| Library / Tipiṭaka / திபிடக • Tipiṭaka / அங்கு³த்தரனிகாய • Aṅguttaranikāya |
3. பஞ்ஞாவிமுத்தஸுத்தங்
3. Paññāvimuttasuttaṃ
44. ‘‘‘பஞ்ஞாவிமுத்தோ பஞ்ஞாவிமுத்தோ’தி, ஆவுஸோ, வுச்சதி. கித்தாவதா நு கோ², ஆவுஸோ, பஞ்ஞாவிமுத்தோ வுத்தோ ப⁴க³வதா’’தி?
44. ‘‘‘Paññāvimutto paññāvimutto’ti, āvuso, vuccati. Kittāvatā nu kho, āvuso, paññāvimutto vutto bhagavatā’’ti?
‘‘இதா⁴வுஸோ, பி⁴க்கு² விவிச்சேவ காமேஹி…பே॰… பட²மங் ஜா²னங் உபஸம்பஜ்ஜ விஹரதி, பஞ்ஞாய ச நங் பஜானாதி. எத்தாவதாபி கோ², ஆவுஸோ, பஞ்ஞாவிமுத்தோ வுத்தோ ப⁴க³வதா பரியாயேன…பே॰….
‘‘Idhāvuso, bhikkhu vivicceva kāmehi…pe… paṭhamaṃ jhānaṃ upasampajja viharati, paññāya ca naṃ pajānāti. Ettāvatāpi kho, āvuso, paññāvimutto vutto bhagavatā pariyāyena…pe….
‘‘புன சபரங், ஆவுஸோ, பி⁴க்கு² ஸப்³ப³ஸோ நேவஸஞ்ஞானாஸஞ்ஞாயதனங் ஸமதிக்கம்ம ஸஞ்ஞாவேத³யிதனிரோத⁴ங் உபஸம்பஜ்ஜ விஹரதி, பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி, பஞ்ஞாய ச நங் பஜானாதி. எத்தாவதாபி கோ², ஆவுஸோ, பஞ்ஞாவிமுத்தோ வுத்தோ ப⁴க³வதா நிப்பரியாயேனா’’தி. ததியங்.
‘‘Puna caparaṃ, āvuso, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti, paññāya ca naṃ pajānāti. Ettāvatāpi kho, āvuso, paññāvimutto vutto bhagavatā nippariyāyenā’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 3. பஞ்ஞாவிமுத்தஸுத்தவண்ணனா • 3. Paññāvimuttasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸம்பா³த⁴ஸுத்தாதி³வண்ணனா • 1-10. Sambādhasuttādivaṇṇanā
