaṃ, ubhayalokamunanato attahitaparahitamunanato ca muniṃ, ekanteneva sabbasattahitatthaṃ catūhi iriyāpathehi nānāsamāpatticārehi anaññasādhāraṇena ñāṇacārena ca carantaṃ. Nāvajānāti sadevakopi lokoti sabbo sapaññajātiko sattaloko sadevakopi sabrahmakopi na kadācipi avajānāti na paribhoti, atha kho ayameva loke aggo seṭṭho uttamo pavaroti garuṃ karonto sakkaccaṃ pūjāsakkāranirato hotīti.
сад̇д̇амасуд̇д̇аван̣н̣анаа нидтид̇аа.
Sattamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 7. бабан̃жакаяасуд̇д̇ам̣ • 7. Papañcakhayasuttaṃ
