| Library / Tipiṭaka / ཏིཔིཊཀ • Tipiṭaka / ཝཛིརབུདྡྷི-ཊཱིཀཱ • Vajirabuddhi-ṭīkā |
༎ ནམོ ཏསྶ བྷགཝཏོ ཨརཧཏོ སམྨཱསམྦུདྡྷསྶ༎
Namo tassa bhagavato arahato sammāsambuddhassa
པརིཝཱརཝཎྞནཱ
Parivāravaṇṇanā
སོལ༹སམཧཱཝཱརཝཎྞནཱ
Soḷasamahāvāravaṇṇanā
པཉྙཏྟིཝཱརཝཎྞནཱ
Paññattivāravaṇṇanā
༡-༢. སཱིལསམཱདྷིཔཉྙཱཝིམུཏྟིཝིམུཏྟིཉཱཎདསྶནསངྑཱཏསྶ དྷམྨཀྑནྡྷསརཱིརསྶ སཱསནེཏི ཨཏྠོ། པརིཝཱརོཏི སངྒཧཾ ཡོ སམཱརུལ༹ྷོ, ཏསྶ པརིཝཱརསྶ། ཝིནཡབྷཱུཏཱ པཉྙཏྟི ཝིནཡཔཉྙཏྟི། ‘‘པཉྙཏྟིཀཱལཾ ཛཱནཏཱ’’ཏི དུཀནཡཝསེན ཝཏྭཱ པུན སུཏྟནྟནཡེན ཝཏྟུཾ ‘‘ཨཔིཙ པུབྦེནིཝཱསཱདཱིཧཱི’’ཏི ཝུཏྟཾ། ཏཏྠ པསྶནཾ ནཱམ དསྶནཏྟཱ དིབྦཙཀྑུནཱ ཡོཛིཏཾ པཊིཝེདྷཉཱཎདསྶནཾ། དེསནཱཔཉྙཱཡ པསྶཏཱཏི ཨཱསཡཱནུསཡཱདིཀེ། པུཙྪཱཡཱཏི སཏྟམཱི། པུནཔི ཨེཏྠཱཏི པུཙྪཱཝིསྶཛྫནེ། མིཙྪཱདིཊྛཱིཏི ནཏྠིཀདིཊྛི ཨནྟགྒཱཧིཀདིཊྛི། ‘‘ཨཱཛཱིཝཧེཏུ པཉྙཏྟཱནཱི’’ཏི ཝཙནཏོ ཨིམཱནི ཚ སིཀྑཱཔདཱནི ཋཔེཏྭཱ སེསཱ ཨཱཙཱརཝིཔཏྟི ནཱམཱཏི ཝེདིཏབྦཾ། ཀཱཡེན པན ཨཱཔཏྟིཾ ཨཱཔཛྫཏཱིཏི ཨེཏྠ ‘‘པུབྦབྷཱགེ སེཝནཙིཏྟམངྒཾ ཀཏྭཱ ཀཱཡདྭཱརསངྑཱཏཾ ཝིཉྙཏྟིཾ ཛནཡིཏྭཱ པཝཏྟཙིཏྟུཔྤཱདསངྑཱཏཾ ཨཱཔཏྟིཾ ཨཱཔཛྫཏི, ཀིཉྩཱཔི ཙིཏྟེན སམུཊྛཱཔིཏཱ ཝིཉྙཏྟི, ཏཐཱཔི ཙིཏྟེན ཨདྷིཔྤེཏསྶ ཨཏྠསྶ ཝིཉྙཏྟིཡཱ སཱདྷིཏཏྟཱ ‘ཀཱཡདྭཱརེན ཨཱཔཛྫཏཱི’ཏི ཝུཏྟ’’ནྟི ཨིམམཏྠཾ སནྡྷཱཡ ཝུཏྟཾ, ན བྷཎྜནཱདིཏྟཡཝཱུཔསམཾ། ཨཱཔཱཎཀོཊིཀནྟི ཛཱིཝིཏཔརིཡནྟཾ ཀཏྭཱ། པོརཱཎཀེཧི མཧཱཐེརེཧཱིཏི སཱིཧལ༹དཱིཔེ མཧཱཐེརེཧི པོཏྠཀཾ ཨཱརོཔིཏཀཱལེ ཋཔིཏཱཏི ཨཏྠོ། ‘‘ཙཏུཏྠསངྒཱིཏིསདིསཱ པོཏྠཀཱརུལ༹ྷསངྒཱིཏི ཨཧོསཱི’’ཏི ཝུཏྟཾ།
1-2. Sīlasamādhipaññāvimuttivimuttiñāṇadassanasaṅkhātassa dhammakkhandhasarīrassa sāsaneti attho. Parivāroti saṅgahaṃ yo samāruḷho, tassa parivārassa. Vinayabhūtā paññatti vinayapaññatti. ‘‘Paññattikālaṃ jānatā’’ti dukanayavasena vatvā puna suttantanayena vattuṃ ‘‘apica pubbenivāsādīhī’’ti vuttaṃ. Tattha passanaṃ nāma dassanattā dibbacakkhunā yojitaṃ paṭivedhañāṇadassanaṃ. Desanāpaññāya passatāti āsayānusayādike. Pucchāyāti sattamī. Punapi etthāti pucchāvissajjane. Micchādiṭṭhīti natthikadiṭṭhi antaggāhikadiṭṭhi. ‘‘Ājīvahetu paññattānī’’ti vacanato imāni cha sikkhāpadāni ṭhapetvā sesā ācāravipatti nāmāti veditabbaṃ. Kāyena pana āpattiṃ āpajjatīti ettha ‘‘pubbabhāge sevanacittamaṅgaṃ katvā kāyadvārasaṅkhātaṃ viññattiṃ janayitvā pavattacittuppādasaṅkhātaṃ āpattiṃ āpajjati, kiñcāpi cittena samuṭṭhāpitā viññatti, tathāpi cittena adhippetassa atthassa viññattiyā sādhitattā ‘kāyadvārena āpajjatī’ti vutta’’nti imamatthaṃ sandhāya vuttaṃ, na bhaṇḍanādittayavūpasamaṃ. Āpāṇakoṭikanti jīvitapariyantaṃ katvā. Porāṇakehi mahātherehīti sīhaḷadīpe mahātherehi potthakaṃ āropitakāle ṭhapitāti attho. ‘‘Catutthasaṅgītisadisā potthakāruḷhasaṅgīti ahosī’’ti vuttaṃ.
མཧཱཝིབྷངྒེ པཉྙཏྟིཝཱརཝཎྞནཱ ནིཊྛིཏཱ།
Mahāvibhaṅge paññattivāravaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༡. པཱརཱཛིཀཀཎྜཾ • 1. Pārājikakaṇḍaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / པཉྙཏྟིཝཱརཝཎྞནཱ • Paññattivāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / པཉྙཏྟིཝཱརཝཎྞནཱ • Paññattivāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པཉྙཏྟིཝཱརཝཎྞནཱ • Paññattivāravaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ཀཏཱཔཏྟིཝཱརཱདིཝཎྞནཱ • Katāpattivārādivaṇṇanā
