| Library / Tipiṭaka / д̇ибидага • Tipiṭaka / нзд̇д̇иббагаран̣а-дийгаа • Nettippakaraṇa-ṭīkā |
11. бан̃н̃ад̇д̇ихааравибхан̇г̇аван̣н̣анаа
11. Paññattihāravibhaṅgavaṇṇanā
39. бхаг̇авад̇о саабхаавигад̇хаммагат̇ааяаад̇и ад̇д̇ано бхааво сабхааво, сабхаавзна ниб̣б̣ад̇д̇аа, д̇ад̇о ваа ааг̇ад̇аад̇и саабхаавигаа, саа зва д̇хаммагат̇аад̇и саабхаавигад̇хаммагат̇аа, б̣уд̣̇д̇хаанам̣ саамуггам̣сигад̇хаммагат̇аад̇и ад̇т̇о , д̇ааяа гаран̣абхууд̇ааяа д̇хаммад̣̇зсанааяа анан̃н̃ад̇д̇зби гат̇аад̣̇зсанаанам̣ убажаарасид̣̇д̇хзна бхзд̣̇знзвам̣ вуд̇д̇ам̣, аваяавасамуд̣̇ааяавибхааг̇зна ваа. д̇знааха ‘‘гаа жа багад̇игат̇ааяа д̣̇зсанаа? жад̇д̇аари сажжааний’’д̇и. ид̣̇ан̃хи ад̇т̇асса д̣̇зсанааяа абхзд̣̇обажаарам̣ гад̇ваа вуд̇д̇ам̣. д̇ассаа д̣̇зсанааяа бан̃н̃аабанаа. аяам̣ бан̃н̃ад̇д̇ихаарод̇и сан̇кзбзнзва бан̃н̃ад̇д̇ихаарасса саруубамааха. саад̇и яат̇аавуд̇д̇ад̣̇зсанаа. д̇ат̇аа д̇ат̇аад̇и яат̇аа яат̇аа сажжаани д̣̇зсзд̇аб̣б̣аани, д̇ат̇аа д̇ат̇аа. гат̇ан̃жзд̇аани д̣̇зсзд̇аб̣б̣аани? барин̃н̃зяяаад̣̇иббагаарзна. яат̇аад̇хиббзд̇анд̇и ад̇хиббзд̇аануруубам̣, б̣од̇ханзяяаб̣анд̇хаваанам̣ б̣од̇ханаад̇хиббааяаанугууланд̇и ад̇т̇о. ад̇т̇анд̇и д̣̇зсзд̇аб̣б̣ад̇т̇ам̣, д̣̇угкаад̣̇иад̇т̇амзва ваа. нигкибад̇ийд̇и бад̇идтаабзд̇и. яад̇о ‘‘жад̇д̇ааро суд̇д̇анигкзбаа’’д̇иаад̣̇и (ма. ни. адта. 1.муулабарияааяасуд̇д̇аван̣н̣анаа) адтагат̇аасу вужжад̇и.
39.Bhagavato sābhāvikadhammakathāyāti attano bhāvo sabhāvo, sabhāvena nibbattā, tato vā āgatāti sābhāvikā, sā eva dhammakathāti sābhāvikadhammakathā, buddhānaṃ sāmukkaṃsikadhammakathāti attho , tāya karaṇabhūtāya dhammadesanāya anaññattepi kathādesanānaṃ upacārasiddhena bhedenevaṃ vuttaṃ, avayavasamudāyavibhāgena vā. Tenāha ‘‘kā ca pakatikathāya desanā? Cattāri saccānī’’ti. Idañhi atthassa desanāya abhedopacāraṃ katvā vuttaṃ. Tassā desanāya paññāpanā. Ayaṃ paññattihāroti saṅkhepeneva paññattihārassa sarūpamāha. Sāti yathāvuttadesanā. Tathā tathāti yathā yathā saccāni desetabbāni, tathā tathā. Kathañcetāni desetabbāni? Pariññeyyādippakārena. Yathādhippetanti adhippetānurūpaṃ, bodhaneyyabandhavānaṃ bodhanādhippāyānukūlanti attho. Atthanti desetabbatthaṃ, dukkhādiatthameva vā. Nikkhipatīti patiṭṭhāpeti. Yato ‘‘cattāro suttanikkhepā’’tiādi (ma. ni. aṭṭha. 1.mūlapariyāyasuttavaṇṇanā) aṭṭhakathāsu vuccati.
д̇ад̇т̇аад̇и нигкзбад̣̇зсанааяанд̇и ад̇т̇о. маг̇г̇абагкияаад̇и д̣̇угкасажжад̇о б̣ахигад̇аад̇и ад̇хиббааяо.
