| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. পঞ্ঞাৰিমুত্তসুত্তং
3. Paññāvimuttasuttaṃ
৪৪. ‘‘‘পঞ্ঞাৰিমুত্তো পঞ্ঞাৰিমুত্তো’তি, আৰুসো, ৰুচ্চতি। কিত্তাৰতা নু খো, আৰুসো, পঞ্ঞাৰিমুত্তো ৰুত্তো ভগৰতা’’তি?
44. ‘‘‘Paññāvimutto paññāvimutto’ti, āvuso, vuccati. Kittāvatā nu kho, āvuso, paññāvimutto vutto bhagavatā’’ti?
‘‘ইধাৰুসো, ভিক্খু ৰিৰিচ্চেৰ কামেহি…পে॰… পঠমং ঝানং উপসম্পজ্জ ৰিহরতি, পঞ্ঞায চ নং পজানাতি। এত্তাৰতাপি খো, আৰুসো, পঞ্ঞাৰিমুত্তো ৰুত্তো ভগৰতা পরিযাযেন…পে॰…।
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati, paññāya ca naṃ pajānāti. Ettāvatāpi kho, āvuso, paññāvimutto vutto bhagavatā pariyāyena…pe….
‘‘পুন চপরং, আৰুসো, ভিক্খু সব্বসো নেৰসঞ্ঞানাসঞ্ঞাযতনং সমতিক্কম্ম সঞ্ঞাৰেদযিতনিরোধং উপসম্পজ্জ ৰিহরতি, পঞ্ঞায চস্স দিস্ৰা আসৰা পরিক্খীণা হোন্তি, পঞ্ঞায চ নং পজানাতি। এত্তাৰতাপি খো, আৰুসো, পঞ্ঞাৰিমুত্তো ৰুত্তো ভগৰতা নিপ্পরিযাযেনা’’তি। ততিযং।
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti, paññāya ca naṃ pajānāti. Ettāvatāpi kho, āvuso, paññāvimutto vutto bhagavatā nippariyāyenā’’ti. Tatiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. পঞ্ঞাৰিমুত্তসুত্তৰণ্ণনা • 3. Paññāvimuttasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সম্বাধসুত্তাদিৰণ্ণনা • 1-10. Sambādhasuttādivaṇṇanā
