| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. ปญฺญตฺติสุตฺตํ
5. Paññattisuttaṃ
๑๕. ‘‘จตโสฺส อิมา, ภิกฺขเว, อคฺคปญฺญตฺติโยฯ กตมา จตโสฺส? เอตทคฺคํ, ภิกฺขเว, อตฺตภาวีนํ ยทิทํ – ราหุ อสุริโนฺทฯ เอตทคฺคํ, ภิกฺขเว, กามโภคีนํ ยทิทํ – ราชา มนฺธาตาฯ เอตทคฺคํ, ภิกฺขเว, อาธิปเตยฺยานํ ยทิทํ – มาโร ปาปิมาฯ สเทวเก, ภิกฺขเว, โลเก สมารเก สพฺรหฺมเก สสฺสมณพฺราหฺมณิยา ปชาย สเทวมนุสฺสาย ตถาคโต อคฺคมกฺขายติ อรหํ สมฺมาสมฺพุโทฺธฯ อิมา โข, ภิกฺขเว, จตโสฺส อคฺคปญฺญตฺติโย’’ติฯ
15. ‘‘Catasso imā, bhikkhave, aggapaññattiyo. Katamā catasso? Etadaggaṃ, bhikkhave, attabhāvīnaṃ yadidaṃ – rāhu asurindo. Etadaggaṃ, bhikkhave, kāmabhogīnaṃ yadidaṃ – rājā mandhātā. Etadaggaṃ, bhikkhave, ādhipateyyānaṃ yadidaṃ – māro pāpimā. Sadevake, bhikkhave, loke samārake sabrahmake sassamaṇabrāhmaṇiyā pajāya sadevamanussāya tathāgato aggamakkhāyati arahaṃ sammāsambuddho. Imā kho, bhikkhave, catasso aggapaññattiyo’’ti.
‘‘ราหุคฺคํ อตฺตภาวีนํ, มนฺธาตา กามโภคินํ;
‘‘Rāhuggaṃ attabhāvīnaṃ, mandhātā kāmabhoginaṃ;
มาโร อาธิปเตยฺยานํ, อิทฺธิยา ยสสา ชลํฯ
Māro ādhipateyyānaṃ, iddhiyā yasasā jalaṃ.
‘‘อุทฺธํ ติริยํ อปาจีนํ, ยาวตา ชคโต คติ;
‘‘Uddhaṃ tiriyaṃ apācīnaṃ, yāvatā jagato gati;
สเทวกสฺส โลกสฺส, พุโทฺธ อโคฺค ปวุจฺจตี’’ติฯ ปญฺจมํ;
Sadevakassa lokassa, buddho aggo pavuccatī’’ti. pañcamaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. ปญฺญตฺติสุตฺตวณฺณนา • 5. Paññattisuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๕. ปญฺญตฺติสุตฺตวณฺณนา • 5. Paññattisuttavaṇṇanā