Tatthāti nikkhepadesanāyanti attho. Maggapakkhiyāti dukkhasaccato bahikatāti adhippāyo.
яасмим̣ таанзд̇и яасмим̣ бхаваад̣̇исан̇каад̇з таанз. яат̇аавуд̇д̇аа д̣̇зсанаад̇и жад̇ураахаарабадиб̣ад̣̇д̇харааг̇аад̣̇имукзна ваддад̣̇ийбаний вуд̇д̇аббагаараа д̣̇зсанаа.
Yasmiṃ ṭhāneti yasmiṃ bhavādisaṅkhāte ṭhāne. Yathāvuttā desanāti caturāhārapaṭibaddharāgādimukhena vaṭṭadīpanī vuttappakārā desanā.
41. д̇збариваддавасзнаад̇и зд̇т̇ааби ‘‘сажжзсуу’’д̇и яож̇зд̇аб̣б̣ам̣. барин̃н̃аабан̃н̃ад̇д̇ийд̇и аахаад̇и самб̣анд̇хо. аж̇жхад̇д̇арад̇о, самаахид̇од̇и бад̣̇ад̣̇ваязна самаад̇хаанависидтам̣ аж̇жхад̇д̇арад̇ад̇аабхааванам̣ д̣̇ийбзд̇и г̇ожараж̇жхад̇д̇ад̇аад̣̇ийбанад̇о. гзвало хи аж̇жхад̇д̇асад̣̇д̣̇о аж̇жхад̇д̇аж̇жхад̇д̇аг̇ожараж̇жхад̇д̇зсуби вад̇д̇ад̇и. аж̇жхад̇д̇арад̇ад̇аависидтан̃жа самаад̇хаанам̣ саад̇исаяам̣ жид̇д̇адтид̇им̣ д̣̇ийбзд̇ийд̇и имамад̇т̇ам̣ д̣̇ассзд̇и ‘‘самаад̇хаанависидтассаа’’д̇иаад̣̇инаа.
41.Teparivaṭṭavasenāti etthāpi ‘‘saccesū’’ti yojetabbaṃ. Pariññāpaññattīti āhāti sambandho. Ajjhattarato, samāhitoti padadvayena samādhānavisiṭṭhaṃ ajjhattaratatābhāvanaṃ dīpeti gocarajjhattatādīpanato. Kevalo hi ajjhattasaddo ajjhattajjhattagocarajjhattesupi vattati. Ajjhattaratatāvisiṭṭhañca samādhānaṃ sātisayaṃ cittaṭṭhitiṃ dīpetīti imamatthaṃ dasseti ‘‘samādhānavisiṭṭhassā’’tiādinā.
аасаж̇ж̇анадтзнаад̇и аасан̇г̇анадтзна. д̇ат̇аа д̣̇ассананд̇и ад̇ат̇аабхууд̇ассааби бхаб̣б̣аруубасса вияа ад̇д̇ано вид̣̇ам̣санам̣. алагкигод̇и вилагкиго.
Āsajjanaṭṭhenāti āsaṅganaṭṭhena. Tathā dassananti atathābhūtassāpi bhabbarūpassa viya attano vidaṃsanaṃ. Alakkhikoti vilakkhiko.
гаамаананд̇и гаамааважарад̇хаммаанам̣. руубаананд̇и руубааважарад̇хаммаанам̣. ниссаран̣анд̇и гаамаанам̣ руубааважарад̇хаммаа ниссаран̣ам̣, д̇зсам̣ аруубааважарад̇хаммаа ниссаран̣ам̣. звам̣ д̇ам̣сабхааваананд̇и сауд̇д̇арасабхааваанам̣. д̇ат̇аад̇и яат̇аа сан̇кад̇ад̇хаммаанам̣ ниссаран̣абхаавад̇о, гилзсасамужчзд̣̇агасса арияамаг̇г̇асса аарамман̣абхаавад̇о жа ад̇т̇зва асан̇кад̇аа д̇хаад̇у, д̇ат̇аа вужжамаанзнааби гааран̣зна ад̇т̇зва асан̇кад̇аа д̇хаад̇ууд̇и д̣̇ассзд̇и. гад̇т̇ажи висаязд̇и асан̇кад̇ад̇хаад̇ум̣ санд̇хааяа вад̣̇ад̇и. авибарийд̇ад̇т̇од̇и бхууд̇ад̇т̇о. ‘‘яад̇о ко бхо аяам̣ ад̇д̇аа бан̃жахи гаамаг̇ун̣зхи самаббид̇о саман̇г̇ийбхууд̇о барижаарзд̇и, зд̇д̇аавад̇аа ко бхо аяам̣ ад̇д̇аа барамад̣̇идтад̇хамманиб̣б̣аанаббад̇д̇о ход̇и (д̣̇ий. ни. 1.94), сабагадтаниб̣б̣аанабхаавино’’д̇и жа звамаад̣̇ийсу убажааравуд̇д̇исаб̣бхаавад̇о. яат̇аа д̇ам̣ сийхасад̣̇д̣̇од̇и яат̇аа ‘‘сийхо маан̣аваго’’д̇иаад̣̇инаа маан̣авагаад̣̇ийсу убажааравуд̇д̇инаа вад̇д̇амаано миг̇арааж̇з бхууд̇ад̇т̇ависаяз д̣̇идто, звам̣ ниб̣б̣аанасад̣̇д̣̇оби гаамаг̇ун̣аруубаж̇жхаанасаман̇г̇ид̇аасу убажааравуд̇д̇ияаа вад̇д̇амаано гад̇т̇ажи висаяз авибарийд̇ад̇т̇о. яад̇т̇а жа висаяз авибарийд̇ад̇т̇о, саа асан̇кад̇аа д̇хаад̇у. хад̇т̇ад̇алз сааамалагам̣ вияа н̃зяяам̣ бажжагкад̇о бассанд̇асса згаббамаан̣асса сад̇т̇уважанамзвзд̇т̇а бамаан̣анд̇и д̣̇ассзнд̇о ‘‘гим̣ ваа зд̇ааяа яуд̇д̇ижинд̇ааяаа’’д̇иаад̣̇имааха. ‘‘бадин̃н̃аад̇асса ад̇т̇асса сид̣̇д̇хияаа багаасанаабан̃н̃ад̇д̇ий’’д̇и ниг̇амам̣ санд̇хааяаахаад̇и.
Kāmānanti kāmāvacaradhammānaṃ. Rūpānanti rūpāvacaradhammānaṃ. Nissaraṇanti kāmānaṃ rūpāvacaradhammā nissaraṇaṃ, tesaṃ arūpāvacaradhammā nissaraṇaṃ. Evaṃ taṃsabhāvānanti sauttarasabhāvānaṃ. Tathāti yathā saṅkhatadhammānaṃ nissaraṇabhāvato, kilesasamucchedakassa ariyamaggassa ārammaṇabhāvato ca attheva asaṅkhatā dhātu, tathā vuccamānenāpi kāraṇena attheva asaṅkhatā dhātūti dasseti. Katthaci visayeti asaṅkhatadhātuṃ sandhāya vadati. Aviparītatthoti bhūtattho. ‘‘Yato kho bho ayaṃ attā pañcahi kāmaguṇehi samappito samaṅgībhūto paricāreti, ettāvatā kho bho ayaṃ attā paramadiṭṭhadhammanibbānappatto hoti (dī. ni. 1.94), sapakaṭṭhanibbānabhāvino’’ti ca evamādīsu upacāravuttisabbhāvato. Yathā taṃ sīhasaddoti yathā ‘‘sīho māṇavako’’tiādinā māṇavakādīsu upacāravuttinā vattamāno migarāje bhūtatthavisaye diṭṭho, evaṃ nibbānasaddopi kāmaguṇarūpajjhānasamaṅgitāsu upacāravuttiyā vattamāno katthaci visaye aviparītattho. Yattha ca visaye aviparītattho, sā asaṅkhatā dhātu. Hatthatale saāmalakaṃ viya ñeyyaṃ paccakkhato passantassa ekappamāṇassa satthuvacanamevettha pamāṇanti dassento ‘‘kiṃ vā etāya yutticintāyā’’tiādimāha. ‘‘Paṭiññātassa atthassa siddhiyā pakāsanāpaññattī’’ti nigamaṃ sandhāyāhāti.
бан̃н̃ад̇д̇ихааравибхан̇г̇аван̣н̣анаа нидтид̇аа.
Paññattihāravibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / нзд̇д̇иббагаран̣абаал̣и • Nettippakaraṇapāḷi / 11. бан̃н̃ад̇д̇ихааравибхан̇г̇о • 11. Paññattihāravibhaṅgo
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / нзд̇д̇иббагаран̣а-адтагат̇аа • Nettippakaraṇa-aṭṭhakathā / 11. бан̃н̃ад̇д̇ихааравибхан̇г̇аван̣н̣анаа • 11. Paññattihāravibhaṅgavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / куд̣̇д̣̇аганигааяа (дийгаа) • Khuddakanikāya (ṭīkā) / нзд̇д̇ивибхаавиний • Nettivibhāvinī / 11. бан̃н̃ад̇д̇ихааравибхан̇г̇авибхааванаа • 11. Paññattihāravibhaṅgavibhāvanā
